Իտալիայում կփակեն գրեթե բոլոր խանութները, ռեստորաններն ու գեղեցկության սրահները

ԵՐԵՎԱՆ, 12 ՄԱՐՏԻ, Analitik.am: Իտալիայի վարչապետ Ջուզեպպե Կոնտեն հայտարարել է կորոնավիրուսային վարակի դեմ պայքարի նոր միջոցների ներդրման մասին: Այս մասին հայտնում է ՌԻԱ Նովոստին:

Երկրում կդադարեցվեն գրեթե բոլոր առևտրային գործունեությունները: Մասնավորապես, կփակվեն գեղեցկության կենտրոնները, խանութները, բարերը, պանդոկները և ռեստորանները: Բաց կլինեն միայն առաջին անհրաժեշտության իրերի խանութները և դեղատները: