Պուտինը քննարկել է կորոնավիրուսը Իրանի նախագահի հետ
29/02/2020 22:49
Նմանատիպ
ԵՐԵՎԱՆ, 29 ՓԵՏՐՎԱՐԻ, Analitik.am: ՌԴ նախագահ Վլադիմիր Պուտինը հեռախոսազրույց է ունեցել Իրանի նախագահ Հասան Ռոհանիի հետ: Այս մասին հայտնում է Կրեմլի պաշտոնական կայքը:
Երկու երկրների նախագահները քննարկել են Իրանում բռնկվող կորոնավիրուսը: Պուտինն իր ցավակցությունն է հայտնել՝ Իրանում կորոնավիրուսի հետևանքով զոհերի կապակցությամբ և հայտարարել է, որ Մոսկվան պատրաստ է օգնել Թեհրանին վիրուսի դեմ պայքարում:
Նախագահները նաև խոսել են Իրանի միջուկային գործունեության Միասնական և համապարփակ գործողությունների ծրագրի մասին և ընդգծել համաձայնագրին հետևելու կարևորությունը:
Հետևեք մեզ նաև Telegram-ում