AM | RU
USD
EUR
RUB

5-րդ ալիքի տնօրեն. Այս գործողությունը նախապես կազմակերպված է եղել

 

ԵՐԵՎԱՆ, 4 ՀՈՒՆԻՍԻ, Panorama.am5-րդ ալիք հեռուստաընկերության տնօրեն Հարություն Հարությունյանը Panorama.am-ի հետ զրույցում պնդում է՝ Արցախում իր ղեկավարած հեռուստաընկերության հեռարձակման դադարեցումը պայմանավորված չէ տեխնիկական խնդիրներով, ինչպես փորձ է արվում ներկայացնել։ Արցախից ստացած հիմնավորումներին նա հակադարձում է փաստերով։

«Այսօր արդեն կարող եմ ասել՝ ոչ, տեխնիկական խնդիրներով չի պայմանավորված հեռարձակման դադարեցումը»,- ասաց Հ. Հարությունյանը։

Նրա խոսքով, ինքը երեք օր բանակցությունների մեջ է եղել Արցախի Հանրապետության պետական տարբեր մարմինների հետ, իր համար հասկացել ու հիմնավորել է, թե ինչն ինչոց է։

«Երեկ դեզերտիր անկախ պատգամավորն ապացուցեց, հաստատեց, որ խնդիրը տեխնիկական չէ։ Ավելին, ես հենց իր շրջանակից եմ լսել, որ նման բան է լինելու, այսինքն՝ այս գործողությունը նախապես կազմակերպված է եղել։ Նույն այդ պատգամավորը գրեց՝ փակեցին, նա որտեղի՞ց գիտեր, որ փակել են, եթե խնդիրը տեխնիկական է»,- ասաց հեռուստաընկերության տնօրենը՝ ի նկատի ունենալով պատգամավոր Արման Բաբաջանյանին ու նրա ֆեյսբուքյան մեկնաբանությունները հեռարձակման դադարեցման վերաբերյալ։

Հարություն Հարությունյանը մանրամասնում է, որ 5-րդ ալիք հեռուստաընկերությունը եղել է մի սարքի վրա՝ մյուս հեռուստաընկերությունների հետ միասին։

«Հիմա եթե ասում են, կայծակը խփել է, սարքը փչացել է, ուրեմն մյուսների հեռարձակումն էլ պետք է դադարեր։ Չի կարող նույն սարքի վրա լինել տասը հեռուստաընկերություն, մի քանիսը մնան, չվնասվեն, 3-4-ը՝ վնասվեն։ Չկա նման բան»,- խնդրի շուրջ ունեցած կասկածները ներկայացրեց նա։

Հարությունյանը խոսել է նաև «Արցախ կապ» ՓԲԸ ղեկավարի հետ, առաջարկել տեխնիկան վերականգնելու համար իրենց օգնությունը։

«Մինչ երեկ ես այս բանակցությունների մեջ էի, դեզերտիր անկախ պատգամավորը հաստատեց, որ խնդիրը տեխնիկական չի և դա քաղաքական է, այսինքն՝ նա տեղյակ էր դրանից, պարզ է, չէ՞, նրա տեղեկացվածությունը որտե՞ղից է։ Իսկ տվյալ պատգամավորն այսօր հասարակ մարդ չի, մի քանի երկրների ծառայություններ մատուցող անձնավորություն է։ Դա ես չեմ ասում, «Վիկիլիքսն է ասում, նա կարող է դատի տալ «Վիկիլիքս»-ին»,- ասաց նա։

Հարությունյանի խոսքով, հեռուստաընկերությունն Արցախում չի հեռարձակվում հունիսի մեկից։ Անցած երեք օրերի ընթացքում ինքը տարբեր գերատեսչությունների, մարմինների հետ կապ է հաստատել։ Հեռարձակման դադարի մասին ինքը չի հայտարարել, բայց դրա մասին բարձրաձայնել է նույն պատգամավորը։

«Ես էլի կլռեի, եթե նա չգրեր դա։ Նա հաստատեց, որ խնդիրը տեխնիկական չէ»,- ասաց հեռուստաընկերության տնօրենը։

Նա «Արցախ կապ» ՓԲԸ-ի ղեկավարությունից հետաքրքրվել է, եթե խնդիրը տեխնիկական է, ապա ե՞րբ կվերացվի այն։

«Ինձ ասում են՝ համավարակ է, սարքը Փարիզից պատվիրել ենք։ Սուտ, Փարիզից ոչ մեկ այդ սարքը չի պատվիրում, էդ սարքերն ուրիշ տեղերից են գալիս, ոչ թե Փարիզից։ Հիմա ասում են, չգիտենք, երբ տեղ կհասնեն։ Հասկանո՞ւմ եք, չեն ասում, երկու օրից կամ մեկ ամսից կհասնեն»,- Արցախից լսածը փոխանցում է Հարությունյանը։

Նա հիշեցնում է՝ ապրանքը պատվիրելու դեպքում, տվյալ խանութը գնորդին տրամադրում է կոդ, որի մուտքագրման միջոցով մարդը հնարավորություն է ստանում հետևել, թե որտեղ է հասել իր պատվերը։

«Հիմա էս մարդիկ ոչինչ չգիտեն, երբ կգա։ Ասում են՝ պանդեմիա է, տրանսպորտը կանգնած է, ի՞նչ իմանանք։ Դա նշանակում է, որ խնդիրը կարող է ձգվել օրինակ մեկ տարի, երկու տարի, երեք տարի։ Ախր աշխարհն էնքան թափանցիկ է դարձել, իսկ մենք այնքան պրիմիտիվ սուտ ենք խոսում, որ ասելու չի»,- ասաց նա։

«Շողակաթ» հեռուստաընկերության հեռարձակման դադարեցումն էլ նա մասամբ պայմանավորում է Հայ Առաքելական եկեղեցու նկատմամբ ունեցած վերաբերմունքով, հալածանքներով։

«Սա իմ վերլուծությունն է, Աստված տա, ես սխալվեմ։ Բայց «Շողակաթ»-ի մասով, կարող եմ այդպես մտածել։ Եթե օտարերկրյա ծառայությունների գործակալ պատգամավորն ավետում է Արցախում փոփոխությունների մասին, ապա ես սարսափով եմ մտածում, թե ինչ կարող է լինել այնտեղ։ Եթե որևէ մեկը համարում է, որ սա աննապատակ արված քայլ է, չարաչար սխալվում են։ Ես գրել եմ, որ սա նախավարժանք է, տեսնենք, թե ինչ է տեղի ունենալու հետո։ Պետք է հետևել այդ պատգամավորի էջին, ինքը հաճախ ստացած հանձնարարությունների մասին բարձրաձայնում է»,- ասաց նա։

Հեռուստաընկերության տնօրենի խոսքով, իրենք խնդրի լուծման համար դատական ճանապարհով չեն գնա։

«Ես Արցախի դեմ նման բան չեմ անի։ Սրանք ժամանակավոր խնդիրներ են, Արցախը մնայուն է»,- ընդգծեց նա։

«Արցախկապ» ՓԲԸ-ին Panorama.am-ի ուղղված զանգերն առայժմ անպատասխան են մնում։

Լրահոս
Հանրակրթության վիճակի նոր «մեղավորը» Իշխանությունը Միքայել Մինասյանի դեմ պայքարում է որպես քաղաքական հակառակորդի՝ քրեաիրավական գործիքներով. Միհրան Պողոսյան (տեսանյութ) Մենք այլ ելք չենք ունենա, քան վերադառնալ սահմանափակումների ռեժիմին. Փաշինյան Ադրբեջանի հատուկ ծառայությունները համացանցով փորձել են տեղեկություններ կորզել ՀՀ ԶՈւ վերաբերյալ Հայաստանի ասորական համայնքը դատական հայցով Հայ առաքելական եկեղեցուց պահանջում է վերադարձնել Դիմիտրով համայնքի եկեղեցին (տեսանյութ) «Դալմա Գարդեն մոլում» ռումբ չի հայտնաբերվել (տեսանյութ) Կարևոր նորություն աղբահանության վճարների մասին ՌԴ զորամասի պայմանագրային զինծառայողի մահվան դեպքի առթիվ հարուցվել է քրեական գործ «Նոր Զովք» առևտրի կենտրոնում ՍԱՏՄ տեսուչներն արձանագրել են մի քանի խախտումներ Դատարանը վարույթ է ընդունել Արթուր Վանեցյանի հայցն ընդդեմ պատգամավոր Արման Բաբաջանյանի լրատվամիջոցի Ոստիկանապետի հրամանով՝ Արմեն Մկրտչյանը նշանակվել է ոստիկանության շտաբի պետ Հայաստանում հաստատվել է կորոնավիրուսով վարակվելու 330 դեպք Մերժվեց Սուրբ Աթոռում ՀՀ նախկին դեսպան Միքայել Մինասյանին կալանավորելու վերաբերյալ միջնորդությունը. Մակինյան Երկրաշարժ՝ Մարմարաշեն գյուղից 6 կմ հարավ-արևելք ՕՐՎԱ ԽՈՐՀՈՒՐԴԸ: Հուլիսի 6 89+1 դատվողները Ճանապարհը արդյունավետության գնահատումն է. Միքայել Մալխասյան Պետական կաշառքից մինչև Սահմանադրական կարգի տապալում. ՍԴ շուրջ իրավիճակը 1 տարվա ընթացքում (տեսանյութ) Հայաստանում հաստատվել է կորոնավիրուսով վարակվելու 706 դեպք «ՀՀ Սահմանադրություն․ կարմիր և կանաչ գծեր». Խորհրդաժողով` նվիրված ՀՀ Սահմանադրության օրվան. ՈՒՂԻՂ Անձնական շահադիտությամբ Սահմանադրության խախտումը չի կարող անհետևանք լինել Այսօր Գոշավանքում տեղի կունենա «Իրավական ուղու» կազմակերպած խորհրդաժողովը՝ նվիրված ՀՀ Սահմանադրության օրվան Պետք է դադարենք ժամանակ ծախսել ներքաղաքական խնդիրների վրա և նախագծենք ՀՀ-ի զարգացման տեսլականը. Ոսկանյան Որքա՞ն աշխատավարձ են ստացել նախարարները 2019 թ-ին, ի՞նչ ունեցվածք ունեն․ 12 նախարարների հայտարարագրերը Սարսանգի ջրամբարում 11 և 14-ամյա երեխաներ են ջրահեղձ եղել Ադրբեջանը հայ դիրքապահների ուղղությամբ արձակել է շուրջ 2000 կրակոց Հուլիսի 6-ի հոսանքազրկումների մասին Նոր ՀԿ՝ գիտության ու կրթության զարգացման և իրավունքների պաշտպանության համար Միջազգային հեղինակավոր պարբերականներն ու ABC հեռուստաալիքն անդրադարձել են «ԱրմՆյուզ» և «5-րդ ալիք» հեռուստաընկերություններ ոստիկանների այցելությանը Էջմիածնի Մայր Տաճարի վերանորոգումը խոչընդոտելու հրահանգը տրված է անձամբ Փաշինյանի կողմից. Աշոտյան Հովիկ Աղազարյանի որդուն մեղադրանք է առաջադրվել. գործն ուղարկվել է դատարան «Այսօր մենք ամեն ոլորտում կորցնում ենք հայկականը» Օդի ջերմաստիճանը կբարձրանա Արայիկ Հարությունյանը ընդունել է Զոհրաբ Մնացականյանին Արցախում կորոնավիրուսով վարակվածների թիվը 129 է. ծանր վիճակում է գտնվում մեկ հոգի Հայաստանում հաստատվել է կորոնավիրուսով վարակվելու 580 դեպք «Հրապարակ». Իշխանությունը ձեռնամուխ է եղել մամուլի և խոսքի ազատության դեմ պայքարելու գործին «Հրապարակ». Իշխանությունների հույսերը չեն արդարացել «Հրապարակ». Արարատ Միրզոյանը Փաշինյանին համոզել է ևս մեկ անգամ «չտապալել» սահմանադրական կարգը ՕՐՎԱ ԽՈՐՀՈՒՐԴԸ: Հուլիսի 4
Խմբագրի ընտրություն
website by Sargssyan