Լեհաստանի նախագահը ԼԳԲՏ գաղափարախոսության դեմ պայքարի արշավ է հայտարարել
Նմանատիպ
ԵՐԵՎԱՆ, 13 ՀՈՒՆԻՍԻ, Tert.am: Լեհաստանի նախագահ Անջեյ Դուդան հայտարարել է, որ երեխաներին կպաշտպանի ԼԳԲՏ գաղափարախոսությունից, որի դեմ պայքարի համար նոր արշավ է սկսել:
Ինչպես նշում է The Guardian-ը, այս քայլով նախագահական ընտրություններին մասնակցող Դուդան ցանկանում է պահպանողական հայացքների տեր ընտրազանգվածի շրջանում բարձրացնել իր վարկանիշը:
Գործող նախագահի խոսքով՝ միասեռական ամուսնությունների օրինականացումը, ոչ ավանդական սեռական կողմնորոշում ունեցող զույգերի կողմից երեխաների որդեգրումը օտարերկրյա գաղափարախոսություն է, որի քարոզը պետք է արգելվի դպրոցներում և հանրային ինստիտուտներում:
Հայտնի է, որ համավարակի պատճառով ընտրությունները մայիսի 10-ից տեղափոխվել են հունիսի 28 և այս ընթացքում մայրաքաղաք Վարշավայի լիբերալ քաղաքապետ Ռաֆալ Տշասկովսկին ևս մտել է մրցապայքարի մեջ և, ըստ սոցհարցումների արդյունքների, նա կարող է լինել Դուդայի ամենագլխավոր մրցակիցը:
Քաղաքապետը ԼԳԲՏ համայնքի իրավունքների աջակից է և Վարշավայի առաջին քաղաքապետն է, որը մասնակցել է գեյ շքերթի:
Հետևեք մեզ նաև Telegram-ում