Փաշինյանի փոխարեն Մոսկվա կմեկնի պաշտպանության նախարար Դավիթ Տոնոյանը

ԵՐԵՎԱՆ, 19 ՀՈՒՆԻՍԻ, Times.am: Մոսկվայում Հայրենական Մեծ Պատերազմի 75-րդ տարեդարձին նվիրված շքերթին Հայաստանը ներկայացնելու է 75 հոգուց բաղկացած զորախումբ` պաշտպանության նախարար Դավիթ Տոնոյանի գլխավորությամբ: Այդ մասին տեղեկացնում է վարչապետի մամուլի քարտուղար Մանե Գևորգյանը։

Ավելի վաղ հայտարարվել էր, որ վարչապետ Նիկոլ Փաշինյանը չի մասնակցի Հայրենական Մեծ Պատերազմի 75-րդ տարեդարձին նվիրված միջոցառումներին: