Ուկրաինան չեղարկել է Իրանի տարածքով չվերթները

ԵՐԵՎԱՆ, 8 ՀՈՒՆՎԱՐԻ, Panorama.am: Ուկրաինան չեղարկել է Իրանի տարածքով չվերթները, քանի դեռ չեն պարզվել Թեհրանի մերձակայքում ուկրաինական Boeing 737 ինքնաթիռի վթարի պատճառները:

Այս մասին, «Ինտերֆաքսի» փոխանցմամբ՝ ասել է վարչապետ Ալեքսեյ Գոնչարուկը։

«Նախքան ողբերգության պատճառները պարզելը, մենք որոշեցինք դադարեցնել ուկրաինական ավիաընկերությունների աշխատանքը Իրանի օդային տարածքում»,– gazeta.ru-ի փոխանցմամբ, ասել է Ալեքսեյ Գոնչարուկը։

Նա նշել է, որ որոշումը կվերանայվի ինքնաթիռի կործանման հանգամանքները պարզելուց հետո։