Իշխանության հանդեպ պահանջներն առավել մեծ են լինելու սահմանադրական փոփոխությունների ընդունումից հետո. Պուտին
Նմանատիպ
ԵՐԵՎԱՆ, 23 ՀՈՒՆԻՍԻ, Tert.am: ՌԴ նախագահ Վլադիմիր Պուտինը վստահություն հայտնել, որ սահմանադրական փոփոխությունների ընդունման դեպքում առավել մեծ պահանջներ են ներկայացվելու իշխանության քաղաքականության արդյունավետության հանդեպ:
«Իհարկե, նոր սահմանադրական դրույթներն ընդունվելու դեպքում արդյունավետության առավել բարձր պահանջներ կդրվեն մեր ողջ սոցիալական, տնտեսական քաղաքականության առաջ, կյանքի որակի և մարդկանց բարեկեցության բարձրացմանն ուղղված հանձնարարականների առաջ»,- ТАСС գործակալության փոխանցմամբ՝ Պուտինն ասել է ժողովրդին ուղղված ելույթում:
Պուտինը հիշեցրել է, որ հուլիսի մեկին կկայանա Ռուսաստանի Սահմանադրության փոփոխությունների հարցով հանրաքվեն: «Դրանք ուժի մեջ կմտնեն, եթե քաղաքացիները հավանություն տան դրանց: Հենց ժողովրդի կամքն է կարևոր երկրի վստահ, դինամիկ, երկարաժամկետ զարգացման հուսալի պայմաններ ապահովելու համար»,- նշել է ՌԴ ղեկավարը:
Հետևեք մեզ նաև Telegram-ում