Ալիևը լուծարել է Ադրբեջանի խորհրդարանը և նշանակել արտահերթ ընտրությունների օրը
05/12/2019 17:39
Նմանատիպ
ԵՐԵՎԱՆ, 5 ԴԵԿՏԵՄԲԵՐԻ, Tert.am: Ադրբեջանի նախագահ Իլհամ Ալիևն Ադրբեջանի 5-րդ գումարման խորհրդարանը լուծարելու և արտահերթ խորհրդարանական ընտրություններ նշանակելու մասին հրամանագիր է ստորագրել: Այս մասին տեղեկացնում է minval.az կայքը:
Հրամանագրի համաձայն՝ խորհրդարանի արտահերթ ընտրությունները տեղի են ունենալու 2020 թվականի փետրվարի 9-ին:
Ինչպես ավելի վաղ տեղեկացրել էր Tert.am-ը, Ադրբեջանի Միլլի Մեջլիսը՝ խորհրդարանը, օրեր առաջ հատուկ նիստի ընթացքում հայտարարել էր ինքնալուծարման մասին: Ադրբեջանում իշխող «Նոր Ադրբեջան» կուսակցության գործադիր քարտուղարի տեղակալ Սիյավուշ Նովրուզովը նիստի ժամանակ ընթերցել էր երկրի նախագահ Իլհամ Ալիևին ուղղված դիմումը՝ խորհրդարանի ինքնալուծարման և արտահերթ ընտրությունների նշանակման մասին:
Հետևեք մեզ նաև Telegram-ում