Ֆեյսբուքը հեռացնելու է կորոնավիրուսի վերաբերյալ ապատեղեկատվությունները

ԵՐԵՎԱՆ, 1 ՓԵՏՐՎԱՐԻ, Panorama.am: Ֆեյսբուքը հայտարարել է, որ սոցիալական ցանցից հեռացնելու է կորոնավիրուսի վերաբերյալ ապատեղեկատվությունները։

Ընկերությունը գրառման մեջ նշել է, որ այն կհեռացնի վիրուսի մասին՝ «կեղծ պնդումներով դավադրության տեսությունների վերաբերյալ» բովանդակությունը՝ հիմնվելով համաշխարհային առաջատար առողջապահական կազմակերպությունների խորհուրդների վրա։ Այս մասին գրում է Washington Post-ը։

Սոցցանցը նշում է, որ գրառումները կարող են հանգեցնել նաև ֆիզիկական վնասի, նշելով օրինակ այնպիսի տեղեկություններ, թե ժավելաջուրը բուժում է կորոնավիրուսը։

Կեղծ լուրերը լայնորեն տարածվում է նաև հեշթեգերի օգնությամբ։