AM | RU
USD
EUR
RUB

Ո՞վ է Ռոբերտ Քոչարյանի գործը քննող դատավոր Մհեր Արղամանյանը. Ուշագրավ փաստեր

 

ԵՐԵՎԱՆ, 27 ՍԵՊՏԵՄԲԵՐԻ, Yerevan.todayՀՀ երկրորդ նախագահ Ռոբերտ Քոչարյանի պաշտպանական թիմը վերաքննիչ բողոք էր ներկայացրել ընդհանուր իրավասությունների դատարանի դատավոր Աննա Դանիբեկյանի՝ սեպտեմբերի 17-ի որոշման կապակցությամբ: Աննա Դանիբեկյանը մերժել էր Ռոբերտ Քոչարյանի պաշտպանական թիմի միջնորդությունը՝ նրա նկատմամբ ընտրված խափանման միջոց կալանքը վերացնելու և անհապաղ ազատ արձակելու վերաբերյալ։

Դատալեքս համակարգից տեղեկացանք, որ գործը մակագրվել է դատավոր Մհեր Սերյոժայի Արղամանյանին:

Ո՞վ է դատավոր Մհեր Արղամանյանը:

Դատավորի մասին փորձեցինք տեղեկատվություն քաղել համացանցից, և ուշագրավ պատկեր բացվեց մեր առաջ:

Մհեր Արղամանյանը 60 տարեկան է, դատավոր է արդեն 23 տարի: 1999 թվականից վերաքննիչ քրեական դատարանի դատավոր է:

Դատավորի հայտարարագրում 2011 թվականից ի վեր միայն աշխատավարձից ստացած եկամուտն է, փոխկապակցված անձինք՝ կինը՝ Նարինե Մկրտչյանը, և որդին՝ Դավիթ Արղամանյանը, ոչինչ չեն հայտարարագրել:

Մհեր Արղամանյանը, պարզվում է, հնչեղ գործեր քիչ չի քննել, ու հաճախ նրա անունը շոշափվել է մամուլում: Հիմնադիր խորհրդարանը, օրինակ, դժգոհում էր, որ նա անփոփոխ է թողել իր անդամներ Պավել Մանուկյանի ու Գարեգին Չուգասզյանի խափանման միջոցը:

2019թ. Մայիսի 4-ին Փաստաբան Երեմ Սարգսյանը «Հետք»-ին ուղարկված գրությամբ բարձրաձայնել է դատավոր Արղամանյանի կողմից կատարված ենթադրյալ ապօրինությունների վերաբերյալ: Նա մեղադրում էր դատավորին դատախազության ցանկալի դատավորը լինելու և ապօրինի դատական ակտ կայացնելու համար: Խոսքը ինչ-որ քրեական գործի մասին է:

Մեկ այլ գործով էլ Արղամանյանը բեկանել էր առաջին ատյանի դատարանի որոշումը և անձին կալանավորման որոշում կայացրել, իսկ որոշ ժամանակ անց գործը կարճվել էր՝ այդ անձի արարքում հանցակազմ չլինելու պատճառաբանությամբ:

2012 թվականին նոյեմբերին ԱԺ պատգամավոր Զարուհի Փոստանջյանը խայտառակություն որակեց ընդդիմադիր Հայ ազգային Կոնգրեսի (ՀԱԿ) չորս ակտիվիստների ազատազրկման դատավճիռն անփոփոխ թողնելու՝ Արղամանյանի և մեզ քաջ հայտնի Արմեն Դանիելյանի որոշումը՝ հիշեցնելով, որ նրանք տարիներ առաջ ավելի խայտառակ վճիռ կայացրել էին աղմկահարույց «Մատաղիսի գործով»: Նրանք խստացրել էին «Մատաղիս»-ի գործով առաջին ատյանի դատարանի կողմից 15 տարվա ազատազրկման դատապարտված 3 երիտասարդների պատիժը և ցմահ դատապարտել: Այնինչ շուտով վճռաբեկը գործը կարճեց և երիտասարդներին ազատ արձակեց: Իսկ դատական սխալների համար եվրադատարանը 50 հազար եվրոյի որոշում կայացրեց ընդդեմ ՀՀ-ի:

Մհեր Արղամանյանը 2019թ. մարտի 18-ին մերժեց ԱԱԾ տնօրենի եւ ՀՔԾ պետի հեռախոսային խոսակցության գաղտնալսման առթիվ հարուցված քրեական գործով Ռոբերտ Քոչարյանին տուժող ճանաչելու պաշտպանական կողմի բողոքը։ Սա ուշագրավ էր, քանի որ այդ գաղտնալսման մեջ խոսք էր գնում Ռոբերտ Քոչարյանին ուզած-չուզած կալանավորման մասին:

Ի դեպ, 2012 թվականի մարտի 16-ին արդարադատության խորհուրդը Մհեր Արղամանյանին հայտարարել է նկատողություն` զուգորդված 6 ամիս ժամկետով աշխատավարձի 25 տոկոսից զրկմամբ:

Ուշագրավ վարքագիծ է դրսևորում նաև դատավորի որդին՝ Դավիթ Արղամանյանը, որը 2018 թվականից ունի փաստաբանի արտոնագիր:

Դավիթ Արղամանյանը ֆեյսբուքյան հարթակում մշտապես հանդես է գալիս քաղաքական գրառումներով ու դատաիրավական համակարգի քննադատությամբ: Իմ քայլը դաշինքի իրավախորհրդատու է:

Փաստաբանը 2019թ. Սեպտեմբերի 17-ին ընդհանուր իրավասության դատարանի դիմաց մասնակցել է ընդդեմ Ռոբերտ Քոչարյանի՝ ՀԱԿ-ի կազմակերպած հանրահավաքին և այդ մասին տեսանյութ տեղադրել իր էջում:


ՀՀ երկրորդ նախագահ Ռոբերտ Քոչարյանին կալանելուց և հետո ազատ արձակելուց հետո տեղադրել է «Rob in zon» գրառումը՝ այսպես դիրքորոշում հայտնելով: Իսկ երբ Նիկոլ Փաշինյանը հայտարարեց դատարանների մուտքերը շրջափակելու մասին, սույն փաստաբանը ֆեյսբուքյան էջում տեղադրել էր բոլոր դատարանների հասցեները, որպեսզի շրջափակողները փնտրելու վրա ժամանակ չծախսեն:

Նաև գրառում էր տեղադրել, թե. «ՀՀ֊ում պետք է վերացվի կոռումպացված կլանային արդարադատությունը, և դատական իշխանությունը պետք է ենթարկվի ինստիտուցիոնալ ռեֆորմի»։




Մեկ այլ նմանատիպ գրառում էլ արել էր սեպտեմբերի 20-ին. «Ո՞նց կարա սահմանափակվի դատարանի «անկախությունը», եթե դատարանները երբևէ անկախ չեն եղել, իսկ դատավորների 90%֊ը եղել են հրաման կատարողներ։ Մոռացա՞ք, որ մի տարի առաջ բոլոր գործերով դատավորը վերևների հետ էր քննարկում, նոր որոշում կայացնում։ Մոռացա՞ք, որ դատարանը նախկին դիկտատուրայի գործունեության «օրինականությունն» ապահովող մարմին էր։ Մոռացա՞ք, որ դատարանում օրենքը գործում էր ոնց պետք էր, ու երբ պետք էր։ Դատավորները մի տարի իշխանությունից որևէ հրահանգ չեն ստանում, խուճապի են մատնվել, չգիտեն իրոք օրենքով աշխատե՞ն։ Ոմանք էլ ոնց կատարածու կային, նենց էլ կմնան հավերժ, առիթից օգտվում ու սաբոտաժ են իրականացնում։ Գիտեիք ձեր կեղծ »դատական իշխանության» վերջը չի գալու՞, դե բռնվեք... Ոտքի, ժողովուրդն է գալիս»։



 

 

Փաստաբան որդին գրում է այս տողերն այն դեպքում, երբ հայրը դատավոր է արդեն 23 տարի, որից դժգոհ են բոլոր ժամանակների ընդդիմադիրները:

Գուցե մի բան գիտի՞:

Այնպես որ, բավականին «անաչառ» դատավորի է բաժին հասել Ռոբերտ Քոչարյանի գործը:

Ի դեպ, կարծես Ռոբերտ Քոչարյանի ճակատին գրված լինի, որ իր գործը պետք է քննեն հիմնականում ամենացածր վարկանիշ ունեցող դատավորները: Մհեր Արղամանյանը, օրինակ, դատավորների գնահատման սանդղակում բավականին ցածր վարկանիշ ունի՝ -10:

Լրահոս
Ինչու Փաշինյան-Սահակյան հանդիպմանը չեն տեղադրել Արցախի դրոշը Կա ընդամենը մեկ բան, որ արել է Մոնթեն ու չի արել Վիտոն ՀՀ պաշտպանության նախարարը հետևել է խաղաղապահների վարժանքներին Հայաստանի և Վրաստանի ԱԳ նախարարները քննարկել են տարածաշրջանային իրավիճակը Կամո Փիրուզյանի սպանության գործով նիստը շարունակվեց առանց տուժող կողմի ներկայացուցիչների Եթե Ադեկվադները կարողանան թեկուզ մի քանի Պոողոս սպանել, մեծ գործ արած կլինեն Դու արժանի չես սրան, Երևան... Գրիգորի Հայրապետովն ազատվել է ԱԱԾ պետական պահպանության ծառայության պետի պաշտոնից Հայաստանի արտաքին քաղաքականության պատասխանատուները պետք է պատրաստ լինեն հակազդելու ադրբեջանական հակաքարոզչությանը Նախագահ Սարգսյանը հյուրընկալել է Վրաստանի վարչապետին Վիտալի Բալասանյան. Նիկոլ Փաշինյանը չարաչար սխալվում է Մենք տնտեսության, մշակույթի և մյուս ոլորտներում կապերը զարգացնելու լավ հնարավորություններ ունենք. Վրաստանի վարչապետ Դարձի՛ր բարերար. գործարկվել է «Հայաստան» համահայկական հիմնադրամի նոր կայքը Լենա Նազարյանը շարունակում է մնալ քննադատությունների կիզակետում․ «Մեդիա պաշտպան» Իրականացվող տնտեսական քաղաքականությունը համադրելի չէ տնտեսական հեղափոխության հետ.ՏԶՆԿ նախագահ (տեսանյութ) Պաշտպան. Մանվել Գրիգորյանի նկատմամբ խոշտանգումն ակնհայտ է Նիկոլ Փաշինյանի և Գեորգի Գախարիայի համատեղ ասուլիսը.Ուղիղ Վիտալի Բալասանյանի մամուլի ասուլիսը. Ուղիղ միացում Արցախից Մենք ուզում ենք կանխարգելել տուբերկուլյոզի տարածումը Երևանում, որի մասին չեն մտածում մեր այրերը Բացահայտվել են բժշկասոցիալական փորձաքննության հանձնաժողովի նախագահի կողմից կաշառք պահանջելու և ստանալու դեպքեր.ԱԱԾ Շատ էի ցանկանում, որ լուրը համոզիչ ձևով հերքվեր, բայց... «168 ժամ»․ Այս պայմաններում մարդն ի՞նչ հույսով պետք է իր գումարները ներդնի տնտեսության մեջ «Փաստ». Փա­շի­նյա­նը չի կտրի «սու­պեր­վար­չա­պե­տա­կան» հա­մա­կար­գի ճյու­ղը, որի վրա նստած է «Իրատես». Ինչ են խոսել Նիկոլն ու «կիրթը» «Փաստ». Փաշինյանի թիմում շատ լուրջ տարաձայնություններ կան «Հրապարակ». Նորաշենի նախկին համայնքապետը դատական հայց է ներկայացրել Արարատի մարզպետի դեմ ՕՐՎԱ ԽՈՐՀՈՒՐԴԸ: Հոկտեմբերի 15 Համայնքապետի ԺՊ-ն արգելում է ինձ խոսել զինվոր որդիներիս հետ Արփինե Հովհաննիսյան. Վենետիկի հանձնաժողովի պաշտոնական կարծիքը և մանիպուլիացիաների հօդս ցնդելը Վարչապետ Փաշինյանի գլխավորությամբ ՊՆ վարչական համալիրում տեղի է ունեցել խորհրդակցություն ՍԴ դատավորներն ապացուցեցին, որ ոչ սրա-նրա դռան տակ վնգստացող են, ոչ էլ ամբոխից վախեցող. Վահագն Վարագյան Զոհրաբ Մնացականյանն ընդունեց Ֆրանսիայի խորհրդարանականների և քաղաքապետերի գլխավորած պատվիրակությանը ԼՂ հակամարտությունը ռազմական լուծում չունի. ՆԱՏՕ Թուրքիան և սիրիական զինված ընդդիմությունը հարձակում է գործում Մանբիջի դեմ. ԶԼՄ-ներ Շանս կա, որ շուտով կունենանք արդեն երրորդ կայացած պետական ինստիտուտը ՍԴ-ն մերժել է Հրայր Թովմասյանի լիազորությունները դադարեցնելու ԱԺ նախաձեռնությունը Տարեվերջին, երբ հայտնի է դառնում, որ ցուցանիշները «հեղափոխական» չեն, առաջանում է գործարարների շրջանում կոնսոլիդացիայի կարիք. փորձագետ Դատարանը կասեցրել է իր մարդուն համայնքապետի ժպ նշանակելու մասին Գարիկ Սարգսյանի որոշումը Պողոսին պետք է վերադաստիարակել՝ ստանալով Պետրոսի, «սպանել» Պողոսին, ասել է թե «ստանալ» Պետրոս «Սանիթեք» ընկերությունը սկսել է միջազգային արբիտրաժային դատարան դիմելու գործընթացը. հայտարարություն
Խմբագրի ընտրություն
website by Sargssyan