AM | RU
USD
EUR
RUB

Արծվիկ Մինասյանին վեց ամիս է՝ տարբեր քրգործերով տանում-բերում են

 

ԵՐԵՎԱՆ, 9 ՆՈՅԵՄԲԵՐԻ, Hraparak.am: Երկու օր առաջ լուր տարածվեց, որ բնապահպանության նախկին նախարար Արծվիկ Մինասյանին հրավիրել են Քննչական կոմիտե՝ հարցաքննության։ Մինասյանին հարցաքննել են վկայի կարգավիճակում՝ կապված իր պաշտոնավարման ընթացքում տեղի ունեցած մի ենթադրյալ խախտման հետ։ Երեկ Արծվիկ Մինասյանը մեզ հետ զրույցում ասաց, որ առաջին անգամ չէ, որ իրեն կանչում են հարցաքննության, բայց նաեւ նշեց, որ սա կապ չունի ՀՅԴ երիտթեւի՝ ԿԳՄՍ նախարար Արայիկ Հարությունյանի դեմ սկսված ակցիաների ու նախարարի հրաժարականի պահանջի հետ։ Արծվիկ Մինասյանը դեռ չի շտապում այս քրգործերին ու իր հարցաքննություններին քաղաքական աստառ տալ եւ համարել, որ սա քաղաքական հետապնդում է իր դեմ՝ որպես դաշնակցականի։

«Բոլոր գործերը կապված են իմ նախկին պաշտոնների հետ, հիմնականում՝ բնապահպանության նախարար աշխատած շրջանի հետ, որտեղ ուղղակի վկայի կարգավիճակով ինձնից որոշակի բացատրություններ են ուզում ստանալ։ Որեւէ խնդիր չեմ տեսնում այստեղ, կոնկրետ այս գործով, օրինակ»,- ասաց Մինասյանը։

- Իսկ ի՞նչ գործ է սա։
- Ես 2017 թվականի փետրվարին պաշտոնից ազատել եմ մի տնօրենի՝ Սարգիս Բարսեղյանին, ում պաշտոնավարման ժամանակ բազմաթիվ ապօրինություններ են եղել։ Ընդ որում, ազատելուց հետո նա օրենքով նախատեսված իր բոլոր վճարումներն ստացել է, իսկ հետագայում հարուցվել է քրեական գործ նրա՝ նախկինում կատարած արարքների համար։ Ավելին ասեմ՝ այդ ընթացքում ինքը, տեսնելով, որ իրավիճակ է փոխվել՝ հայտնի ձեւակերպմամբ ասած, որոշել է հաղորդում տալ, թե իբր ես իրեն ապօրինի հանձնարարական եմ տվել, դրա համար եմ ես իրեն ազատել աշխատանքից։ Իմ հանձնարարականը եղել է «Բրիտանական ավիաուղիների» եւ «Ավիաօդերեւութաբանական կենտրոն» ՓԲԸ միջեւ դրամական վեճի հարցը, որը գտնվում է դատական ատյաններում, եւ, ըստ գործող օրենսդրության, քանի որ բրիտանական կողմից կար հաշտության համաձայնության առաջարկություն, ես այս առաջարկությունը փոխանցել եմ Գլխավոր դատախազությանը, դատախազությունը տվել է իր համաձայնությունը, եւ դատական կարգով կնքվել է այդ համաձայնությունը։

- Այսինքն՝ իր տված հաղորդման վրա՞ են Ձեզ հրավիրել հարցաքննության։

- Այո, հարուցված մեծ գործի շրջանակներում ինքն է հաղորդում տվել, որ իրեն պաշտոնից ազատել եմ, որ իբր իմ՝ ենթադրյալ ապօրինի հանձնարարականը չի կատարել։

- Իսկ կա՞ր նաեւ վեճ, որ այդ «Ավիաօդերեւութաբանական կենտրոն» ՓԲԸ-ն Ձեր ղեկավարած նախարարության կազմում լիներ, թե ԱԻ նախարարության։

- Այո, կար։ Բայց այդ վեճն այդ գործի հետ կապ չունի, այն շատ ավելի խորքային քաղաքականության վեճ էր։ Իրականում «Ավիաօդերեւութաբանական կենտրոն» ՓԲԸ-ն, որ օդերեւութաբանական ծառայություններ էր մատուցում ավիացիայի ոլորտում, փորձ էր արվում միացնել աէրոնավիգացիային, որտեղ մենք դեմ ենք արտահայտվում, որովհետեւ կար շահերի հստակ հակասություն։ Եթե նավիգացիային ձեռնտու է ինֆորմացիան վաճառել ինչքան շատ ինքնաթիռ, այնքան լավ սկզբունքով, ապա այս կազմակերպության համար հիմնական խնդիրն ավտանգության ապահովումն էր։

- Իսկ մյուս քրեական գործե՞րն ինչի հետ են կապված։

- Բոլորը կապված են իմ լիազորությունների իրականացման հետ։

- Որքա՞ն ժամանակ է, որ Ձեզ հրավիրում են հարցաքննության կամ բացատրություն տալու այդ գործերով։

- Մոտ վեց ամիս։

- Քննչական կոմիտե՞ են հրավիրում, թե՞ ՀՔԾ։

- Այն գործը, որը ՀՔԾ-ում էր, վերաբերում էր անցյալ տարվա ընտրություններին, թե իբր մի անձի պաշտոնից ազատել են այն պատճառով, որ իբր ինձ չի քվեարկել։

- Դուք բոլոր գործերով վկայի՞ կարգավիճակով եք անցնում։

- Այո։

- Կա՞ վտանգ կամ հավանականություն, որ Ձեր կարգավիճակը կարող է փոխվել։

- Չեմ կարծում, որովհետեւ այնքան սպառիչ են եղել իմ պատասխանները, բացատրությունները, օրենքներով հիմնավորումներն ու փաստարկները, որ չեմ կարծում։ Համենայնդեպս, այն քննիչները, որոնց հետ ես շփվել եմ, շատ հստակ, գիտակից պատկերացնող եւ իրավական առումով շատ նորմալ վերաբերմունք ունեն։

- Դուք այս ամենի տակ քաղաքական ենթատեքստ տեսնո՞ւմ եք, որ այս գործերով փորձում են Ձեզ ճնշել՝ որպես կուսակցականի։

- Կարծում եմ՝ այսօր դեռ վաղ է եզրակացություն անել՝ քաղաքական ենթատեքստ կա՞, թե՞ չկա, բայց վստահեցնում եմ, որ լինելու դեպքում առնվազն Ձեզ տեղեկացնելու եմ առաջինը։

Լրահոս
ՍԴ դատավորներին վաղաժամ թոշակի ուղարկելու նախագծի հապճեպությունն առավել քան տարօրինակ է. Իվետա Տոնոյան 2887. Սինձո Աբեն դարձել է Ճապոնիայի ամենաերկար պաշտոնավարած վարչապետը Ոչ թե մենք ենք դեմ ներկայիս իշխանությանը, այլ նրանք՝ հայի ինքնությանը ԱՄՆ-ում կարծում են, որ Իրանը մտադրված է ռուսական ռազմական տեխնիկա գնել Դատարանն արձանագրել է, որ Արսեն Բաբայանի իրավունքները եղել են խախտված (Տեսանյութ) Իրանը «վառվում» է բենզինից. բողոքի ակցիաները տարածվել են գրեթե ամբողջ երկրով Վարորդներին խորհուրդ է տրվում երթևեկել բացառապես ձմեռային անվադողերով Հյուսիսային համալսարանի ուսանողները դասադուլով միացել են ԿԳՄՍ նախարարի հրաժարականը պահանջողներին․ ՈՒՂԻՂ Իրանում ավելի քան 100 ցուցարար է մահացել. Amnesty International «Իրավունք». Արայիկ Հարությունյանը նեղ շրջապատում ասել է՝ դասերին չեկող ուսանողները կմնան նույն կուրսում ԱՄՆ կոնգրեսականները կոչ են անում հավասարաչափ ռազմական օգնություն տրամադրել Հայաստանին ու Ադրբեջանին «Փաստ». Ինչ գույք է ձեռք բերել Կոտայքի մարզպետի տեղակալը և ինչ է հայտարարագրել «Ժողովուրդ». Արտառոց նշանակում ՊՆ-ում «Հրապարակ». Մեծ Բրիտանիայի հետ բարդ հարաբերություններ. ինչ-որ բան այն չէ «Փաստ». Հայաստանում հեռարձակվող ռուսական հեռուստաալիքները՝ «խոշորացույցի» ներքո «Ժողովուրդ». Պատգամավորական մասսայական գործուղումների պատճառով օրինագծերի քվեարկություններ են տապալվում «Փաստ». Ալա­վերդ­ցի Վա­հա­գը ազատ կար­ձակ­վի՞ «Հրապարակ». Ինչո՞ւ է ՊԵԿ-ը՝ հարցաքննության է հրավիրվել իտալացի գործարարին «Ժողովուրդ». Անառողջ մթնոլորտ՝ առողջապահության ոլորտում․ «Իմ քայլում» լուրջ տարաձայնություններ կան «Հրապարակ». Իմքայլականները զգուշորեն են իրականացրել օպերացիան, որ ջերմուկցիների հետ փակ հանդիպմանը բնապահպանները չմասնակցեն «Փաստ». Հովհաննես Հովհաննիսյանը ոգևորված աշխատում է հայագիտական առարկաների դասավանդման դեմ «Փաստ». Արհամարհական վերաբերմունք և սպառնալիքներ «Հրապարակ». Ինչո՞վ կավարտվի «Իմ քայլը»-ԲՀԿ սագան ՕՐՎԱ ԽՈՐՀՈՒՐԴԸ: Նոյեմբերի 20 Անցած մեկ օրում Սիրիա է վերադարձել 749 փախստական Արայիկ Հարությունյանը պարտավոր է գոնե մի քիչ տղամարդկություն գտնել իր մեջ և հրաժարական ներկայացնել. Դավիթ Սահակյանց (տեսանյութ) Ապազգային քաղաքականության ու քաղաքական տրանսգենդերիզմի խաչմերուկներում «Սերժ Սարգսյանը երբևէ ուղղակի կամ անուղղակի շփում չի ունեցել Նիկոլ Փաշինյանի հետ». ՀՀ երրորդ նախագահի գրասենյակ Պաշտոնների նշանակումներ ՊՆ-ում Չի կարող դատարանը կախված լինել մի խումբ անձանցից. Ալվինա Գյուլումյան Էլեկտրաէներգիայի անջատումներ մայրաքաղաքում և յոթ մարզերում Կամո Քոչունցը նոր պաշտոնի է նշանակվել Նոր նշանակում Ռուսաստանում «ամենավտանգավոր» վարորդների ցուցակում կան հայկական անուններ Թուրքիան ԱՄՆ-ին հայտնել է, որ չի հրաժարվի C-400-ից ԿԳՄՍ նախարարի հրաժարականը պահանջող ցուցարարները շարունակում են նստացույցը․ ՏԵՍԱՆՅՈՒԹ Կրակային պատրաստության պարապմունքներ՝ 2-րդ զորամիավորման ենթակայությամբ գործող զորամասերից մեկում ԱԺ-ն ընդունեց Դանիայի հետ վիզայի տրամադրումը դյուրացնելու համաձայնագիրը վավերացնելու օրինագիծը ՌԴ ՊՆ-ն պատասխանել է Սիրիայի հարցով իր պարտավորությունները չկատարելու մասին Թուրքիայի հայտարարությանը ԱԱԾ-ն կալանավորել է Ոստիկանության Թումանյանի բաժնի պետին
Խմբագրի ընտրություն
website by Sargssyan