Իտալիայում կորոնավիրուսն արագորեն տարածվում է՝ մեկ օրում գրանցելով 133 մահ

Իտալիայում կորոնավիրուսն արագորեն տարածվում է՝ մեկ օրում գրանցելով 133 մահ

ԵՐԵՎԱՆ, 9 ՄԱՐՏԻ, Panorama.amԱնցած օրվա ընթացքում Իտալիայում 133 մարդ է մահացել COVID-19-ից: Մահացությունների ընդհանուր թիվը հասել է 366 է: Անցած 24 ժամվա ընթացքում վարակվածների թիվն աճել է ավելի քան հազարով և ներկայում կազմում է 7375 մարդ: Այս մասին գրում է euronews-ը։

Այսպիսով, Իտալիան առաջ է անցել Հարավային Կորեայից, որը հանդիսանում էր Չինաստանից հետո կորոնավիրուսից ամենաշատ տուժած երկիրը:

Ավելի վաղ, վարակի տարածումը կանխելու հուսահատ փորձի ժամանակ կառավարության որոշմամբ հյուսիսային Լոմբարդիան և ևս 14 նահանգներ ամբողջությամբ մեկուսացվել են, որոնց մի մասը գտնվում է Իտալիայի կենտրոնում:

Վարչապետ Ջուզեպպե Կոնտեն նաև հայտարարել է ամբողջ երկրում դպրոցների, մարզասրահների, թանգարանների, գիշերային ակումբների և այլ վայրերի փակման մասին: Այս արմատական միջոցառումները կշարունակվեն մինչև ապրիլի 3-ը:

Հետևեք մեզ նաև Telegram-ում