Փոթորիկի պատճառով ինքնաթիռը վերջին պահին չեղարկել է վայրէջքը և կրկին օդ բարձրացել (տեսանյութ)

ԵՐԵՎԱՆ, 10 ՓԵՏՐՎԱՐԻ, Tert.am: Լոնդոնի «Հիթրոու» օդանավակայանում British Airways ավիաընկերության ինքնաթիռը, պատրաստվելով վայրէջքի, վերջին պահին չեղարկել է որոշումը: Ինչպես հայտնում է Корреспондент-ը, դա տեղի է ունեցել «Սիարա» փոթորիկի պատճառով:

Միջադեպի տեսանյութը հրապարակվել է On Demand News յութուբյան ալիքում: Ինչպես երևում է, օդանավի շասին մի քանի վայրկյանով հպվել է թռիչքուղուն, որից հետո ինքնաթիռը կրկին օդ է բարձրացել:

Նշվում է, որ վայրէջքի պահին օդանավն ուժեղ քամու պատճառով սկսել է թեքվել դեպի թռիչքուղու եզրային հատվածը: Հավանաբար, այդ պատճառով էլ օդաչուն որոշել է վեր բարձրանալ և կրկին փորձել վայրէջք կատարել: