BBC. ՀՀ վարչապետը հայտնվել է քննադատությունների թիրախում․ իշխանությունը պնդում է՝ Հայաստանը չի կարող ևս մեկ «լոքդաունի» դիմել (Տեսանյութ)

BBC. ՀՀ վարչապետը հայտնվել է քննադատությունների թիրախում․ իշխանությունը պնդում է՝ Հայաստանը չի կարող ևս մեկ «լոքդաունի» դիմել (Տեսանյութ)

ԵՐԵՎԱՆ, 26 ՀՈՒՆԻՍԻ, Aysor.amՀարավային Կովկասի տարածաշրջանում կորոնավիրուսի վարակի ամենաշատ դեպքեր գրանցել է Հայաստանը, այս մասին ասվում է BBC-ի՝ Հայաստանի մասին պատրաստած ռեպորտաժում։

Նշվում է, որ վարչապետը հայտնվել է քննադատությունների թիրախում, բայց իշխանությունները պնդում են, որ Հայաստանն այլևս չի կարող ևս մեկ «լոքդաունի» դիմել:

Ռեպորտաժում ասվում է, որ ՀՀ հոսպիտալները ծանրաբեռնված են պացիենտներով։ Նշվում է նաև, որ համացանցում հյատնված տեսանյութը, որտեղ Զինված ուժերի Գլխավոր շտաբի պետ Արտակ Դավթյանը հարսանյաց հանդիսություն է կազմակերպել, հասարակության մոտ տպավորություն է ստեղծում, որ կառավարությունը լուրջ չի վերաբերվում ճգնաժամին։

BBC-ն ընդգծում է, որ այս ամենի ֆոնին դժգոհ քաղաքական ընդդիմությունը պահանջում է կառավարության ամբողջական հրաժարականը։

Ռեպորտաժում հասարակական-քաղաքական գործիչ, «Քառյակ» մեդիա ընկերության անդամ Սամվել Ֆարմանայնն աղետ է որակում ՀՀ կառավարության քայլերը՝ ուղղված կորոնավիրուսի հաղթահարմանը։

«Նրանք վերջնականապես ձախողվել են, դրա համար Հայաստանը վարակի ցուցանիշներով հայտնվել է վատագույն պատկերն ունեցող երկրների ցանկում», – ասում է Ֆարմանյանը։

Միևնույն ժամանակ նշվում է, որ ապրիլից վերաբացվել են բիզնես գործունեության տեսակները, որից հետո վարակվածների թվերը շարունակել են աճել։ Բացի այդ, նշվում է, որ տնտեսական անկումը թույլ չի տալիս ևս մեկ «լոքդաոն» կիրառել։

Առողջապահության նախարար Արսեն Թորոսյանն էլ ընդգծում է, որ վարակն անհնար է վերացնել:

«Եթե մի քանի ամսով կամ մեկ տարով որոշում կայացվի արգելել բիզնես գործունեությունը, այդ դեպքում մենք կմահանանք ուրիշ պատճառով», – ասում է Թորոսյանը:

Նշվում է, որ ներկայում Նիկոլ Փաշինյանն առերեսվել է իր կառավարման տարիների ամենաբարդ խնդրին:

«Նա հույսը ևս մեկ անգամ դնում է ժողովրդի վրա, որպեսզի նրանք իրենց գործը կատարեն վիրուսի դեմ պայքարում», – եզրափակում է ռեպորտաժը։

Հետևեք մեզ նաև Telegram-ում