AM | RU
USD
EUR
RUB

Հայաստանը չունի պատերազմի կանխման դիվանագիտական մեխանիզմ. Հրանտ Մելիք-Շահնազարյան (Տեսանյութ)

 

ԵՐԵՎԱՆ, 23 ԴԵԿՏԵՄԲԵՐԻ, Tert.am: Ադրբեջանը պատրաստվում է պատերազմի, Հայաստանը՝ ոչ: Այս մասին «Ոսկանապատ» վերլուծական կենտրոնի համաժողովի ընթացքում հայտարարեց քաղաքագետ Հրանտ Մելիք-Շահնազարյանը՝ նշելով, թե հանրությանը պետք է պատրաստել պատերազմի, որովհետև թե՛ հոգեբանորեն, թե՛ տեղեկատվական, թե՛ սպասվող իրադարձությունների ընկալման տեսակետից հանրությունն այդ պատերազմի վտանգը չի տեսնում:

«Մեր իշխանություններն անընդհատ վստահեցնում են, որ Հայաստանում տեղի ունեցած գործընթացները ժողովրդավարության այնպիսի մակարդակի են հասցրել մեր երկիրը, որ նման ժողովրդավարություն ունեցող երկրի վրա հարձակում պարզապես բացառված է ժամանակակից աշխարհում, և հենց դա են համարում անվտանգության հիմնական երաշխիքներից մեկը, ոչ թե բանակը, ոչ թե տնտեսության զարգացումը, այլ միջազգային հանրությունում Հայաստանի, այսպես կոչված, «ժողովրդավարական իմիջի» ընկալումը, որը պետք է ուժեղ փականներ դնի ցանկացած երկրի առջև, որը կցանկանա, կմտածի, որ կարող է ռազմական ճանապարհով հարցեր լուծել»,-ասաց Մելիք-Շահնազարյանը:

Նա նշեց, թե այդ տեսությանը՝ բացի իշխանություններից, որևէ մեկը չի կարող հավատալ, և այդ ժողովրդավարության ընկալումն էլ այնպիսին չէ, ինչպես ներկայացվում է հանրությանը, բայց վերջին՝ արդեն գրեթե երկու տարիների զարգացումները ցույց են տալիս, որ Հայաստանում կա հանրության բավական մեծ զանգված, որը կուրորեն հավատում է ՀՀ վարչապետ Նիկոլ Փաշինյանի շուրթերից հնչող ցանկացած խոսքի:

«Մինչդեռ եթե մենք նայենք Ադրբեջանի գործողություններին, կտեսնենք, որ վերջին գրեթե երկու տարում, մինչ մենք զբաղված էինք մեր ներքին խնդիրներով, Ադրբեջանը պարբերաբար մեկը մյուսից մեծ, մասշտաբային ռազմական զորավարժություններ է անցկացրել: Ամեն ինչ արել է՝ պատրաստվելու պատերազմին. թե՛ ռազմական, թե՛ դիվանագիտական և թե՛ ներքին պատրաստվածության գործողություններ»,-ասաց քաղաքագետը՝ հաստատելով քաղաքական գործիչ Դավիթ Շահնազարյանի խոսքը, թե արցախյան բանակցային գործընթացում ստեղծվել է մի իրավիճակ, երբ միջազգային հանրությունը և միջնորդները խոսում են մեկ լեզվով, և Հայաստանի իշխանությունները, կարծես թե, հայտնվել են այդ համագործակցության շրջանակներից դուրս, միջազգային հանրությունը հակադրվում է Հայաստանի պետական դիրքորոշմանը:

«Ադրբեջանը պարզապես օգտվել է այն փաստից, որ Հայաստանի նոր իշխանությունները գաղափար չունեին բանակցային գործընթացի տրամաբանությունից, գոյություն ունեցող վտանգներից, հնարավորություններից, և շատ արագ, առաջին հերթին Ադրբեջանը վերացրեց Վիեննայի և Սանկտ Պետերբուգի պայմանավորվածություններով ստանձնած իր պարտավորությունները և դրանք փոխարինեց վերելակային ինչ-որ կարճ պայմանավորվածություններով: Ստեղծվեց իրավիճակ, երբ պատերազմի դիվանագիտական զսպման բոլոր մեխանիզմներից Հայաստանն այսօր զրկված է»,-նշեց քաղաքագետը:

Անդրադառնալով Ադրբեջանի ներքաղաքական զարգացումներին՝ Մելիք-Շահնազարյանը նշեց, թե այնտեղ լուրջ վերափոխումներ են, դրանցից մեկն էլ խորհրդարանական ընտրությունների՝ տարեսկզբին կազմակերպումն է:

«Ադրբեջանի նախագահ Իլհամ Ալիևը նախապատրաստվում է, որ եթե պատերազմում հանկարծ ձախողեն, փոխարինող ունենա: Բնականաբար, իր ընտանիքից դուրս որևէ մեկի վրա չէր կարող հենվել, և նրա կինը՝ Մեհրիբան Ալիևան է այն թեկնածուն, որը, հաջողելու դեպքում, կփոխարինի ամուսնուն»,-նշեց քաղաքագետը:

«Երբ համադրում ենք Ադրբեջանի ռազմական, ներքին ու դիվանագիտական պատրաստությունները, հասկանում ենք, որ վերջինս նախապատրաստվում է պատերազմի, Հայաստանը չի պատրաստվում: Հայաստանի իշխանությունները վաղուց չեն նայում, թե ինչ է տեղի ունենում շուրջը: Նիկոլ Փաշինյանի հայացքն ուղղված է բացառապես Հայաստանի ներքին զարգացումներին, նա չունի արտաքին ռիսկերի գնահատման մեխանիզմներ, չկա այդ օրակարգը Հայաստանի առջև դրված, չկա այդ ռիսկերին դիմակայելու տրամադրվածություն, անգամ գիտակցությունը չկա, որ պետք է պատրաստվել»,-ասաց Մելիք-Շահնազարյանը՝ ընդգծելով, թե հանրությունը պետք է պատրաստվի, որովհետև, հակառակ պարագայում, հետևանքները լինելու են ողբերգական և չեն սահմանափակվելու, օրինակ, տարածքային կորուստներով:

Անդրադառնալով հարցին էլ, թե այդ պատերազմն ինչու մինչ օրս չկա, քաղաքագետն ասաց, թե պատճառն այն է, որ այն մարդիկ, որոնք հույս ունեն, թե կարող են պայմանավորվածություն ձեռք բերել Նիկոլ Փաշինյանի հետ, գիտեն, որ նույն պայմանավորվածությունը չեն կարող ձեռք բերել հայ ժողովրդի և Հայաստանի անվտանգության կարևորագույն ինստիտուտների հետ:

 

 

Լրահոս
Իշխանական պատգամավորների մի զգալի մասին արագ մեկուսացրեք. Արմեն Աշոտյան «Մեդիա պաշտպան»-ը հորդորում է վարչապետի մամուլի խոսնակին չտարբերակել լրատվականների հարցերը Լևոն Արոնյանի բանաստեղծությունը՝ Արիանա Կաոիլիի հիշատակին ԱԺ-ն երրորդ արտահերթ նիստը. ՈՒՂԻՂ Արցախի համապետական ընտրություններին մասնակցել է ընտրողների 72,7%–ը Զոհրաբ Մնացականյանն ԱՄՆ պետքարտուղարի տեղակալի հետ քննարկել է հայ-ադրբեջանական սահմանին ստեղծված իրավիճակը Արցախի համապետական ընտրությունների ընթացքում ոստիկանություն է դիմել 101 քաղաքացի Պոպուլիստները միշտ էլ կարողանում են հիմարացնել հասարակությանը. Հրանտ Բագրատյան ՀԱՊԿ գլխավոր քարտուղարը մտահոգված է մարտի 30-ին հայ-ադրբեջանական սահմանին տեղի ունեցած միջադեպով Խնդրում եմ այսուհետ ինձ սովորական բջջային հեռախոսակապով չզանգահարել. Արսեն Բաբայան Կորոնավիրուսից մահացածների թիվը ողջ աշխարհում գերազանցել է 40 000-ը. Worldometers Արցախում ավարտվեց նախագահական և խորհրդարանական ընտրությունների քվեարկությունը Անհրաժեշտ են իրավիճակային ճիշտ քայլեր.Է.Վարդանյան ԵԱՀԿ Մինսկի խմբի համանախագահները հայտարարություն են տարածել Արցախում ընտրությունների վերաբերյալ Հայտնի է Իսրայելի վարչապետի կորոնավիրուսի թեստի պատասխանը Ով էր աղմկահարույց օրենքին միակ ձեռնպահ քվեարկող իմքայլական պատգամավորը Հայաստանում կորոնավիրուսային հիվանդության հետևանքով անձի մահվան դեպքում հերձում չի իրականացվի Մարտական դիրքերում տեղադրվելու են նոր սպառազինություններ. Ջալալ Հարությունյան Նոր պաշտոնանկություն՝ Նիկոլ Փաշինյանի որոշմամբ Մանրամասներ՝ Արցախում անցկացվող նախագահական և խորհրդարանական ընտրություններից Ծածուկ նիստ եք հրավիրում, որ պատգամավորները չհասցնեն գան, ամոթ ձեզ, է՞ս չեք դուք․ Էդմոն Մարուքյան Ժամը 17.00-ի դրությամբ ԱՀ-ում ընտրություններին մասնակցել է ընտրողների 63,8 տոկոսը Պետության կողմից պարտադրված հավելվածը ներբեռնելու պարտականությունը հիշեցնում է օրուելյան հայտնի «1984»-ը․ Ռուբեն Մելիքյան ԱԺ նախագահը բոլոր պատգամավորներին կոչ արեց ժամը 21:30-ից լինել խորհրդարանում Ժամը 16:58 ստացա զանգ, որ 17:00-ին՝ այդ պահին գումարվում է ԱԺ արտահերթ նիստ․ Արման Աբովյան Ավինյան. Հույս ունենք ապրիլի կեսերից, մայիսի սկզբին վերադառնալ բնականոն կյանքի Ընդդիմադիրներից որևէ մեկը չի մասնակցում ԱԺ արտահերթ նիստին. ՈՒՂԻՂ Ռուսաստանում կորոնավիրուսի հետևանքով մահացածների թիվը հասել է 17-ի. RussiaToday Հայաստանում հաստատված կորոնավիրուսի դեպքերի թիվը՝ ըստ մարզերի Հնարավոր չէ, որ Ապրիլյան պատերազմի դեպքում ներքին դավադրություն լիներ. Բակո Սահակյան Կիրակի օրը մենք ունեցել ենք բացառիկ թիվ տեղաշարժի նվազման առումով. Ավինյան Միշուստինը հանձնարարել է ներդնել կարանտինի խախտման մասին տեղեկացնող SMS-ծանուցման համակարգ. RussiaToday Ռուսաստանում ոստիկանները տուն կուղեկցեն կարանտինը խախտած քաղաքացիներին Ամերիաբանկը կանգնած է բիզնեսի կողքին` երկարաժամկետ ֆինանսավորման նոր և ճկուն հնարավորություններով Ադրբեջանում օր օրի աճում է կորոնավիրուսի վարակի դինամիկան. Ria.ru Մենք մոտենում ենք երրորդ փուլին, որտեղ նախատեսում ենք ամենախիստ սահմանափակումների շրջանը. Պարետ Տիգրան Ավինյան Ավինյան. Նավթի ու գազի գների տատանումները գազի գնի վերանայման հիմք են տալիս Կորոնավիրուսից առողջացել է ևս մեկ պացիենտ, մեկուսացումից դուրս են եկել 150 հոգի Տիգրան Ավինյանի մամուլի ասուլիսը` ուղիղ Արցախի նախագահ. Դուք գիտեք, որ մենք ապրում ենք մեկ հայրենիքում, երկու պետությունում
Խմբագրի ընտրություն
website by Sargssyan