Նիկոլ Փաշինյանի՝ Մոսկվա չմեկնելու որոշումը Երևանում չի կայացվել
19/06/2020 19:23
Նմանատիպ
ԵՐԵՎԱՆ, 19 ՀՈՒՆԻՍԻ, Analitik.am: Այսօր ՀՀ վարչապետ Նիկոլ Փաշինյանի մամուլի ծառայությունը հայտարարություն տարածեց՝ տեղեկացնելով, որ Փաշինյանը նամակ է գրել ՌԴ նախագահ Վլադիմիր Պուտինին՝ հայտնելով, որ չի կարող մեկնել Մոսկվա՝ մասնակցելու Հայրենական Մեծ պատերազմի 75-րդ տարեդարձին նվիրված միջոցառումներին: Նա իր որոշումը հիմնավորել է գոյություն ունեցող համաճարակային իրավիճակով:
Սակայն, ինչպես երևում է, Փաշինյանի չմեկնելու որոշումը Երևանում չի կայացվել:
Analitik.am-ի տեղեկություններով, Նիկոլ Փաշինյանը չի մեկնում Մոսկվա, քանի որ Վլադիմիր Պուտինի արարողակարգը ՀՀ վարչապետի արարողակարգին հայտնել է, որ Փաշինյանը չի կարող մասնակցել Մոսկվայում տեղի ունենալիք միջացառումներին, քանի որ գտնվում է ռիսկային խմբում՝ վերջերս վարակվել է կորոնավիրուսով:
Հետևեք մեզ նաև Telegram-ում