Իրանը հրապարակում է Boeing-ի վթարի հետաքննության առաջին արդյունքները
09/01/2020 11:57
Նմանատիպ
ԵՐԵՎԱՆ, 9 ՀՈՒՆՎԱՐԻ, Panorama.am: Թեհրանում նախօրեին վթարի ենթարկված ուկրաինական Boeing-ում հրդեհ է բռնկվել՝ մինչև ընկնելն ու գետնին բախվելը։ Այս մասին, ինչպես գրում է Ria-ն, ասվում է Իրանի քաղաքացիական ավիացիայի կազմակերպության հաղորդագրության մեջ:
«Ըստ ականատեսների, կրակը տեսանելի է եղել ինքնաթիռում», – նշվում է փաստաթղթում:
Նշվում է, որ թռիչքից հետո անսարքության առաջացումից հետո անձնակազմը թեքվել է հետ՝ դեպի օդանավակայան: Միևնույն ժամանակ, օդաչուները չեն հայտնել արտակարգ իրավիճակի մասին:
Հիշեցնենք, որ վթարի արդյունքում ինքնաթիռում գտնված բոլոր ուղևորներն ու անձնակազմի անդամները՝ 176 մարդ, զոհվեցին։
Հետևեք մեզ նաև Telegram-ում