ՍԴ նախագահին հրաժարական պարտադրելը, որովհետև նախկին իշխանության մաս է կազմել, մարդկային ստորություն է

ՍԴ նախագահին հրաժարական պարտադրելը, որովհետև նախկին իշխանության մաս է կազմել, մարդկային ստորություն է

ԵՐԵՎԱՆ, 25 ՀՈՒՆՎԱՐԻ, Facebook: Նիկոլ Փաշինյանի ղեկավարած Ատելության կուսակցության բարոյականության գլխավոր լակմուսի թուղթը այն պնդումն է, թե ՍԴ նախագահին պետք է ամեն գնով հրաժարական պարտադրել, որովհետև նախկին իշխանության մաս է կազմել: Այս պնդումը շարքային երեսպաշտություն չէ, սա նույնիսկ ռասսայական սեգրեգացիա չէ: Սա մարդկային ստորություն է: Որովհետև Նիկոլ Փաշինյանն իր Ատելության կուսակցությամբ շրջապատված է նախկին իշխանության բազում կարկառուն ներկայացուցիչներով` սկսած Էրիկ Գրիգորյանից, Ֆելիքս Ցոլակյանից ու Զոհրաբ Մնացականյանից, վերջացրած վերջին պահին իրենց անցյալն ուրացած պատգամավորներով ու իրավունքի և օրենքի վրա կոշիկ սրբող գլխավոր դատախազ Արթուր Դավթյանով: Էլ չխոսենք Փաշինյանի ընտանեկան հիմնադրամներին մուծվելուց հետո մի գիշերում օլիգարխներից գործարարներ դարձածների մասին:

Սա է ստորության գագաթնակետը, երբ ժողովրդին ավանակի տեղ դրած Ատելության կուսակցությունը Նիկոլ Փաշինյանի առաջ կզածներին ու իր դռան տակ վնգստացողներին մաքրել ու դրել է գլխին, իսկ մասնագիտական ու տղամարդկային արժանապատվություն ունեցողներին հետապնդում է` ամենաստոր մենթական մեթոդաբանությամբ:

#Սրանք_մարդ_չեն

Միհրան ՀԱԿՈԲՅԱՆ

Հետևեք մեզ նաև Telegram-ում