AM | RU
USD
EUR
RUB

Լավ կլիներ՝ 20-30 օր խիստ կարանտին սահմանվեր. բժիշկ-թերապևտ Լևոն Շահինյան

 

ԵՐԵՎԱՆ, 2 ՀՈՒՆԻՍԻ, Tert.amՀայաստանում կորոնավիրուսի թվերը շատ խոսուն են, խայտառակ վիճակ է, այսպես շարունակվելու դեպքում ամերիկյան սցենարին ենք հասնելու: Այս մասին Tert.am-ի հետ զրույցում ասաց բժիշկ-թերապևտ Լևոն Շահինյանը՝ անդրադառնալով ՀՀ-ում կորոնավիրուսով պայմանավորված իրավիճակին, թվերի աճին, ու այն հանգամանքին, որ մեկ միլիոն բնակչության հաշվով վարակվածների թվով Հայաստանը տարածաշրջանում առաջինն է:

Հարցին՝ ինչը բերեց այս պատկերին, բժիշկը պատասխանեց, թե խնդիրն այն է, որ ի սկզբանե լուրջ մոտեցում չի եղել, չեն պատկերացրել հիվանդության վտանգների մասին: «Չեմ կարծում՝ ուզել են ինչ-որ բան անել, չեն կարողացել, ուղղակի չեն հասկացել»,- նշեց նա:

Հիշեցնենք, որ հունիսի 1-ի դրությամբ Հայաստանում մեկ օրում կորոնավիրուսով վարակվելու և մահվան ռեկորդային թվեր են արձանագրվել. վարակվել է 517, մահացել՝ 20 քաղաքացի. վարակվածների ընդհանուր թիվը 10 009 է, մահվան դեպքերինը՝ 214:

Ի պատասխան հարցի, թե ինչպիսի՞ լուծում է տեսնում, քանի որ այս պահին բաց են տնտեսության գրեթե բոլոր ճյուղերը, հանրային տրանսպորտը, այս պարագայում խիստ կարանտինի անցումը կարո՞ղ է արդյունավետ լինել, Շահինյանը պատասխանեց, թե խիստ կարանտինի անցնելու դեպքում պետք է կարողանալ մարդկանց գոյամիջոցներով ապահովել:

«Չգիտեմ՝ ունե՞ն այդքան հնարավորություն, գուցե ունեն, հարց է՝ կցանկանա՞ն ապահովել: Իհարկե, լավ կլիներ, որ 20 օրից մինչև մեկ ամիս ժամկետով խիստ կարանտին սահմանվեր, բայց մի պայմանով՝ մարդկանց հացից չկտրեին: Դա կարող է դեպքերի նվազման բերել: Եթե Կառավարությունը կարողանա մարդկանց գոյությամբ ապահովել, այդ տարբերակն արդյունավետ կլինի: Մարդիկ հացի գումար չունեն, չեն աշխատում, եթե նորից խիստ միջոցների անցնեն, վիճակն էլ ավելի սուղ է լինելու: Եթե կարողանան ընտանիքներին նվազագույնը 100 000 գումար հատկացնել, որ կարողանան գոյատևել, և փակեն ամեն ինչ, սահմանեն պարետային ժամ, մարդիկ դուրս գան միմիայն խիստ անհրաժեշտության դեպքում՝ մթերային խանութ, դեղատներ, իսկ աշխատանքի գնան միայն նրանք, որոնց աշխատանքի անհրաժեշտությունը խիստ է»,- ասաց թերապևտը:

Նրա խոսքով՝ այդ պարագայում կլինի որոշակի արդյունք. «Վարչապետը սիրում է ասել՝ իտալական սցենար, ես կասեի՝ մենք նույնիսկ ամերիկյան սցենարին ենք հասնելու այսպես գնալով: Երկրում երեք միլիոն հայ ենք, որ սկսենք այսպես կոտորվել օրական հարյուրներով, ինչքա՞ն հայ կմնա»,- ասաց Շահինյանը:

Հարցին՝ իր կարծիքով՝ նախորդ կարանտինային ռեժիմը պատշա՞ճ կերպով իրականացվեց, բժիշկն արձագանքեց, որ՝ ոչ: «Շատ թույլ էր կարանտինը, ձևական բնույթ էր կրում: Դա, իհարկե, ոչ միայն պարետատան մեղքն է, այլև՝ քաղաքացիների մոտեցման: Լուրջ չեն մոտենում խնդրին»:

Անդրադառնալով դիտարկումներին, թե կորոնավիրուսի նկատմամբ մարդկանց անլուրջ մոտեցման պատճառ են դարձել նաև վարչապետ Նիկոլ Փաշինյանի և առողջապահության նախարար Արսեն Թորոսյանի այն հայտարարությունները, թե կորոնավիրուսը շատ վտանգավոր հիվանդություն չէ, գրիպի նման բան է, բժիշկն արձագանքեց, թե դրանք ևս նպաստել են: «Բայց, ինչքան էլ նպաստեին, քաղաքացիները պետք է հասկանային, որ այդպես չէ: Իրավիճակը գալիս է ոչ միայն ղեկավարողների չիմացությունից, այլև մարդկանց՝ հարցին մոտեցման լրջությունից: Երկուսն էլ ունեն էական նշանակություն»,- ասաց Լևոն Շահինյանը:

Լրահոս
Հակառակորդը կրակում է Բերդ համայնքի ուղղությամբ Հայաստանում հաստատվել է կորոնավիրուսով վարակվելու 339 դեպք «Փաստ». Ադրբեջանի վերնախավում խուճապային տրամադրություն է Չավուշօղլուն հայտարարել է, որ «պատրաստ են զոհել իրենց կյանքը հանուն Ադրբեջանի» Գիշերը ՀՀ ԶՈՒ մարտական դիրքերից դիտարկվել է հակառակորդի տանկի շարժ. ՊՆ Միացյալ Նահանգների կոչը Հայաստանին և Ադրբեջանին Ադրբեջանցի ընկերներին կոչով դիմող ոմն Բաբկեն Համլետը, ոչ միայն ֆեյք չէ, այլև՝ բավականին ակտիվ աշխուժակ ԵՊՀ ուսխորհրդի նախագահի գործով դատական նիստ. ՈՒՂԻՂ «Իրատես». Խնդիրն ի կատար է ածվել. Ինչ խնդիր է դրված եղել 3-րդ բանակային կորպուսի հրամանատարի առջև «Հրապարակ». Իշխանությունը կնահանջի աղմկահարույց նախագծի հարցում «Ժողովուրդ»․ Արտակարգ դրություն երկրի ներսում և սահմաններին․ ինչ իրավիճակ էր ներքաղաքական կյանքում «Իրավունք». Շաբաթ-կիրակին որտե՞ղ է անցկացրել Փաշինյանը «Իրատես».Նի­կոլ Փա­շի­ն­յա­նը փոր­ձում է ա­ռա­քե­լա­կան ե­կե­ղե­ցու հե­ղի­նա­կու­թ­յան հաշ­վին հետ բե­րել «ա­նա­ռակ որ­դի­նե­րին» «Հրապարակ». «Իմ քայլի» թիրախում ԲՀԿ-ական պատգամավորներն են «Փաստ». Իշխանությունները մտադիր են թուլացնել «չուժոյ» համայնքապետների դիրքերը «Հրապարակ». Ադրբեջանցիները հող են նախապատրաստում թե ներքին լսարանի, թե միջազգային հանրության համար. Ա. Տեր-Թադևոսյան «Փաստ». Իշխանությունն ուժեղացնում է ՀԿ-ների դերը ՕՐՎԱ ԽՈՐՀՈՒՐԴԸ: Հուլիսի 14 Այդպե՞ս են կանխում պատերազմը. քաղաքագետ Այսօրվանից սկսած ներկայացնելու եմ իմքայլականների 2016-ին արված գրառումները. Հայկ Մամիջանյան Մայր Աթոռ. Մեր զորակցությունն ենք բերում ՀՀ իշխանություններին, Հայոց հաղթական բանակի մեր զինվորներին Համանախագահները հայտարարություն են տարածել Կոչ ենք անում միջազգային հանրությանը և ԵԱՀԿ Մինսկի խմբի համանախագահներին համարժեք գնահատական տալ. ԱՀ ԱԳՆ ԱՀ առողջապահության ոլորտի աշխատողների աշխատավարձերը կտրուկ կբարձրանան Tert.am-ի նկարահանող խումբը Չինարի գյուղում է, որի ուղղությամբ թշնամին արկեր էր արձակել (տեսանյութ) Լավրովը Երևանին և Բաքվին կրակի անհապաղ դադարեցման կոչ է արել Այս պահին խոցվել է ադրբեջանական մի քանի անօդաչու թռչող սարք, որոնցից մեկը «կամիկաձե» է. Քոչարյան (Լուսանկար) Նիկոլ Փաշինյանը կնոջ փեշերի տակ թաքնվող վախկոտ է. Նիկոլից տղամարդկություն մի ակնկալեք. Հակոբյան Փաշինյանի աջակիցները պրոադրբեջանական քարոզչություն են իրականացնում Սա գնդակոծություն է ՀՀ պետական սահմանի վրա, սպասենք ՀԱՊԿ համապատասխան արձագանքին․ Միքայել Մելքումյան Ռուսաստանի և Ադրբեջանի արտգործնախարարները քննարկել են հայ-ադրբեջանական սահմանին առկա իրավիճակը Խստորեն դատապարտում ենք մեր տարածաշրջանում անկայունություն հրահրելու Թուրքիայի փորձերը. ՀՀ ԱԳՆ Ադրբեջանական ԶՈՒ-ն 120 մմ տրամաչափի ականանետից 3 արկ է արձակել Չինարիի ուղղությամբ. ՊՆ մամուլի խոսնակ Ավտոերթի ընթացքում բերման ենթարկվածները Ոստիկանության Մասիսի բաժանմունքում են․ ՈՒՂԻՂ Տավուշում ՀՀ ԶՈւ երեք զինծառայող է վիրավորվել. նրանց կյանքին վտանգ չի սպառնում Ոստիկանները երկրորդ անգամ բերման ենթարկեցին ավտոերթ իրականացնող Նարեկ Մալյանին և Կոնստանտին Տեր–Նակալյանին (տեսանյութ) «ՎԵՏՕ» շարժման անդամները Արտաշատից ավտոերթ են իրականացնում դեպի Երևան․ՈՒՂԻՂ ՌԴ ԱԳՆ-ն իր անհանգստությունն է հայտնել հայ-ադրբեջանական սահմանին իրավիճակի կապակցությամբ ԵՄ հատուկ ներկայացուցիչն անհանգստություն է հայտնել հայ-ադրբեջանական սահմանին տիրող իրավիճակի կապակցությամբ Նարեկ Մալյանն Արտաշատից ավտոերթով գնում է դեպի Ազգային ժողով
Խմբագրի ընտրություն
website by Sargssyan