Մեծ Եղեռնի 99-րդ տարելիցին նվիրված միջոցառումներ Սամցխե-Ջավախքում
Նմանատիպ
Մեծ Եղեռնի 99-րդ տարելիցի առիթով Սամցխե-Ջավախքում տեղի են ունենալու մի շարք միջոցառումներ:
Ասպինձայի շրջանի Դամալա գյուղում ապրիլի 22-ին տեղադրվելու է խաչքար-հուշակոթաղ նվիրված 1915թ. Հայոց Ցեղասպանության զոհերի հիշատակին:
Նույն օրը USAID–ի ժողովրդավարության ներգրավվածության կենտրոնում Ախալցխայի Հայկական Երիտասարդական Կրթամշակութային Կենտրոնի նախաձեռնությամբ տեղի կունենա Մեծ Եղեռնի զոհերի հիշատակին նվիրված ցուցահանդեսի բացման արարողություն:
Ապրիլի 23-ին 1915թ. Հայոց Ցեղասպանության զոհերի հիշատակը հավերժացման համար մեծ հուշակոթող է կանգնեցվելու Նինոծմինդայում:
Ապրիլի 23-ին երեկոյան Ախալցխայի Սբ. Գրիգոր Լուսավորիչ եկեղեցուց տեղի կունենա ջահերով երթ, դեպի 1915թ. Հայոց Ցեղասպանության զոհերի հիշատակին կանգնեցված խաչքար-հուշակոթող: Ցեղասպանության անմեղ զոհերի հիշատակին երկինք կբարձրացվեն վառվող մոմեր:
Ջահերով երթեր են տեղի ունենալու Ախալքալաքում եւ Նինոծմինդայում, ինչպես նաեւ Ջավախքի մի շարք գյուղերում: Ջահերով երթերը կազմակերպվելու են Զորի Զորյանի անվան երիտասարդական միության նախաձեռնությամբ:
Ապրիլի 24-ին սգո եւ բողոքի արարողություններ են տեղի ունենալու Ախալցխայում, Ախալքալաքում, Նինոծմինդայում եւ մի շարք այլ գյուղերում:
Մեծ Եղեռնի զոհերի հիշատակին ապրիլի 21-ին խաչքար-հուշակոթող է կանգնեցվելու նաեւ Թբիլիսիում:
Հետևեք մեզ նաև Telegram-ում