103 ամյա չինուհին 6-օրյա բուժման արդյունքում ապաքինվել է կորոնավիրուսից
Նմանատիպ
ԵՐԵՎԱՆ, 11 ՄԱՐՏԻ, Tert.am: Չինաստանի Ուհան քաղաքի 103-ամյա բնակչուհին վեցօրյա բուժումից հետո ապաքինվել է կորոնավիրուսից:
Ինչպես հաղորդում է Daily Mail-ը, տարեց կինը հիվանդանոցից դուրս է գրվել նախօրեին: Ներկա պահին նա մենատարեց անձնավորությունն է, որն ապաքինվել է Ուհան քաղաքից տարածում գտած նոր տեսակի կորոնավիրուսից:
Բացի այդ, նա ամենից արագ է ապաքինվել՝ մեկ շաբաթից էլ շուտ: Դրան նպաստել է նրա առողջ օրգանիզմն ու այլ հիվանդությունների բացակայությունը: Նրա մոտ կորոնավիրուս հայտնաբերվել էր մարտի սկզբին: Հիվանդանոց տեղափոխվելիս նրա վիճակն այնքան ծանր էր, որ կինը չէր կարողանում նույնիսկ հաղորդակցվել բժիշկների հետ:
Անցյալ շաբաթ հաղորդվում էր 101-ամյա և 100-ամյա տղամարդկանց մասին, որոնք նույնպես ապաքինվել և դուրս էին գրվել հիվանդանոցից: Երկուսն էլ Ուհան քաղաքի բնակիչներ են:
Ավելի վաղ հայտնի էր դարձել, որ Ուհան քաղաքում կորոնավիրուսով հիվանդների համար բացված 14 ժամանակավոր հիվանդանոցներից 11-ը փակվել են:
Հետևեք մեզ նաև Telegram-ում