ԵԱՏՄ երկրները նիկոտին պարունակող ապրանքների նկատմամբ միասնական պահանջներ կսահմանեն
Նմանատիպ
ԵՐԵՎԱՆ, 25 ՓԵՏՐՎԱՐԻ, Tert.am: Եվրասիական տնտեսական միության անդամ երկրները միասնական պահանջներ կսահմանեն նիկոտին պարունակող արտադրանքի, այդ թվում՝ էլեկտրոնային ծխախոտի նկատմամբ: ТАСС գործակալության փոխանցմամբ՝ այս մասին տեղեկացրել է Ղազախստանի առևտրի և ինտեգրման հարցերով նախարարությունը:
«ԵԱՏՄ ողջ տարածքում նիկոտին պարունակող արտադրանքի կարգավորումը միասնակ դարձնելու նպատակով Եվրասիական տնտեսական հանձնաժողովի խորհրդի անդամները որոշում են կայացրել ԵԱՏՄ շրջանակներում պարտադիր պահանջների ենթակա արտադրանքների միասնական ցանկում փոփոխություն անելու մասին»,- ասվում է նախարարության մամլո հաղորդագրության մեջ:
«Այսօր մեր շուկաներում նիկոտին պարունակող ապրանքների ավելի ու ավելի շատ տեսակներ են հայտնվում, ինչը որևէ կերպ չի կարգավորվում ԵԱՏՄ շրջանակներում: Ընդունված որոշումը թույլ կտա սկիզբ դնել միասնական տեխնիկական կանոնակարգի մշակմանը»,- մեկնաբանել է Ղազախստանի առևտրի և ինտեգրման հարցերով փոխնախարար Ժանել Կուշուկովան:
Գերատեսչության տվյալներով՝ համաձայնեցված պահանջների առկայության պարագայում հնարավոր կլինի բացառել շուկայում առողջության համար վնասակար բաղադրիչներ պարունակող ապրանքների ի հայտ գալը:
Հետևեք մեզ նաև Telegram-ում