Աշխարհում գազի գնի փոփոխություն է տեղի ունենում. Երևանը կարող է քննարկումներ սկսել Մոսկվայի հետ

Աշխարհում գազի գնի փոփոխություն է տեղի ունենում. Երևանը կարող է քննարկումներ սկսել Մոսկվայի հետ

ԵՐԵՎԱՆ, 30 ՄԱՐՏԻ, Aysor.am: Գազի գնի փոփոխություն, իհարկե, տեղի կունենա աշխարհում, լրագրողների հետ հանդիպմանն ասաց ՀՀ փոխվարչապետ Մհեր Գրիգորյանը։

«Ընդհանրապես, էներգառեսուրսների գների փոփոխություն արդեն իսկ կա, և նավթի գնի հետ կապված դա կհանգեցնի այլ էներգակիրների գների փոփոխման, չեմ բացառում՝ նախևառաջ նվազման։ Քննարկումներ լինելու են և մենք մեր դիրքերը պետք է վերագնահատենք և հասկականք։ Նավթի գնից բխող գազի գնի տատանումը տալիս է որոշակի էֆեկտներ, երբ համագործակցությունը լինում է լողացող բանաձևով։ Մեր դեպքում բանաձև չի, այլ ֆիքսված գին է սահմանում, որը որոշ դեպքերում տալիս է դրական արդյունք, որոշ դեպքերում՝ ոչ այդքան», – ասաց Մհեր Գրիգորյանը։

Նա նշեց՝ պետք է վերլուծություն անել, ապա ավելացրեց, որ գնի բանաձևային տարբերակը Հայաստանի համար ավելի ընդունելի և մատչելի է։

«Չի բացառվում, որ նման քննարկում նախաձեռնվի», – ասաց Գրիգորյանը։

Հետևեք մեզ նաև Telegram-ում