Արցախում մինչ այսօր կորոնավիրուսի կասկածով 13 քաղաքացիներից վերցվել է փորձանմուշ. ԱՀ ԱՆ
17/03/2020 21:10
Նմանատիպ
ԵՐԵՎԱՆ, 17 ՄԱՐՏԻ, Times.am: Արցախում առայսօր նոր կորոնավիրուսի կասկածով 13 քաղաքացիներից փորձանմուշ է վերցվել` ուղարկվել լաբորատոր հետազոտության: Այս պահի դրությամբ, 12 փորձանմուշի արդյունքները բացասական են, 1-դեպքի պատասխանը պարզ կլինի վաղվա ընթացքում: Այս մասին տեղեկացնում է ԱՀ առողջապահության նախարարությունը։
Արցախի Հանրապետության առողջապահության նախարարությունը իրազեկում է հանրապետության բնակչությանը` որ առայսօր հանրապետությունում կորոնավիրուսով վարակման դեպք չի գրանցվել և հորդորում բնակչությանը չճշտված տվյալներ չհրապարակել ու ապատեղեկատվություն չտարածել:
Կոչ ենք անում կեղծ լուրերից խուսափելու համար հետևել պաշտոնական լրահոսի՝ պահպանելով վարակի տարածումը կանխարգելող՝ առողջապահության նախարարության կողմից առաջարկված միջոցները։
Հետևեք մեզ նաև Telegram-ում