Հայ առաքելական եկեղեցին նշում է Ղազարոսի հարության հիշատակության օրը

Հայ առաքելական եկեղեցին նշում է Ղազարոսի հարության հիշատակության օրը

ԵՐԵՎԱՆ, 4 ԱՊՐԻԼԻ, Times.amԱյսօր Հայ առաքելական եկեղեցին նշում է Ղազարոսի հարության հիշատակության օրը։

Արարատյան թեմից տեղեկացնում են, որ Մեծ Պահքի 41-րդ օրը Հայաստանյայց Առաքելական եկեղեցու օրացույցում Ղազարոսի հարության հիշատակի օրն է: Ղազարոսի հարության մասին պատմվում է Ս. Հովհաննեսի Ավետարանում (տես Հովհ. 11:1-46): Ղազարոսը Հիսուս Քրիստոսի սիրելի ընտանիքից էր:

Նա Մարիամի և Մարթայի եղբայրն էր, ով մահացավ հիվանդության պատճառով: Քրիստոս նրան հարություն է տալիս՝ ապացուցելով, որ Ինքն է կյանքը և հարությունը: Ղազարոսի հարության մասին պատմող դրվագը գեղեցիկ վերնագիր ունի. «Եվ Հիսուս արտասվեց…»:

Հրեաները, տեսնելով Հիսուսի արտասվելը, ասում են. «Տեսեք, թե ինչքան էր սիրում նրան»: Քրիստոսի արտասվելը բոլորի հանդեպ Նրա անսահման սիրո վկայությունն է, իսկ Ղազարոսի հարությունը խորհրդանշում է նաև ննջեցյալների համընդհանուր հարությունը

Հետևեք մեզ նաև Telegram-ում