AM | RU
USD
EUR
RUB

«Ջավախքին աջակցություն» հիմնադրամի հերթական օժանդակությունը Ջավախքի բազմազավակ ընտանիքներին

 

Հոկտեմբերի 30-31-ը «Ջավախքին Աջակցություն» հիմնադրամը հերթական անգամ դրամական օժանդակություն ցուցաբերեց 2014 թ.- ի հունվարի 1-ից հետո երրորդ եւ ավելի երեխա ունեցող ջավախահայ ընտանիքներին, ինչպես նաեւ վեցից ավելի երեխա ունեցող թվով 24 ընտանիքների:

Գումարի հանձնման արարողությունը տեղի ունեցավ Ջավախքի երեք շրջկենտրոններում։

Առաջին շրջանն Ախալցխան էր։ Նվիրատվության հանձնման արարողությունը տեղի ունեցավ Ախալցխայի Հայկական Երիտասարդական Կրթամշակութային Կենտրոնի գրասենյակում։ Միջոցառմանը ներկա Ջավախքին Աջակցություն հիմնադրամի Հոգաբարձուների խորհրդի նախագահ, բարերար Սոս Սահակյանը շնորհավորեց նորածին երեխաների ծնողներին եւ ՋԱՀ-ի Ախալցխայի շրջանի պատասխանատուի հետ գումարները փոխանցեց ընտանիքներին: Նրա խոսքերով «Աջակցություն Ջավախքի բազմազավակ ընտանիքներին» ծրագիրը հիմնադրամի գլխավոր ծրագրերից է։ Բացի այդ՝ իրենք ցանկանում են նաև աջակցել Սամցխե-Ջավախքում և Ծալկայի շրջանում մշակույթի եւ արվեստի զարգացմանն ու պահպանմանը: Սահակյանի խոսքերով Ախալցխան արդեն մի քանի դար է, ինչ հայ ազգին տալիս է բազմաթիվ գիտնականներ եւ մշակույթի խոշոր գործիչներ, եւ հիմա տվյալ էստաֆետը փոխանցվել է նոր սերնդին, սակայն կարծես ներկա պահին նվազել է տվյալ տենդենցը, եւ ահա ՋԱՀ-ի նպատակներից մեկն է նաեւ պահպանել ու ամրապնդել այն, ինչ կա:

ՋԱՀ-ի Ախալցխայի պատասխանատու Էդուարդ Այվազյանի խոսքերով «Ջավախքին Աջակցություն» հիմնադրամը բավական երիտասարդ կառույց է եւ ունի ընդամենը մեկ տարվա պատմություն, սակայն այս մեկ տարվա ընթացքում կազմակերպությունը կատարել է մեծ գործ հատկապես Ջավախքում ծնելիության խրախուսման գործում, եւ կան նաեւ շատ մեծ հույսեր կազմակերպության գործունեության հետ կապված, որ ՋԱՀ-ը ավելի հզորանալով պետք է նպաստի տարածաշրջանի մշակութային, հոգեւոր եւ կրթական ոլորտների զարգացմանը:

Բարերար Սոս Սահակյանը ծանոթացավ նաեւ Ախալցխայի Հայկական Երիտասարդական Կրթամշակութային Կենտրոնի բարեկարգման եւ նկուղային հարկի վերանորոգման աշխատանքներին, օժանդակելու համար կատարեց նյութական նվիրատվություն:

ՋԱՀ-ի «Աջակցություն Ջավախքի բազմազավակ ընտանիքներին» ծրագրի շրջանակներում գումարների հանձնման արարողություն տեղի ունեցավ նաև Ախալքալաքում եւ Նինոծմինդայում. օգնություն ստացան Ախալքալաքի շրջանի 9 և Նինոծմինդայի շրջանի 8 բազմազավակ ընտանիքներ։

Հոկտեմբերի 30-ին Ախալքալաքի «Ոսկե Ծիրան» կինոսրահի դահլիճում գումարների փոխանցման հանդիսավոր արարողությունն ազդարարվեց Տերունական աղոթքով: Ծրագրի կազմակերպիչները, շնորհավորելով նորածինների ծնողներին ու հարազատներին, միաժամանակ հույս հայտնեցին, որ բազմազավակ ընտանիքների քանակը գնալով կավելանա: Միջոցառմանը ներկա էր Ախալքալաքի Սբ. Խաչ եկեղեցու հոգևոր հովիվ Տեր Տաթև քահանա Մարուքյանը:

«Աջակցություն Ջավախքի բազմազավակ ընտանիքներին» ծրագրում Ջավախքի բոլոր շրջաններից 2014 թ. նոյեմբերի 1-ի դրությամբ ընդգրկվել է 112 ընտանիք:

«1000-2000 լարին, անշուշտ, մեծ աջակցություն է տվյալ ընտանիքին՝ նորածնի առաջնային ծախսերը հոգալու համար, իսկ ընդհանուր առմամբ ծրագիրը դրական կանդրադառնա ծնելիության գործընթացի, այդպիսով նաև Ջավախքի ժողովրդագրության վրա», – ասաց Ախալքալաքի շրջանում «Աջակցություն Ջավախքին» հիմնադրամի ներկայացուցիչ Արմեն Գրիգորյանը:

Նույն օրը Նինոծմինդայի «Ռաֆայել Ջավախք» կրթամշակութային կենտրոնում դրամական աջակցություն ստացող Նինոծմինդայի շրջանի 8 բազմազավակ ընտանիքներին իր օրհնանքի խոսքը ասաց շրջանի հոգևոր հովիվ Տ. Արմաշ քահանա Պողոսյանը, իսկ նույն կենտրոնի ղեկավար, Վրաստանի հայ գրողների «Վերնատուն» միության նախագահ Գևորգ Սնխչյանն իր խոսքում կարևորեց նման ծրագրերի իրականացումը, որոնք նյութական մեծ աջակցություն հանդիսանալուց զատ, ունեն նաև բարոյական խոշոր նշանակություն։

«Ջավախքին աջակցություն» հիմնադրամը գրանցվել է 2013թ.-ի դեկտեմբերի 10-ին և սկսել իր գործունեությունը 2014 թվականից։ Հիմնադրամի նպատակն է աջակցել Վրաստանի Սամցխե-Ջավախք նահանգի և Ծալկայի շրջանի հայաբնակ բնակավայրերի սոցիալ տնտեսական զարգացմանն ուղղված ծրագրերի իրականացմանը և նպաստել գիտական, կրթական, հոգևոր, առողջապահական, մշակութային, մարզական ոլորտների բարելավմանն ու կատարելագործմանը:

Լրահոս
Արցախում ընտրությունները եղել են ժողովրդավարական չափանիշներին համապատասխան. «Իրավական կրթություն և վերահսկողություն» ՀԿ Արցախի նախագահի ընտրությունների երկրորդ փուլին մասնակցելու են Արայիկ Հարությունյանն ու Մասիս Մայիլյանը Չինացի գիտնականները գտել են կորոնավիրուսը բուժելու նոր միջոց: Gazeta.ru Տիգրան Ավինյանը նոր որոշում է ստորագրել ՀԱՊԿ գլխավոր քարտուղարը մտահոգ է կազմակերպության անդամ-պետության սահմանին զինված միջադեպով Ադրբեջանում կորոնավիրուսով վարակվածների թիվը ավելացել է. Minval.az Ղազախստանում լրագրողն ուղիղ եթերում առաջարկություն է արել սիրելի աղջկան (տեսանյութ) Արցախում գտնվող ՀՀ ԱԺ պատգամավորների ասուլիսը՝ ուղիղ Որքան գումար են կորցրել Ռուսաստանցի մեծահարուստները մարտին . «ՌԻԱ Նովոստի» Արցախի նախագահի թեկնածու Արայիկ Հարությունյանի ասուլիսը՝ ուղիղ Ջավախքի բնակիչների մոտ կորոնավիրուս չի հաստատվել. Jnews Արցախում նախագահական ընտրությունների երկրորդ փուլ կանցկացվի․ ՏԵՍԱՆՅՈՒԹ Ռուսաստանի 35 շրջանում մեկ օրում գրանցվել է կորոնավիրուսի 440 նոր դեպք. Интерфакс «Գազպրոմ Արմենիան» դիմել է ՀԾԿՀ՝ առաջարկելով հուլիսի 1-ից սպառողների համար գազի սակագինը բարձրացնել 36 %-ով Հրապարակվել են Արցախի խորհրդարանական ընտրություններում 7 շրջանների նախնական արդյունքները «Մեդիա Պաշտպան»-ը կոչ է անում իշխանություններին համաճարակը քաղաքական շահերին չծառայեցնել Հորդորում ենք զերծ մնալ շրջակա միջավայրը աղտոտելուց․ պարետատուն Էկոնոմիկայի փոխնախարարներ Նաիրա Մարգարյանի և Արման Խոջոյանի ասուլիսը՝ ուղիղ Փաստաբանների պալատի նախագահը դիմել է պարետին Արցախում նախագահական ընտրություններ. մանրամասներ (թարմացվող) «Կորոնավիրուսը Երկրորդ համաշխարհային պատերազմից ի վեր վատթարագույն համաշխարհային ճգնաժամն է»․ Գուտերեշ Երևանի մետրոպոլիտենը փակ է Բրիտանիան, Ֆրանսիան և Գերմանիան շրջանցում են ԱՄՆ պատժամիջոցները՝ Իրանին բժշկական օգնություն ցույց տալու համար Հայաստանում հաստատվել է կորոնավիրուսով վարակվելու 39 նոր դեպք Ուհանում չեղարկվել է երկու ամիս գործող կարանտինային ռեժիմը (լուսանկարներ) ՄԻՊ-ը կոչով դիմել է քաղաքացիներին ՀՀ նախագահը օրենքներ է ստորագրել Թրամփը հայտարարել է Ռուսաստանի և Սաուդյան Արաբիայի հետ նավթային բանակցությունների մեկնարկի մասին «Ժողովուրդ». Գազի գինը կբարձրանա ԱՄՆ-ում կորոնավիրուսի հետևանքով զոհերի թիվը հասել է 3890-ի. Worldometer «Ժողովուրդ»․ Նորանշանակ ՊՆ պաշտոնյան ու աղմկահարույց նամակը «Ժողովուրդ»․ Ե՞րբ և ինչպե՞ս կանցկացվի հանրաքվեն. նոր նախագիծ է մշակվել «Փաստ»․ Իշխանությունները ձեռնամուխ են եղել «ինտելեկտուալ մոբիլիզացիայի» «Հրապարակ»․ Պատգամավորների մեծ մասն անտեսում է հակահամաճարակային միջոցառումները «Հրապարակ»․ Պարետ Տիգրան Ավինյանը Հովիկ Աբրահամյանի օգնականին հետ է կանչել, խնդրել է օգնել պարետատանը «Փաստ»․ Իշխանության «արևմտյան թևը» չի հանդարտվում «Փաստ»․ Իշխանությունները կվերանայեն սեփականաշնորհված գյուղատնտեսական որոշ վարելահողերի հարցը Երկրաշարժ է գրանցվել ԱՄՆ-ում Դադարեցվում է հանրային տրանսպորտի գործունեությունը. նոր սահմանափակումների ցանկը Արցախում նախագահական ընտրություններում առաջատարն Արայիկ Հարությունյանն է
Խմբագրի ընտրություն
website by Sargssyan