ԱՄՆ-ը փորձում է տնտեսապես խեղդել Իրանին․ Սերգեյ Լավրով

ԱՄՆ-ը փորձում է տնտեսապես խեղդել Իրանին․ Սերգեյ Լավրով

ԵՐԵՎԱՆ, 7 ԴԵԿՏԵՄԲԵՐԻ, Analitik.am: ԱՄՆ-ը փորձում է տնտեսապես խեղդել Իրանին և խթանել մարդկանց դժգոհությունը, Իրանում անկարգությունները Վաշինգտոնի վարած քաղաքականության արդյունք են, հայտարարել է Ռուսաստանի արտգործնախարար Սերգեյ Լավրովը, փոխանցում է ՌԻԱ Նովոստին։

«Իրանում խնդիրները շատ լուրջ են, ներառյալ՝ այն պատճառով, որ ամերիկացիներն ամբողջովին անօրինական կերպ պատժամիջոցներ են կիրառել այս երկրի դեմ, դուրս են եկել իրանական միջուկային ծրագրի մասին համաձայնագրից, և բոլորին, ներառյալ՝ Իրանին, ստիպում են իրականացնել այն: Ես նույնիսկ չգիտեմ, թե ինչպես կարելի է նկարագրել սա, սա աբսուրդ է, լիովին սյուրռեալիստական ​​մոտեցում: Նրանք բոլորին արգելում են իրականացնել Անվտանգության խորհրդի բանաձևը, որը հենց իրենք են իրենց համար անվավեր ճանաչել»,- ասել է Լավրովը:

Լավրովը նշել նաև՝ եթե ԱՄՆ-ի մտադրությունն Իրանին տնտեսապես խեղդելն է ու ժողովրդի դժգոհությունը խթանելը, ապա նույն մտադրությունը տեսնում ենք նաև Վենեսուելայի հետ:

Հետևեք մեզ նաև Telegram-ում