AM | RU
USD
EUR
RUB

Սա պատմական վճիռ է. փաստաբանը՝ Գուրգեն Մարգարյանի սպանության գործով ՄԻԵԴ վճռի մասին

 

ԵՐԵՎԱՆ, 26 ՄԱՅԻՍԻ, Tert.amՄԻԵԴ-ը հրապարակել է ադրբեջանցի Ռամիլ Սաֆարովի կողմից սպանված հայ սպա Գուրգեն Մարգարյանի սպանության գործով վճիռը: Մամուլի ասուլիսի ժամանակ վճռի մասին տեղեկացրեց փաստաբան Սիրանուշ Սահակյանը:

Փաստաբանը նշեց, որ շուրջ 16 տարվա հետևողական պայքարից հետո, իրենք վերականգնել են արդարությունը: «Տեղյակ եք, որ սպանությունը եղել է 2004 թվականին, 2006 թվականին արդեն ունեինք Հունգարիայի դատարանների կողմից մարդասպանին ցմահ ազատազրկման դատապարտելու մասին դատավճիռը: Ընդ որում, այդ դատավճռով կար հստակ սահամանափակում, որ պայմանական վաղաժամկետ ազատման հարցին կարող էին անդրադառնալ պատժի փաստացի կրումից 30 տարի անց: Ադրբեջանական իշխանությունների կողմից հունգարական իշխանությունների հետ մի քանի տարվա ակտիվ աշխատանքից հետո, սակայն 2012 թվականին մարդասպանը հետագայում պատիժը կրելու նպատակով արտահանձնվեց Ադրբեջանին, այդ արտահանձմանն էլ անմիջապես հաջորդեց նախագահական հրամանագրով վերջինիս ներումը, հերոսացումը, կոչումների բարձրացումը և այլն»,- ներկայացրեց փաստաբանը:

Սիրանուշ Սահակյանի խոսքով՝ որքան էլ, որ քաղաքական, դիվանագիտական հարթակներում քննադատվող հայտարարություններ հնչեցվեցին, դեռևս մարդասպանը շարունակում է վայելել անպատժելիությունը: «Այս կարևոր փուլում էր, որ նախաձեռնեցինք միջազգային դատական ատյաններում Ադրբեջանի պատասխանատվությունը բարձրաձայնելու գործընթացը: Հունգարական դատարանները չէին վերագրել Սաֆարովի գործողություններն ադրբեջանական պետությանը և միջադեպը մնացել էր մասնավոր հարցի շուրջ: Այսինքն՝ մենք ունեինք հայ զոհ ի դեմս Գուրգեն Մարգարյանի և Հայկ Մակուչյանի և ունեինք մարդասպան, որը պատժվել էր և ընդամենը պատժի կրման հարցեր էին գալիս»,- ասաց նա և հավելեց.

«Այս գործով մենք հարցի հարթությունը փոխել ենք և այս պահին ունենք Ադրբեջանի կողմից քաղաքականության, մարդու իրավունքների պատասխանատվության դրվագ: Առաջին ձեռքբերումը, որ այս վճռի կայացմամբ կա, այն է, որ պատասխանատվության է կանչվել պետությունը և այս անպատժելիության համար պետությունն է հանձնառու և բոլոր հետագա միջոցները, որոնք պահանջվելու են, դրա հասցեատերը լինելու է ոչ թե մարդասպանը, այլ պետությունը՝ Ադրբեջանը»:

Սիրանուշ Սահակյանը նշեց, որ այս գործով ունենք մեզ գոհացնող վճիռ, որով Ադրբեջանի կողմից Գուրգեն Մարգարյանի և Հայկ Մակուչյանի իրավունքների խախտումները արձանագրվել են, ցավոք չի արձանագրվել Հունգարիայի կողմից խախտումների փաստը, որը իրենք բարձրաձայնել են: «Այս մասով մեր վստահորդների հետ խորհրդակցելուց հետո չենք բացառում մեծ պալատ դիմելը և մինչև վերջ նաև Հունգարիայի պատասխնատվությանը հասնելը: Կյանքի իրավունքի խախտումը արձանագրվել է և նաև արձանագրվել է, որ հակահայկական խտրականության հետ գործ ունենք, որն իրականացնում է Ադրբեջանը հայերի նկատմամբ»,- նշեց նա՝ ավելացնելով, որ սա պատմական վճիռ է:

Նրա խոսքով՝ գոյություն ունեցող առաջին վճիռն է, որ միջազգային դատական ատյանը արձանագրում է ադրբեջանական պետության կողմից հակահայկական խտրականություն դրսևորելը, ատելությունը և այս վճռի իրավական հետևանքները պետք է լինեն նաև այն, որ Ադրբեջանը պետք է ժամանակի ընթացքում ապահովի հակահայկական խտրականության վերացումը:

«Քանի որ վճիռը արձանագրվել է որպես կյանքի իրավունքի խախտում, սրան պետք է հաջորդեն այնպիսի միջոցառումներ, որոնք կապահովեն մարդասպանի կողմից վճռի փաստացի կրումը: Այս գործը իրականում պետության համար ավելի մեծ նշանակություն ունի, քան ընտանիքի: Ընտանիքի կորուստն անդառնալի է, ընտանիքը նաև չի պահանջել նյութական փոխհատուցում, մեր պայքարը եղել և մնում է բարոյական և իրավական հարթության մեջ»,- ասաց Սիրանուշ Սահակյանը:

Փաստաբանը հատուկ շնորհակալություն հայտնեց Գուրգեն Մարգարյանի հարազատներին, Հայկ Մակուչյանին, որոնք իրենց վիշտը կողմ դնելով՝ ուժ են գտել, կանգնել են փաստաբանների կողքին, որ պետական նշանակության այս խնդիրը կարողանան կյանքի կոչել: Նա հավելեց, որ սա հնարավոր է դարձել բացառապես մասնավոր անձանց նախաձեռնությունների շնորհիվ:

Հիշեցնենք, որ 2004թ. փետրվարին հայազգի սպա Գուրգեն Մարգարյանը մասնակցում էր ՆԱՏՕ-ի «Գործընկերություն հանուն խաղաղություն» ծրագրի շրջանակում անգլերենի դասընթացներին: Դասընթացին Ադրբեջանը ներկայացնում էր հատուկ պատրաստվածություն անցած ԶՈւ սպա Ռամիլ Սաֆարովը: Փետրվարի 19-ի գիշերը Սաֆարովը մտել էր Գուրգեն Մարգարյանի սենյակ և կացնահարել քնած հայ սպային: Դեպքից երկու տարի անց մարդասպան Սաֆարովը Բուդապեշտի դատարանի կողմից ցմահ ազատազրկման էր դատապարտվել` 30 տարի առանց ներման իրավունքի, սակայն 2012թ. օգոստոսի 31-ին Սաֆարովն արտահանձնվել էր Ադրբեջանին, որտեղ նրան ներում շնորհվեց, զինվորական բարձր կոչում տրվեց և միանվագ վճարվեց 8 տարվա աշխատավարձը: Նույն օրը Երևանը խզել էր դիվանագիտական հարաբերությունները Բուդապեշտի հետ:

Լրահոս
Շաքարային դիաբետ ունեցող մարդիկ ավելի հաճախ չեն վարակվում COVID-19-ով Երևանի քաղաքապետ Հայկ Մարությանը շարունակում է քննադատությունների կենտրոնում մնալ․ «Մեդիա պաշտպան» Հայ ժողովուրդը, հայոց բանակը և քաղաքական վերնախավը միասնական կպատժեն Ալիևի ցանկացած արկածախնդրություն. Արմեն Աշոտյան Դատավոր Աննա Դանիբեկյանը մերժեց մեղադրող կողմի միջնորդությունը Վերաքննիչ դատարանը Գագիկ Ծառուկյանի գործով որոշումը կհրապարակի վաղը 2013 թվականից էս թեման Սորոսի վաստակներին հանգիստ չի տալիս. Նարեկ Մալյան Թույլատրելի առավելագույն արագությունը կսահմանվի 60 կմ/ժ «Մենք ձեզ հետ ենք հաղթահարել»․ Լուկաշենկո ACBA բանկն օգնության ձեռք է մեկնել «ՍՕՍ» Մանկական գյուղեր ծրագրի 350 մասնակից ընտանիքների Հայկ Ալումյան. Դատախազի ներկայացրած միջնորդությունն ակնհայտ անհիմն է ու հակասում օրենքին Քաղաքապետարանի պաշտոնական կայքում չի հրապարակվել՝ քաղաքապետի կարգադրությամբ պարգևատրումը․ Դավիթ Խաժակյան Նիկոլ Փաշինյանը նոր որոշում է ստորագրել Օդի ջերմաստիճանը կբարձրանա Ռոբերտ Քոչարյանի և մյուսների գործի դատական նիստը. ՈՒՂԻՂ Կտորե դիմակներն ավելի քիչ են պաշտպանում վարակվելուց, քան՝ բժշկական դիմակները. Արսեն Թորոսյան Լանզարոտեի կոնվենցիայի գործարկմամաբ մենք կորցնելու ենք մեր սերունդը, պետականությունն ու ազգը. մանկավարժ-արվեստաբան Արցախում կորոնավիրուսի նոր օջախ է հայտնաբերվել ՀՀԿ երիտասարդները ակցիա արեցին Կառավարության դիմաց (տեսանյութ) Ես անձամբ արտակարգ դրությունը երկարացնելու անհրաժեշտություն տեսնում եմ. Արսեն Թորոսյան ՀՀ-ում Իրանի դեսպան․Արցախի հարցում Իրանի պաշտոնական դիրքորոշումը չի փոխվել ԲՀԿ քաղաքական խորհուրդը հայտարարություն է տարածել Պետությունը զավթած ուժը, սպասարկելով օտարերկրյա գործակալական ցանցի օրակարգը, սահմանափակում է հավաքների ազատության իրավունքը. հայտարարություն ՍԴ նիստը չկայացավ Հայաստանում հաստատվել է կորոնավիրուսով վարակվելու 349 դեպք Եղեգնուտ համայնքի բնակիչները փակել են փողոցը. ՈՒՂԻՂ Այս 650 մահերը Քոչարյան Անդրանիկի շեֆի՝ Նիկոլ Փաշինյանի խղճին ու վզին են. Միհրան Հակոբյան «Հրապարակ». Շուշանիկ Ներսիսյանն Անանյանի գնալուց հետո ում ուզում, նշանակում և ազատում է «Ժողովուրդ»․ ՍԴ-ի հարցով ՄԻԵԴ-ի ապտակը՝ ՀՀ իշխանությանը «Փաստ». Հանրությունը Փաշինյանից հիասթափվել է. վարկանիշը սրընթաց անկում է ապրում «Ժողովուրդ»․ ԿԲ խորհրդի անդամի համար Հովհաննես Խաչատրյանի առաջադրումը պատահական չէ․ ով է «միջնորդել» «Իրատես». Արարատ Միրզոյանը ստիպված երդվել է Փաշինյանի մոտ «Հրապարակ». Մինչև շաբաթվա վերջ պարզ կդառնա ՍԴ-ի ճակատագիրը «Իրատես». Փոփոխություններ են սպասվում կառավարությունում «Հրապարակ». Արսեն Թորոսյանը վրեժ է լուծում ԵՊԲՀ-ից «Փաստ». Ոստիկանապետը խիստ հրահանգներ է տվել ստորաբաժանումներին` ապօրինի զենք-զինամթերքի վերաբերյալ «Փաստ». Արարատ Միրզոյանն առանձին հարաբերություննե՞ր է հաստատում Կրեմլի հետ «Հրապարակ». Առաջիկայում մարզպետների փոփոխություն է սպասվում ՕՐՎԱ ԽՈՐՀՈՒՐԴԸ: Հուլիսի 7 Հանրակրթության վիճակի նոր «մեղավորը» Իշխանությունը Միքայել Մինասյանի դեմ պայքարում է որպես քաղաքական հակառակորդի՝ քրեաիրավական գործիքներով. Միհրան Պողոսյան (տեսանյութ)
Խմբագրի ընտրություն
website by Sargssyan