Աշխատանքային միգրանտները մնացել են Մոսկվայի օդանավակայաններում

ԵՐԵՎԱՆ, 25 ՄԱՐՏԻ, Panorama.am: Հարյուրավոր աշխատանքային միգրանտներ մնացել են Մոսկվայի օդանավակայաններում․ կորոնավիրուսի պատճառով փակ են սահմանները, միայն երկրի քաղաքացիները կարող են վերադառնալ Ռուսաստան՝ չարտերային թռիչքների միջոցով: Այս մասին գրում է Euronews-ը։

Մարդիկ գիշերներն անցկացնում են օդանավակայաններում՝ հենց հատակին։ Նրանց թվում կան Կենտրոնական Ասիայի բազմաթիվ ներգաղթյալներ: Նրանք խուճապի մեջ փորձեցին Մոսկվայից մեկնել տուն, մեծ գումարներով տոմսեր գնեցին, երբ իմացան սահմանների փակման մասին, բայց նրանց թռիչքները չեղարկվեցին:

«Նրանք ասում են, որ երկու ամսվա ընթացքում նրանք կվերադարձնեն մեր գումարը։ Բայց մենք չենք կարող երկու ամիս սպասել, բայց օդանավակայանում ապրելն անհնար է», – դժգոհում է օդանավակայանում մնացածներից մեկը։

Նշվում է, որ ոմանք հայտնվել են թակարդում տարանցիկ գոտինեում, իմանալով, որ իրենց թռիչքները հետաձգվել են միայն անձնագրային ստուգումից հետո:

Ըստ միգրանտների իրավունքների փաստաբանների, երկուշաբթի օրը Մոսկվայի երեք օդանավակայաններում ավելի քան 600 քաղաքացի կար՝ Ղրղզստանի, Ուզբեկստանի և Տաջիկստանի քաղաքացիներ, որոնք սպասում էին թռիչքների դեպի իրենց երկրներ: