Լավրովը խորհուրդ է տալիս չանտեսել Լուկաշենկոյի որոշ խորհուրդներ COVID-19-ի վերաբերյալ

ԵՐԵՎԱՆ, 17 ԱՊՐԻԼԻ, Panorama.am: Ռուսաստանի արտգործնախարար Սերգեյ Լավրովը խոսել է այն մասին, թե ինչպես է պաշտպանվում կորոնավիրուսից: «Կոմերսանտ»-ին տված հարցազրույցում Լավրովն ասել է, որ դիմակ չի կրում, բայց ավելի հաճախ է ձեռքերը լվանում և օգտագործում է ախտահանիչներ: Այս մասին գրում է MK-ն։

ԱԳ նախարարը նշել է, որ երբ այցելուներ են գալիս նախարարի գրասենյակ, զրույցը կատարվում է «մի քանի մետր» հեռավորության վրա:

Լավրովի խոսքով, դիվանագետները պարբերաբար ստուգվում են կորոնավիրուսի համար, ենթադրելով, որ իրեն ավելի հաճախ, քան մյուս աշխատակիցներին։

Արտաքին գործերի նախարարը նաև հորդորել է չանտեսել Բելառուսի նախագահ Ալեքսանդր Լուկաշենկոյի որոշ խորհուրդները՝ վարակի կանխարգելման հետ կապված։

Լուկաշենկոն, մասնավորապես, նախկինում հայտարարել էր, որ առողջությունը պահպանելու համար օգտակոր է տրակտորի վրա աշխատելը, տաք լոգանքը և օղու չափավոր օգտագործումը։

«Ես նաև չէի անտեսի Բելառուսի նախագահի որոշ խորհուրդներ», – ասել է Լավրովը։