Արցախում երկու զինծառայող է վիրավորվել
24/01/2020 09:45
Նմանատիպ
ԵՐԵՎԱՆ, 24 ՀՈՒՆՎԱՐԻ, Tert.am: Արցախում երկու զինծառայող է վիրավորվել, այս մասին ֆեյսբուքյան իր էջում տեղեկացնում է ՀՀ ՊՆ մամուլի քարտուղար Արծրուն Հովհաննիսյան։
«Տեղի ունեցածը միջադեպ է, տեղի է ունեցել զորամասերից մեկի տարածքում, այլ մանրամասներ չեմ կարող հայտնել»,– գրել է նա։
Ավելի վաղ արված մեկ այլ գրառմամբ Արծրուն Հովհաննիսյանը հերքել էր Shamshyan.com–ի հրապարակումը, թե Արցախում կա երկու զոհ։ «Ունենք դեպք, որով կա երկու վիրավոր, զոհ չկա: Մեկի կյանքին առնվազն վտանգ չի էլ սպառնում: Այս պահին այլ բան չեմ կարող ասել: Եվ այսքանից հետո գրել երկու դի կա, չգիտեմ ինչություն է: Խնդրում եմ մանրամասների համար չզանգահարել: Իրավիճակի մասին կիրազեկենք ինչպես կարգն է»,– գրել էր նա:
Հետևեք մեզ նաև Telegram-ում