AM | RU
USD
EUR
RUB

Վարչապետն իր բնույթով դերասան և շոումեն է, իսկ պատերազմող երկրի համար դա ամենամեծ մարտահրավերն է. ռազմական փորձագետ

 

ԵՐԵՎԱՆ, 29 ՀՈՒՆՎԱՐԻ, Tert.am: Ռազմական փորձագետ Հայկ Նահապետյանի խոսքով՝ շատ լավ կլիներ, որ ինչպես Արցախում է, այնպես Հայաստանում հունվարի 28-ը համարվեր Հայրենիքի պաշտպանի օր. երկիրը պաշտպանողը միայն խրամատում կանգնած զինվորը չէ, այլ` տարբեր ոլորտներում իր հայրենիքին ծառայողը:

«Հայրենիքի պաշտպանի օրը պետք է վերաբերի Հայաստանի ցանկացած քաղաքացու. սկսած ՀՀ վարչապետից, վերջացրած շարքային քաղաքացիով, թոշակառուով»,- ասաց նա:

28-ամյա բանակը, ըստ ռազմական փորձագետի, այսօր ավելի շատ մարտահրավերների առջև է կանգնած, քան երեկ էր: Ըստ նրա՝ այսօր փաստ է այն, որ Ադրբեջանի ռազմաքաղաքական ղեկավարությունն ավելացրել է իր ագրեսիվ հռետորաբանությունը և մեզ հետ այլևս ուլտիմատումով է խոսում, մեր տարածաշրջանում տարբեր ուժային կենտրոնների բախումներ են դրսևորվում:

«Այն, որ Իրանի և՛ ցամաքային, և՛ ծովային սահմանները շրջապատված են ԱՄՆ-ի զորատեսակներով, այլևս փաստ է: Այն, որ Արցախի Հանրապետության վարչատարածքային միավոր հանդիսացող, նախկին Ադրբեջանի Կուբաթլուի, Զանգիլանի և Ջեբրայիլի շրջանները այսօր ավելի մեծ նշանակություն են ստացել, քան նույն Հայաստանը, ակնհայտ է. ԱՄՆ-ը Իրանը վերջնականապես բոլոր կողմերից շրջափակելու խնդիր է դրել»,- ասաց նա` նկատելով, որ սրանք մարտահրավերներն են և դրանք ոչ միայն ավելացել են, այլև արդեն ռեալ սպառնալիքներ են դարձել:

Այս համատեքստում Հայկ Նահապետյանը նշեց, որ եթե Իրանի նկատմամբ ԱՄՆ-ի և նրա դաշնակիցների կողմից ռազմական ագրեսիա լինի, փախստականների մեծ հոսք կարող է անցնել Արցախի սահման: Նրա նկատառմամբ` այդ սպառնալիքները առավել առարկայական են դառնում, երբ մեր հնարավորությունները հակառակորդների դիմակայելու համար օգտագործելու փոխարեն`տարբեր պետական ինստիտուտների և ժողովրդի միակամությունն ենք տրոհում:

«Նախկինում էլ իրավիճակը չէր փայլում, բայց այսօր կարող ենք արձանագրել, որ Հայաստանի Հանրապետությունում կան բազմաթիվ ջրբաժաններ, և դրանց մեջ հայտնվել են Հայաստանի քաղաքացիները` իրենց տարբեր մոտեցումներով: Արդյոք դա մարտահրավեր չի՞ դառնում մի պետության համար, որը շրջափակված է չհայտարարված պատերազմի մեջ գտնվող Ադրբեջանի և Թուրքիայի կողմից, իսկ մեկ այլ հարևանը` Վրաստանը, խիստ կասկածելի վարք է դրսևորելու, եթե տարածաշրջանում լինի ֆորսմաժորային վիճակ»,- հարց բարձրացրեց նա:

Փորձագետը նաև հիշատակեց իննսունականները, երբ Վրաստանում չկառավարվող զինված զորախմբերը ճանապարհներ էին փակում, գազամուղներ էին պայթեցնում, իսկ այնտեղի իշխանությունները հավատացնում էին, որ դրանք իրենց չեն ենթարկվում:

«Արդյոք մարտահրավե՞ր չէ, երբ երկրիդ քաղաքական ղեկավարությունը հանիրավի հետապնդումներ է իրականացնում Արցախյան պատերազմը հաղթած մարդկանց նկատմամբ: Արդյոք մարտահրավե՞ր չէ, որ Արցախի նախագահին պարտադրվում է, որ Արցախյան հերոսամարտում իրենց ներդրումն ունեցած ուժային կառույցների ղեկավարները հրաժարական տան: Արդյոք մարտահրավե՞ր չէ, որ ինչպես 1992-93 թվականներին էր, այնպես էլ հիմա, արհեստականորեն ժողովրդի միջև սերմացվում են հայաստանցի, ղարաբաղցի արհեստածին եզրույթները:

Արդյոք մարտահրավե՞ր չէ, որ Հայաստանում ժողովրդի օրենքի գերակայությունը փոխարինվում է մեկ անձի քմահաճություններով, կամային որոշումներով: Արդյոք մարտահրավե՞ր չէ, որ Հայաստանի վարչապետի աթոռին նստած անձը Արցախյան հիմնահարցը փակուղի է տանում` դնելով սեղանին Մադրիդյան սկզբունքները` չասելով, որ դրանք բանակցային ձևաչափին առաջարկված մոտեցումներ էին, որոնց շուրջ տեղի էին ունենում քննարկումներ, և դրանցից մեկն ազգերի ինքնորոշման իրավունքն էր»,- ասաց նա` շարունակելով իր կողմից նախանշած մարտահրավերների շարքը:

Նրա խոսքով` մարտահրավեր է նաև այն, որ մոռացվել են 2016 թվականի Ապրիլյան պատերազմից հետո ձեռք բերված Վիեննայի և Սանկտ Պետերբուրգի պայմանավորվածությունները:

«Դրանց համաձայն` այլևս ոչ մի բանակցություն չպետք է լիներ հակամարտող կողմերի միջև, քանի դեռ չլուծվեր ղարաբաղաադրբեջանական սահմանի երկայնքով վերահսկողության սարքավորումների գոյության հարցը: Սակայն դրանք «ջրվեցին» վերելակային դիվանագիտության արդյունքում»,- ասաց նա` նշելով, որ իր նշած մարտահրավերները ոչ միայն պետական ինստիտուտներին, այլ նաև` ժողովրդին են նետված:

Դիտարկմանը, թե այսօրվա իշխանությունները իրենց հաջողությունն են համարում , նոր զինտեխնիկայի ձեռքբերումը, 80-ականների զինտեխնիկայի ձեռքբերման էջի փակումը, Հայկ Նահապետյանը պատասխանեց.

«Սերժ Սարգսյանը 80-ականների զինտեխնիկայի մասին խոսում էր արտաքին սպառման համար: Նա զուգահեռներ էր տանում Ադրբեջանի հետ, որը, զինվելով նոր տեխնիկայով, Հայաստանի և Արցախի նկատմամբ ագրեսիա էր ցուցաբերում: Նիկոլ Փաշինյանն ասում է` 80-ական զենքերի էջը փակված է: Ես էլ նրան ասում եմ, որ ինքը նկարվում է 80-ականների զենքի ֆոնի վրա, որոնք ավելի ուշ են արտադրվել: Այսինքն` նա իր դիլետանտությունն է դրսևորում: Նա ընդամենը շոու է անում, նա իր բնույթով դերասան և շոումեն է: Իսկ պատերազմող երկրի համար դա ամենամեծ մարտահրավերն է»,- ասաց նա:

Իր պատկերացմամբ այս իրավիճակում մարտահրավերները հաղթահարելու բանալին ժողովրդի ձեռքում է: «Նա անընդհատ ասում է, որ ունի մեծ լեգիտիմություն: Եթե ժողովրդին այս իրավիճակը ձեռնտու է, թող պտուղները վայելի: Իսկ եթե կարծում են, որ սխալվել են, խաբվել են գեղեցիկ խոստումներին, թող իրենց կեցվածքը փոխեն»,- ասաց նա:

Լրահոս
Վրաստանում արձանագրվել է կորոնավիրուսով վարակման առաջին դեպքը «ՁԻԱՀ կանխարգելման կենտրոն»-ի փոխտնօրենը բերման է ենթարկվել. ՈՒՂԻՂ ՈՒՇԱԴՐՈՒԹՅՈԻՆ. «ՁԻԱՀ կանխարգելման հանրապետական կենտրոնում» լարված մթնոլորտ է. մանրամասներ Ինչպես է հարկավոր պաշտպանվել կորոնավիրուսով վարակվելուց. օգտակար խորհուրդներ Մեջ մի գցեք, արտահայտվեք մինչև վերջ. թե «դուխովների» դուխը չի՞ հերիքում. Արմեն Աշոտյան Զոհրաբ Մնացականյանը հանդիպել է Պաղեստինի ԱԳ նախարար Ռիյադ ալ Մալիքիի հետ Զարուհի Բաթոյանը 8 ամսում ստացել է մոտ 30.000 ԱՄՆ դոլար պարգևավճար Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար Արցախում 232 դպրոցից 93-ի դասապրոցեսը դադարեցվել է Մանվել Գրիգորյանի առողջական վիճակը կտրուկ վատթարացել է «Արի գնանք դասական համերգի». մեկնարկում է «Գալաքսի»-ի եւ Հայաստանի պետական սիմֆոնիկ նվագախումբի համատեղ նախագիծը (ֆոտո) Թրամփը Սպիտակ տանը հանդես կգա նոր կորոնավիրուսի թեմային նվիրված մամլո ասուլիսով Այս տարի ադրբեջանական քարոզչությունն աննախադեպ է. Տիգրան Քոչարյան (տեսանյութ) ՆԱՍԱ-ի հրապարակած լուսանկարները ցույց են տալիս, թե ինչպես է 9 օրում փոփոխվել Անտարկտիկայի սառցաշերտի տեսքը Ամենայն Հայոց Կաթողիկոսն ընդունեց ՀՀ-ում Ավստրալիայի դեսպանին Իրանից ՀՀ քաղաքացիների առաջին խումբը հատուկ չվերթով վերադարձել է Հայաստան Կփորձարկվի կորոնավիրուսի դեմ առաջին դեղամիջոցը Կորոնավիրուսից առաջին ֆրանսիացին է մահացել Ռոհանին ԱՄՆ-ին խորհուրդ է տվել մտածել սեփական երկրում կորոնավիրուսից մահացածների մասին Էլիբեգովա. Ադրբեջանական քարոզչության հակազդման բացակայության հետևանքները մենք տեսնելու ենք ավելի լուրջ մակարդակներում Հակաադրբեջանական քարոզչությունն այն հարցն է, որտեղ սևեր ու սպիտակներ չպիտի լինեն, այլապես տանուլ կտանք. Մարինա Գրիգորյան (Տեսանյութ) Սերժ Սարգսյանի պաշտպանը գործից գաղտնիքներ բացեց. անակնկալներ կլինեն դատարանում «Այո»-ի 3 մլն դրամանոց լոգոն 1991 թ. անկախության հանրաքվեի տարբերանշանի կրկնությունն է․ ՔՊ-ն քննարկում է ստեղծված իրավիճակը Նախկինում հակահայկական քարոզչության ցանկացած նման փորձ շատ լուրջ, փաստարկված պատասխանի էր արժանանում. Հրանտ Մելիք-Շահնազարյան Ադրբեջանական քարոզչամեքենան հասկացել է, որ շատ մեծ սխալ է թույլ տվել. Արմինե Ադիբեկյան Դատարանը մերժեց Սերժ Սարգսյանի գործով դատախազին բացարկ հայտնելու պաշտպանի միջնորդությունը Ապահովեք օրենքով սահմանված 100 միլիոն ՀՀ դրամը գերազանցող հանգանակության գումարի փոխանցումը ՀՀ պետական բյուջե. «ՈՉ» քարոզչական կողմ Հրապարակվում է Ս․ Սարգսյանի պաշտպանների՝ դատախազին ներկայացված բացարկի միջնորդության մասին որոշումը. ՈՒՂԻՂ «Խոջալու-28. ինչպես հակազդել ադրբեջանական քարոզչությանը» թեմայով քննարկումը՝ ուղիղ Ադրբեջանն այսօր էլ պատրաստ է արմենոցիդի. Ավագյան ԱՀ Մարդու իրավունքների պաշտպանն իրականացնելու է ընտրական ամբողջ գործընթացի անկախ դիտարկում Իրանում կորոնավիրուսով վարակվածների թիվը հասել է 139-ի, գրանցվել է մահվան 19 դեպք Սպասվում են տեղումներ Կորոնավիրուսը արհեստածին վիրուս է. Նունե Ներսիսյան Կորոնավիրուսի ներթափանցումը կանխելու նպատակով ՊՆ-ն որոշում է կայացրել Բակո Սահակյանը հաջողություններ է մաղթել Ջալալ Հարությունյանին ծառայության մեջ Արցախի ԶՈւ-ն ինչպես առայսօր, այնպես էլ այսուհետ պատվով կկատարի հայրենիքի պաշտպանության սրբազան առաքելությունը. Կարեն Աբրահամյան Կոտայքի ու Գեղարքունիքի մի քանի համայնքում վթարային ջրանջատում է Խաչատրյանների փաստաբանական խումբը ահազանգում է Վարչապետը կառավարությունում խորհրդակցություն է հրավիրել. ՈՒՂԻՂ
Խմբագրի ընտրություն
website by Sargssyan