AM | RU
USD
EUR
RUB

Տեղեկությունները, որոնք տարածվում են իմ մասին, իրականության հետ կապ չունեն. Արթուր Վանեցյան

 

ԵՐԵՎԱՆ, 7 ՆՈՅԵՄԲԵՐԻ, Tert.am: Հայաստանի ֆուտբոլի ֆեդերացիայի գործկոմի նիստի օրակարգում եղել է մեկ հարց՝ ազգային հավաքականի գլխավոր մարզչի նշանակման հարցը, նիստից հետո լրագրողների հետ զրույցում ասաց ՀՖՖ նախագահ Արթուր Վանեցյանը։ «Առաջադրվել է Աբրահամ Խաշմանյանի թեկնածությունը ու գործկոմի նիստին մասնակցած բոլոր անդամները կողմ են քվեարկել պարոն Խաշմանյանի թեկնածությանը, ու պարոն Խաշմանյանն այս պահից սկսած՝ հավաքականի գլխավոր մարզիչն է», - ասաց նա։

ՀՖՖ նախագահը հույս հայտնեց, որ Խաշմանյանը հաղթանակներ կբերի ազգային հավաքականին։ «Ինչ վերաբերում է մնացած հարցերին, ես ուզում եմ միանգամից պարզաբանում տալ, թե ինչ կատարվեց երեկվանից մինչև այսօր։ Իրականում, որևէ խնդիր չի եղել, որևէ երկրաշարժ չի եղել, ուղղակի ստացվեց այնպես, որ աղմուկ շատ բարձրացավ ու այդ հարցի վրա շատ սևեռվեց հասարակության ուշադրությունը։ Իրականում, եղել է շատ պարզ իրավական կազուս, որի համար ֆեդերացիայում նշանակվել է ծառայողական քննություն և ֆեդերացիայի համապատասխան պաշտոնատար անձիք կպատասխանեն այդ հարցերին ու նրանց նկատմամբ համապատասխան վերաբերմունք կցուցաբերվի», - ասաց ՀՖՖ նախագահը։

Արթուր Վանեցյանը նշեց, որ հունիսի 26-ին տեղի է ունեցել հերթական ժողովը, որի ընթացքում հաստատվել է ՀՖՖ նոր կանոնադրությունը։ «Դրա համաձայն՝ գլխավոր մարզչի, բոլոր հավաքականների մարզիչների նշանակումը վերապահված է ՀՖՖ նախագահին, դա որոշում է նախագահը, հունիսի 26-ին այդ որոշումը ընդունվել է ընդհանուր ժողովի կողմից, որից հետո այդ կանոնադրությունը պետք է մուտքագրվեր պետական ռեգիստր, որպեսզի ստանար պետական գրանցում, ինչ-ինչ պատճառներով կանոնադրությունը մուտքագրվել է նոր, նոր ասած՝ հոկտեմբերի 25-ին ու տասն աշխատանքային օր է պահանջվում, որ այդ կանոնադրությունը գրանցվի պետական ռեգիստրում։ Ֆորմալ առումով դրա հաստատումը պետք է լինի վաղը, բայց երբ ինձ բերել են ու ներկայացրել են, որ նոր մարզչի նշանակման հարց կա, աշխատակազմը ինձ ուղղակի չի տեղեկացրել, որ պետռեգիստրում դեռևս գրանցում ստացած չէ, դա եղել է զուտ տեխնիկական սխալ», - ասաց Վանեցյանը։

Նա նշեց, թե այն աղմուկը, որը բարձրացավ, ընդհանրապես տեղին չէր, հարցը լուծվեց ու հավաքականը ունի նոր գլխավոր մարզիչ։ Արթուր Վանեցյանի խոսքով՝ նիստին չէր մասնակցում ՀՖՖ գործկոմի անդամ, առողջապահության նախարար Արսեն Թորոսյանը և տեղյակ չի պահել, թե ինչու չի մասնակցել։ ՀՖՖ նախագահն ասաց, որ այս ամենում քաղաքական դրդապատճառներ չի տեսնում։ «Տեսնում եմ հետաքրքրրություն ինչ-որ թեմայի շուրջ աղմուկ բարձրացնելու, գիտեք ինչ, ֆուտբոլային աշխարհում ցանկացած քայլ, որն արվում է ընդդեմ ֆուտբոլի, չի արվում ընդդեմ Արթուր Վանեցյանի, արվում է ընդդեմ հայկական ֆուտբոլի ու ցանկացած ոտնձգություն հայկական ֆուտբոլի նկատմամբ անթույլատրելի է։ Եկեք բոլորս միավորվենք ու ունենանք լավ ֆուտբոլ», - ասաց Ա. Վանեցյանը։

Վանեցյանը նշեց նաև, որ իր հրաժարականից հետո, առհասարակ, աշխատում է որևէ հանրային հայտարարություն չանել: «Որևէ մասնակցություն չեմ ունենում այս կամ այն իրադարձություններին, բայց իմ ցանկացած քայլ՝ երկրից բացակայել, մեկի հետ հանդիպել, սրճարան գնալ և այլն, և այլն դառնում է քննարկման առարկա, դա էլ հերիք չի, իմ հրաժարականից հետո որոշ լրատվամիջոցներ գրեթե ամենօրյա ռեժիմով կեղծ լուրեր են տարածում իմ մասին, այդ լուրերից որևէ մեկը չի հաստատվել։ Ես, իհարկե, կարող եմ մշտապես հանդես գալ հերքումներով, բայց չեմ ուզում հանդես գալ հերքումներով կամ ներկայացնել դատական հայցեր, որպեսզի հանգստանան ու շարժվեն առաջ», - ասաց Արթուր Վանեցյանը։ Նա ասաց, որ այն բոլոր տեղեկությունները, որոնք տարածվում են իր մասին ու փորձ է արվում սևացնել իրեն, իրականության հետ որևէ կապ չունեն։

Լրահոս
Խուզարկություն՝ Սևանի Հարսնաքար հյուրանոցային համալիրում Գլուխներդ պատին եք տվել, եթե մտածում եք, թե կարող եք Հայաստանում ազատ խոսք ճնշել. քաղաքագետ Էլ չասեք, որ վիրուսի այս տեմպի համար քաղաքացին է մեղավոր. դուք ու ձեր փնթիությունն են մեղավոր Էլ չասեք, որ վիրուսի այս տեմպի համար քաղաքացին է մեղավոր. դուք ու ձեր փնթիությունն են մեղավոր Ոստիկանության ծառայողներն «Արմնյուզ» ՀԸ–ում են (տեսանյութեր) Ակնհայտ անօրինական հրամանը կամ կարգադրությունը չկատարելը բացառում է քրեական պատասխանատվությունը. Ռուբեն Մելիքյան Հանրային համերաշխության քայքայումը անդառնալի հետևանքներ կարող է ունենալ․ Արթուր Վանեցյան «Հայոց Եկեղեցու պատմություն» առարկան վտանգված է Միջադեպ Սահմանադրական դատարանում՝ ոստիկանների մասնակցությամբ ԱԺ ներկայացուցիչը միջնորդություն է ներկայացրել ՍԴ՝ խնդրելով հետաձգել հուլիսի 7-ին նշանակված գործի քննությունը Արթուր Ղազինյանը ներկայացնում է կորոնավիրուսի դեմ պայքարը տապալելու մասին իր հաղորդման վերաբերյալ ՀՔԾ-ի պատասխանը. ՈՒՂԻՂ Հայաստանում հաստատվել է կորոնավիրուսով վարակվելու 662 դեպք Էլեկտրաէներգիայի պլանային անջատումներ՝ Երևանում և մարզերում Ամերիաբանկը՝ համաճարակային պայմաններում օնլայն ծառայությունների ու նոր հնարավորությունների մասին. ՏԵՍԱՆՅՈՒԹ Արցախի նախագահի հաստատած կառավարութան որոշումներով՝ նշանակվել են փոխնախարարներ Մոսկվա-Երևան երեք թռիչք կիրականացվի «Իրատես». Նիկոլի գաղտնիքը «Ժողովուրդ». ԱԺ պետաիրավական հանձնաժողովի նախագահ Վլադիմիր Վարդանյանն «ընդհատակ է անցել» «Իրավունք». Շատ կարճ ժամկետում կձևավորվի ազգային փրկության կառավարություն «Իրավունք». Նիկոլ Փաշինյանն էլի ցույցեր է հրահրում «Ժողովուրդ». «Սեւան ազգային պարկ»-ում հետաքրքիր զարգացումներ են տեղի ունենում «Ժողովուրդ». ՀՔԾ-ն մերժել է համավարակի դեմ պայքարը տապալելու փաստի առթիվ քրգործ հարուցելու՝ Արթուր Ղազինյանի դիմումը «Հրապարակ». Իշխանություններն ամեն ինչ անում են երկրում քաոս, անկայունություն ստեղծելու համար «Փաստ». Ի՞նչ ճակատագիր է սպասվում դպրոցների տնօրեններին «Հրապարակ». ՍԴ-ի շուրջ ճգնաժամը կխորանա «Հրապարակ». Ինչո՞ւ էր կորել գյումրեցի տատիկի դին «Հրապարակ»․ Արսեն Թորոսյանն այսօր սենսացիոն ցուցմունք է տալու «Փաստ». Ձև­ա­կան, հրա­տապ ու մա­կե­րե­սա­յին գոր­ծըն­թաց­ներ են տե­ղի ունե­նում՝ իրենց քա­ղա­քա­կան նպա­տա­կին օր առաջ հաս­նե­լու հա­մար «Փաստ». Մի­ակ ել­քը մնում է ներ­քին տու­րիզ­մը. որ­քա­նո՞վ դա կօգ­նի թույլ չտալ ոլոր­տի փլու­զու­մը ՕՐՎԱ ԽՈՐՀՈՒՐԴԸ: Հուլիսի 3 «Փաստ». Էլի մեղավոր են բոլորը, իշխանություններից բացի «Փաստ». Կա­րող է ունե­նանք շատ լավ փաս­տա­թուղթ, խնդիրն իրա­կա­նա­ցումն է «Գազպրոմ Արմենիա»-ի, «Վեոլիա Ջուր»-ի, «Վարկս Էյ Էմ»-ի և մի շարք այլ տնտեսվարողների գործունեությունը արգելվել է Արտակարգ դեպք Երևանում. «Ամերիաբանկ»-ի մասնաճյուղում փոխանակել են խոշոր չափի կեղծ եվրո Դատական մարմիններում դրամաշնորհներ ստացող, դատավոր չհանդիսացող անձինք են փորձում ներթափանցել և որոշիչ դեր խաղալ Կանեմ ամեն ինչ՝ կանխելու մեր երկրում հակառուսական տրամադրությունների ստեղծմանը նպատակաուղղված սադրանքները․ Գագիկ Ծառուկյան Վարչապետ Նիկոլ Փաշինյանը շնորհավորական ուղերձ է հղել ՌԴ նախագահ Վլադիմիր Պուտինին Հանրայինի եթերում աղմկահարույց բանախոսի ֆոնին այսօր Ադրբեջանի նախագահը զանգել և շնորհավորել է Պուտինին Ռուսաստանի հայերի միության հաղորդագրությունը Հանրային հեռուստատեսության հայտնի ռպորտաժի հետ կապված Կորոնավիրուսի դեմ պատվաստումների մասին խոսել առանց ստորև նշված ԲԱՅՑ-երը նշելու՝ անգրագիտություն է. Բժիշկ
Խմբագրի ընտրություն
website by Sargssyan