AM | RU
USD
EUR
RUB

«Փաստ». Բազմաթիվ տնտեսական և քաղաքական ռիսկեր կան, իսկ իշխանավորները «թիթեռ են նկարում»

 

«Քիչ ժամանակ է մնացել կառավարության ներկայացուցիչների կողմից ասուլիսներ հրավիրելուն և 2019 թվականին իրենց արձանագրած արդյունքներն ամփոփելուն:

Ի տարբերություն 2018 թվականի, անցնող 2019 թվականը լիովին գտնվում էր Փաշինյանի և նրա գլխավորած քաղաքական ուժի պատասխանատվության տակ:

Եթե ուշադիր դիտարկենք տարվա ընթացքում տեղի ունեցած իրադարձությունները, ապա պարզ կդառնա, որ ժողովրդի ակնկալած հեղափոխական զարգացումը այդպես էլ մնաց հայտարարությունների մակարդակի, տնտեսական ցուցանիշները ոչնչով աչքի չընկան, փոխարենը մենք ականատես եղանք հիշարժան տեսարանների՝ կապված ձերբակալությունների, պաշտոնանկությունների և շոուի այլ էլեմենտների հետ:

Սակայն, եթե տարվա սկզբին մարդիկ մեծ հույսեր էին կապում ներկայիս կառավարության հետ, ապա արդեն նոյեմբեր ամիսն է, և դատելով երկրում տեղի ունեցող պրոցեսներից՝ հաջորդ տարվա հետ կապված ժողովրդի հույսերը Փաշինյանի գլխավորած կառավարությունից հասել են նվազագույնի, որը պայմանավորված է մի քանի պատճառներով:

Առաջին հերթին մարդկանց դժգոհությունները գնալով խորանում են, որովհետև իշխանություններն այնպիսի նախաձեռնություններով են հանդես գալիս, որոնցով ոտնահարում են մեր ինքնության ու ազգային արժեքների պահպանման ավանդույթները, անվանարկում են պատերազմ անցած զինվորականներին, հասարակության մեջ պառակտում են սերմանում և այլն:

Դրան գումարած՝ հանրության շրջանում լուրջ մտահոգություններ կան Ստամբուլ յան կոնվենցիայի վավերացման հարցի շուրջ, և եթե հաջորդ տարի այս հարցը բերվի ԱԺ օրակարգ, ապա այն բողոքի շատ մեծ ալիք է առաջացնելու:

Բարդ իրավիճակ է նաև տնտեսության ոլորտում:

Իշխանություններն ակնկալում են տարին փակել 6,3 տոկոս տնտեսական աճով, որն ամենևին էլ հեղափոխական չէ, ավելին՝ կառավարության կողմից որոշակի հոռետեսություն կա հաջորդ տարվա հետ կապված, դրա համար էլ 2020 թվականի բյուջեի նախագծով ակնկալում են 4,9 տոկոս տնտեսական աճ:

Տնտեսական առումով հաջորդ տարի բազմաթիվ ռիսկեր կան:

2020 թվականի հունվարի 1-ից երրորդ երկրներից ներմուծվող գրեթե բոլոր ապրանքատեսակների վրա սկսում են տարածվել ԵԱՏՄ մաքսային դրույքաչափերն ամբողջությամբ։

2020 թվականի հունվարի 1-ից թվով 699 ապրանքատեսակի մաքսային դրույքաչափ ավելանալու է: Ավտոներկրողները, որոնք մեծ գումարների հոսք էին ապահովում պետբյուջեի համար, այլևս չեն կարողանալու էժան գներով մեքենաներ ներկրել Հայաստան, քանի որ հունվարի մեկից գործող մաքսային դրույքաչափերի պայմաններում այն կդառնա ոչ ձեռնտու, և դրա արդյունքում է, որ արդեն իսկ ավտոմեքենաների թանկացում է նկատվում շուկայում:

Այնուամենայնիվ, հիմնական խնդիրն այն է, որ թանկացող ապրանքատեսակների թվում կան նաև առաջին անհրաժեշտության ապրանքներ, դեղորայք։

Մասնավորապես, սկսած 2020 թվականի հունվարի 1-ից՝ ավելանալու են մսի, մսից սննդային ենթամթերքների որոշ տեսակների, կաթնամթերքի, կենդանական կամ բուսական ծագման ճարպերի, յուղերի, ձեթի մաքսային դրույքաչափերը՝ 2,5-3 տոկոսով, իսկ մարգարինինը թանկանալու է 12 տոկոսով։

Գյուղատնտեսական մթերքների, կենդանիների կերերի, հացահատիկի, հացահատիկի սերմնացուի մաքսազերծման համար ներմուծողները սահմանին կվճարեն 3-4 տոկոսով ավելի, իսկ պարարտանյութեր ներմուծողները՝ 2,5-4 տոկոսով ավելի։

Մաքսատուրքերի ավելացումը հարված է հասցնելու նաև առողջապահության ոլորտին։ Ներմուծված դեղագործական արտադրանքն ու դեղամիջոցները թանկանալու են 2-4 տոկոսով։

Շինարարության և տեքստիլ արդյունաբերության ոլորտներում ևս թանկացումներ են սպասվում: Չնայած արդեն իսկ Հայաստանի սպառողական շուկայում արդեն իսկ թանկացումներ են նկատվում, սակայն հաջորդ տարի բարձր գնաճի ցուցանիշը լուրջ հետևանքներ կարող է ունենալ:

Այս կոնտեքստում էլ պետք է դիտարկել նաև գազի գնի հետ կապված անորոշ վիճակը: Եթե հաջորդ տարի գազի գինն էլ բարձրանա, ապա, ըստ ամենայնի, սոցիալական պայթյունն անխուսափելի կլինի:

Իսկ ինչ մեխանիզմներ է մշակում իշխանությունը համատարած թանկացումների ազդեցությունը տնտեսության վրա մեղմացնելու համար, դժվար է ասել:

Իշխանավորները որոշակի տնտեսական գործիքակազմ կիրառելու փոխարեն կենտրոնացել են երկրորդական խնդիրների վրա, իրենց համար ճոխ ծախսեր են անում՝ գաղտնի բարձրացնում են նախարարների և այլ բարձրաստիճան պաշտոնյաների աշխատավարձերը, նոր ավտոմեքենա և ինքնաթիռ են գնում, առանձնատուն են վերանորոգում, թանկարժեք գործուղումներ կազմակերպում: Իսկ վարչապետի երեկվա ամփոփիչ ելույթը ուղղակի ծանր տպավորություն թողեց...»,-գրում է թերթը։

Մանրամասները՝ թերթի այսօրվա համարում:

Լրահոս
Հրանուշ Հակոբյան. 1990 թ-ին ընտրված Գերագույն խորհուրդն ամենամտավոր, ինտելեկտուալ կարող պառլամենտն էր (Տեսանյութ) Սկսում ենք համաժողովրդական դրամահավաք՝ հանուն ինտելեկտուալ Հայաստանի․Կարեն Քոչարյան Ձեր թիմում պետք է սկսեք պայքարել ատելության խոսքի դեմ, հետո նոր սկսենք գլոբալ քննարկում ծավալել այս հարցով. Անի Սամսոնյանը՝ իշխող ուժին ՀՀ միջազգային պահուստների մակարդակն աննախադեպ է. ԿԲ (լուսանկար) ԱԺ Մարդու իրավունքների պաշտպանության և հանրային հարցերի մշտական հանձնաժողովի հերթական նիստը. Տեսանյութ Երևանի ավագանու արտահերթ նիստը՝ ուղիղ. օրակարգում է «Քայլող մարդը» արձանը Աբովյան փողոցում տեղադրելու հարցը Մանվել Գրիգորյանը կմնա կալանքի տակ. Վերաքննիչը մերժեց խափանման միջոցի հարցով պաշտպանների բողոքը Ուրիշի թոշակը յուրացնելու համար «Հայփոստ»-ի աշխատակցին մեղադրանք է առաջադրվել ՍԴ դատավորների «պարապության նպաստ»-ը եւ Արմեն Սարգսյանը. Արփինե Հովհաննիսյան Արտգործնախարար Զոհրաբ Մնացականյանի մոտ գնալով՝ սորոսական դեսանտը մի պարզ խնդիր է ուզում լուծել՝ դուխ տալ նրան. Հրանտ Մելիք-Շահնազարյան Լեռնային Ղարաբաղի հիմնախնդրի կարգավորման հարցում Փաշինյանի մոտեցումը սպասարկում է Ադրբեջանի ազգային և պետական շահերը. Վիտալի Բալասանյան Արցախի մասնակցության դիմաց Փաշինյանը համաձայնություն է տվել ու լեգիտիմացրել է «Արցախի ադրբեջանական համայնքի» ներգրավումը Մի քանի դիտարկումներ «Սահմանադրական դատարանի մասին» օրենքում լրացում կատարելու մասին օրենքի սահմանադրականության վերաբերյալ Արցախի Մեծ շեն համայնքում Կառլեն և Սառա Եսայանների միջոցներով իրականացնում են սալիկապատման ահռելի աշխատանքներ. Լուսանկարներ Փաշինյանի կառավարությունը 2018 թ. ԱԺ արտահերթ ընտրությունների քարոզարշավի ընթացքում պետական ռեկետ է իրականացրել. Նարեկ Սամսոնյան Արցախի հետ ռազմական դաշինքի ստորագրումը չի կարող ամիսներով ձգձգվել, ժամանակ չկա. Կոնստանտին Տեր-Նակալյան (տեսանյութ) Իհարկե, կա սեղանին դրված փաստաթուղթ, այն խոստումների դիմաց տարածքային զիջումների մասին է. Շահնազարյան Կամավոր հանձնել է «ՌԳԴ 5» տիպի 2 նռնակ, սվին-դանակ, ինքնաձիգի մաքրման պիտույքներ և այլն Հայաստանը պատերազմի նախաշեմին է, ժողովրդին պետք է նախապատրաստել դրան. Հրանտ Մելիք-Շահնազարյան (տեսանյութ) Աննա Հակոբյանն Ալիևային կարող է իր տուն հրավիրել մուղամ լսելու, բայց ոչ՝ Արցախում. Դավիթ Շահնազարյան Մեկ ու կես տարում ծայրահեղ վնաս է կրել Արցախի սուբյեկտայնությունը. Էլիբեգովա Ոչ ոք Արցախի ինքնորոշման իրավունքը չի հարմարեցնելու Ադրբեջանի ճաշակին. Կարեն Բեքարյան Հայաստանի ղեկավարի շուրթերից լեգիտիմացվում է Արցախի ադրբեջանական համայնքը. Ղազինյան Բաքվի «ռազմավարական համբերությանը» պետք է հակադրել «անզուգաչափ ռազմավարական հյուծման» քաղաքականությունը Ինչ աղբ ասես չթափեցին մեր վարչապետի կնոջ մասին, ու ոչ մի արձագանք չեղավ. Աշոտյան Հեղաշրջման նպատակը Արցախի հարցում անընդունելի զիջումներ ապահովելն է. Դանիելյան Անհապաղ հրավիրում եմ ԱԳՆ-ի եւ ԱԺ-ի ուշադրությունը... (ԼՈՒՍԱՆԿԱՐՆԵՐ) Հակառակորդը հրադադարը խախտել է շուրջ 140 անգամ Կոմիտասյան հոբելյանական համերգ Հռոմում «Ադեկվադ դիսկուրս» կլոր սեղան-քննարկումը՝ տեսանյութ Բելառուսը պատրաստվում է Չինաստանից 500 միլիոն դոլարի չափով վարկ վերցնել Ռուբեն Հայրապետյան. Ձերբակալում են, թող ձերբակալեն ՊԵԿ-ը դիմում է ավտոմեքենա ներկրողներին Այսօրվանից օդի ջերմաստիճանը կբարձրանա. Հանգստյան օրերի եղանակի մասին Արցախում շուտով նոր զորանոցը կհանձնվի շահագործման Վարդենյաց լեռնանցքում և Սոթք-Քարվաճառ ավտոճանապարհին տեղ-տեղ առկա է մերկասառույց «Հրապարակ». Դիվանագիտական լեքսիկոն, որ վնասում է բանակցություններին «Ժողովուրդ». Wizz Air բյուջետային ավիաընկերությունը 2020-ին չվերթներ իրականացնի դեպի Լոնդոն և Փարիզ «Հրապարակ». Մեր ժամանակ ուրիշ էր «Փաստ». Մեղավորների փնտրտուք. ովքե՞ր են հաջորդները
Խմբագրի ընտրություն
website by Sargssyan