Հայաստան վերադառնալու ցանկություն ունեցող քաղաքացիները հնարավորություն ունեն օգտվել Հռոմ-Մինսկ-Երևան չվերթից․ Իտալիայում ՀՀ դեսպանատուն
16/04/2020 20:57
Նմանատիպ
ԵՐԵՎԱՆ, 16 ԱՊՐԻԼԻ, Times.am: Իտալիայում ՀՀ դեսպանատունը հայտարարություն է տարածել, որում մասնավորապես ասվում է.
«Հայաստան վերադառնալու ցանկություն ունեցող քաղաքացիներին տեղեկացնում ենք, որ հնարավորություն կա օգտվելու Հռոմ-Մինսկ-Երևան չվերթից։ Ըստ «Բելավիա» ընկերության պաշտոնական կայքի, այս պահի դրությամբ առկա են ապրիլի 24-ի և դրանից հետո ընկած ժամանակահատվածի համար նախատեսված թռիչքների տոմսեր։
Սույն հայտարարությունը կրում է տեղեկատվական բնույթ և Իտալիայում ՀՀ դեսպանությունը պատասխանատվություն չի կրում փոփոխվող հանգամանքների պատճառով Հռոմ-Մինսկ-Երևան թռիչքի հնարավոր չեղարկման համար»։
Հետևեք մեզ նաև Telegram-ում