«Հրապարակ». Հայկ Մարությանը, ԱԺ նիստը չսկսված, այցելել է Արարատ Միրզոյանին
Նմանատիպ
«Ուրբաթ օրը Հայկ Մարությանը, ԱԺ նիստը չսկսված, այցելել է Արարատ Միրզոյանին: Նախ երևի շնորհակալական ռևերանսի, ապա՝ քննարկելու հետագա քայլերը»,- ասաց ԼՀԿ մեր աղբյուրը:
Այցի նպատակը ո՞րն էր՝ հարցրինք քաղաքապետարանի մամլո քարտուղարին: «Անկեղծ ասած՝ ես տեղյակ չեմ այցից, իսկ եթե ինչ-որ շփում եղել է, ապա կուսակիցներն են, ու կապ չունի՝ ԱԺ նախագահ է, թե քաղաքապետ. քաղաքական դաշնակիցներ են»: Չէ, պարզապես ԱԺ քննիչ հանձնաժողով ստեղծելու առաջարկի մերժման ֆոնին ընդդիմադիրները պնդում են, որ եկել էր «մերսի» ասելու: «Որևէ ռևերանսի կամ մերսիի կարիք չկար, որ Մարությանը դրա համար այցելեր ԱԺ, քննիչ հանձնաժողովի մասով ԱԺ-ում տեղի է ունեցել այն, ինչ պահանջում էր օրենքը»: Տեղեկություն կա, որ դիմել եք միջազգային բանկերին՝ քաղաքային ավտոբուսների համար վարկ ստանալու: «Քաղաքապետարանը կառավարության աջակցությամբ համագործակցում է ՎԶԵԲ-ի հետ. վարկը կհաստատվի»:
Ասում են՝ քաղաքին պետք է 850 ավտոբուս՝ 100-ով ցավին դարման կարվի: «100 մեքենան այս տարվա ընթացքում կլինի, տրանսպորտի ռեֆորմների համար 3-4 տարի կպահանջվի: Ցավին դարման չէ, համենայնդեպս, հրատապ խնդիրները կլուծվեն, հաջորդող տարվա ընթացքում ավտոբուսների այլ ծավալ կընդգրկենք»: Դիմելո՞ւ եք ծանոթ մեթոդին՝ պարոն Սամվել Ալեքսանյանի ու այլոց բարեգործական օգնությանը: «Սամվել Ալեքսանյանին մենք երբեք չենք դիմել՝ ինքն է դիմել, ինչպեսև մնացածների դեպքում է: Սամվել Ալեքսանյանի անունը որքան ուզում եք, կարող եք շեշտել, բայց վերջին մի քանի ամիսների ընթացքում ստացված նվերների, մասնավորապես, «ԿամԱԶ»-ների և ոչ միայն՝ «Գազ», Մերսեդես», այլ մակնիշի մեքենաների շատ չնչին մասն է Ալեքսանյանի կամ նրա հետ կապված մարդկանց կողմից նվիրված»: Ցանկություն չի հայտնել ավտոբուս նվիրելու: «Ցավոք սրտի, դեռ ոչ»»,-գրում է թերթը:
Մանրամասները՝ թերթի այսօրվա համարում:
Հետևեք մեզ նաև Telegram-ում