Կորոնավիրուս է հայտնաբերվել Իսպանիայի փոխվարչապետ Կարմեն Կալվոյի մոտ. The Guardian
25/03/2020 21:36
Նմանատիպ
ԵՐԵՎԱՆ, 25 ՄԱՐՏԻ, Tert.am: Իսպանիայի փոխվարչապետ Կարմեն Կալվոյի՝ կորոնավիրուսի թեստի արդյունքը դրական է եղել: Այս մասին հայտնում է The Guardian-ը՝ հիշեցնելով, որ վերջինս կիրակի հոսպիտալացվել էր շնչառական վարակով:
CNN-ի հաղորդմամբ՝ Իսպանիան, որը կորոնավիրուսից երկրորդ ամենախոցված երկիրն է Եվրոպայում, 467 մլն դոլարի բժշկական սարքավորումներ և պաշտպանիչ միջոցներ է գնել Չինաստանից: Այս մասին չորեքշաբթի հայտնել է Իսպանիայի առողջապահության նախարար Սալվադոր Իլյան:
Ավելի վաղ հայտնի էր դարձել, որ Իսպանիան ևս կորոնավիրուսից մահացությունների թվով գերազանցել է Չինաստանին: Այդ ցուցանիշն ավելի վաղ գերազանցել էր Իտալիան: Իսպանիայում 3434 մարդ է մահացել հիվանդությունից, մինչդեռ վարակվածների թիվը գերազանցում է 47 000-ը:
Հետևեք մեզ նաև Telegram-ում