AM | RU
USD
EUR
RUB

Քաղաքագետ. ԼՂ խնդրի կարգավորման մասին Փաշինյանի ձևակերպումները շատ վտանգավոր են

 

ԵՐԵՎԱՆ, 26 ՍԵՊՏԵՄԲԵՐԻ, Panorama.am: «Ոսկանապատ» վերլուծական կենտրոնի ղեկավար Հրանտ Մելիք-Շահնազարյանը պարզ պոպուլիզմ է որակում Հայաստանի վարչապետ Նիկոլ Փաշինյանի՝ ԼՂ խնդրի վերաբերյալ հայտարարությունը։

«Չեն կարող հակամարտող կողմերը խնդրի լուծման որևէ տարբերակի պարագայում իրենց շահը լիարժեք բավարարված, իրենց լիարժեք պաշտպանված զգալ»,- Panorama.am-ի հետ զրույցում կարծիքն այսպես հիմնավորեց քաղաքագետը։

Հիշեցնենք, որ ելույթ ունենալով ՄԱԿ-ի կենտրոնակայանում ՄԱԿ-ի Գլխավոր ասամբլեայի 74-րդ նստաշրջանին՝ Նիկոլ Փաշինյանը մասնավորապես ասել է.

«Իմ պաշտոնավարման առաջին իսկ օրվանից ես քայլեր եմ ձեռնարկել հենց այս համատեքստում: Այս նպատակով, ես հանդես եկա հայտարարությամբ, որում ասվում է, որ Լեռնային Ղարաբաղի հակամարտության ցանկացած լուծում պետք է ընդունելի լինի Հայաստանի, Լեռնային Ղարաբաղի և Ադրբեջանի ժողովուրդների համար:

Հատկանշական է, որ ես առաջին հայ ղեկավարն էի, ով նման դիրքորոշում հայտնեց հակամարտության կարգավորման վերաբերյալ: Ինձ խստորեն քննադատեցին իմ երկրում լուծման այնպիսի բանաձևի համար, որը հավասարության նշան է դնում հակամարտության 3 կողմերի միջև: Այդուամենայնիվ, ես հավատում եմ, որ դա հակամարտության խաղաղ լուծման բանալին է, քանի որ այն ենթադրում է փոխզիջման, փոխադարձ հարգանքի և հավասարակշռության հնարավորություն»։

Վերլուծաբանն առավել վտանգավոր է համարում Փաշինյանի հայտարարության այն հատվածը, որտեղ նշվում է, թե ինքն առաջին հայաստանցի առաջնորդն է, ով մտածում է Ադրբեջանի ժողովրդի շահերի մասին։

«Իր տրամաբանությամբ, ինքն իրեն այդպես հակադրում է Հայաստանի մյուս առաջնորդների հետ, ովքեր չեն մտածել համընդհանուր շահի մասին, այլ մտածել են միայն հայկական կողմի շահի մասին։ Այդպիսով նա ոչ անմիջական, բայց պատասխանատվություն է դնում Հայաստանի վրա հակամարտության՝ մինչ օրս չկարգավորված լինելու համար։ Նա, ըստ էության, ասում է, որ միակողմանի են նայել խնդրին, հետևաբար հակամարտությունը չէր լուծվում, իսկ հիմա էլ Ալիևն է միակողմանի նայում, ինչը նորից խնդիր է առաջացնում»,- մանրամասնում է Հրանտ Մելիք-Շահնազարյանը։

Քաղաքագետի խոսքով, նման ձևակերպումները շատ վտանգավոր են իրենց մեկնաբանության մեջ, քանի որ ակնհայտ տրամաբանական շղթա է երևում։ Նա ընդգծում է, որ ԼՂ խնդրի՝ փոխադարձ ընդունելի կարգավորման սկզբունքը մշտապես եղել է։

«Կողմերի համար փոխադարձ ընդունելի լուծման մասին միշտ խոսել են և Մինսկի խմբի համանախագահները, և համանախագահող երկրները, պաշտոնական Երևանն էլ մշտապես խոսում է փոխզիջումների հիման վրա հարցի կարգավորման մասին։ Ինչո՞ւ չեն ասում Ադրբեջանի կամ Հայաստանի շահ ու հենց այդ փոխզիջումային բառն են օգտագործում։ Մի պարզ պատճառով, թե ադրբեջանական կողմը, թե հայկական կողմն իրենց ձգտումների մեջ ակնհայտորեն մաքսիմալիստ են»,- բացատրում է վերլուծաբանը։

Նա պնդում է՝ հայ հանրությունը երբեք չի համաձայնի որևէ տարածք տալ Ադրբեջանին, ադրբեջանցիներն էլ երբեք համաձայն չեն լինի Արցախի մի հատվածով բավարարվել, նրանց պետք է ամբողջ Արցախը՝ առանց այնտեղ ապրող հայերի։

«Նրանց պետք է նաև Հայաստանի Հանրապետության որոշ տարածքներ, ինչի մասին բաց տեքստով խոսում են։ Այս պարագայում խոսել այնպիսի լուծման մասին, որ բոլորի շահերը բավարարված լինեն, ինչպես արդեն ասացի, պարզ պոպուլիզմ է։ Այստեղ ամբողջ խնդիրն այն է, որ հարցը քաղաքական լուծում չունի ու մինչ այս պահը Փաշինյանը դա չի հասկացել։ Նա փորձում է Հայաստանը ներկայացնել որպես պատրաստակամ կողմ, բայց պատրաստակամության ցուցադրման պրոցեսում այնքան հեռու է գնացել, որ միջազգային հանրությունն առաջին անգամ տարաձայնություններ տեսավ պաշտոնական Երևանի ու Ստեփանակերտի հարաբերություններում։ Եվ դա որպես խնդրո առարկա իրողություն քննարկվում է և փորձագիտական, և քաղաքագիտական շրջանակներում։ Խոսքս դիվերսանտներին հետ հանձնելու պաշտոնական Երևանի պատրաստակամության ու Ստեփանակերտի՝ դրան դեմ դուրս գալու մասին է»,- ամփոփեց քաղաքագետը։

Լրահոս
«Էրեբունի պլազա»-ում կրակոցներ արձակած անձը տեղափոխվել է հոգեբուժարան. ՔԿ Նախագահի 14 թեկնածու, 2 դաշինք և 10 կուսակցություն. Արցախում առաջադրումներն ավարտվել են Մայր Աթոռի պատվիրակությունը Վատիկանում մասնակցելու է երիտասարդ հոգևորականների հավաքին Այսօր մեկնարկում է սահմանադրական փոփոխությունների հանրաքվեի քարոզարշավը Մյունխենյան ձևաչափը ծուղակ է Արցախում պետականություն կայացրած, անվտանգության գոտի ստեղծած հայկական կողմի համար. Վահե Հովհաննիսյան Ինչպես պահպանել մեր զինվորի կյանքը. Ավետիք Չալաբյան Ջերմաստիճանը կբարձրանա` գնում ենք դեպի գարուն․ Գագիկ Սուրենյան ՀՀ տարածքում կան փակ և դժվարանցանելի ավտոճանապարհներ. Լարսի ռուսական կողմում կա կուտակված մոտ 1000 բեռնատար ՕՐՎԱ ԽՈՐՀՈՒՐԴԸ: Փետրվարի 17 Արցախը պատրաստ է Ղարաբաղյան հակամարտության խնդրի լուծման ցանկացած սցենարի Գործի է դրված «տարածքներ խաղաղության դիմաց» մոդելը Թուրքիան ահաբեկչական խմբավորման գրոհայիններին Սիրիայում զինում է ռազմատեխնիկայով և սեփական բանակի համազգեստով Տավուշի ուղղությամբ այսօր ՀՀ զինծառայող է վիրավորվել․ Նիկոլ Փաշինյան Արցախը չունի ներկայացուցիչներ, Արցախն ունի օրինական ընտրված իշխանություն. Արթուր Ղազինյան Զինված հանցագործները կրակ են բացել Բեռլինի կենտրոնում, մեկ մարդ մահացել է Նիկոլ Փաշինյանի ու Իլհամ Ալիևի հանդիպումը Մյունխենում. ՏԵՍԱՆՅՈՒԹ 2020 թվականի հունվարը մարդկության պատմության մեջ ամենատաքն է եղել Թուրքիան կրկին լրացուցիչ զորքեր է ուղարկել Իդլիբ Փորձագետներն ասել են Մունկի «Ճիչը» կտավի գույնի փոխվելու պատճառը Կարևորվել է Երևանի և Պրահայի միջև ուղիղ չվերթների հաստատումը Սեյրան Օհանյանը՝ բանակում մահվան դեպքերի մասին Թայվանում 5,4 և 4,7 մագնիտուդ ուժգնությամբ երկու երկրաշարժ է տեղի ունեցել Մելիք-Շահնազարյան. Մեր ԱԳՆ-ի գործուն մասնակցությամբ բանակցություններում նվազեցվում է Արցախի իշխանության կարգավիճակը Ստացվում է՝ սև խավիարի պատմությունը սուտ չէ․ Նարեկ Սամսոնյան (տեսանյութ) Նարեկ Սամսոնյանը մեղադրյալի դատաիրավական կարգավիճակ չի կարող ունենալ, դատաիրավական կարգը հաղթահարված չէ. պաշտպան (տեսանյութ) Եթե ամեն իշխանություն իրեն տհաճ մարդկանց նկատմամբ սկսի հետապնդումներ, մենք չենք կարող ապահովել մինիմալ իրավական վիճակ. Analitik.am-ի գլխավոր խմբագիր ՊԲ շտաբում տեղի է ունեցել ծառայողական խորհրդակցություն, քննարկվել են Արցախի ԶՈՒ-երում մահվան ելքով դեպքերին վերաբերող հարցեր Հայ դիրքապահների ուղղությամբ հակառակորդն այս շաբաթ արձակել է շուրջ 1100 կրակոց. ՊԲ Սա գործընթաց է թե՛ մամուլում, թե՛ քաղաքական դաշտում քննադատությունը լռեցնելու համար. Արսեն Բաբայան (Տեսանյութ) Արցախի նախագահական ընտրություններին մասնակցելու հայտ է ներկայացրել 12 թեկնածու Նարեկ Սամսոնյանի նկատմամբ հետապնդումներն ուղղակի հետպնդումներ են «Antifake.am»-ի նկատմամբ՝ որպես ազատ մամուլի. Աստղիկ Մաթևոսյան (ՏԵսանյութ) Նիկոլ Փաշինյանը նպատակ ունի ինձ մեկուսացնել հանրաքվեի քարոզարշավի ընթացքում. Նարեկ Սամսոնյան (տեսանյութ) Օդի ջերմաստիճանը կբարձրանա Իրավաբանությունը Հայաստանի Հանրապետությունում դարձել է հիբրիդային գիտություն. Արսեն Բաբայան Կորոնավիրուսը հասել է Եգիպտոս «Քաղաքացիական գիտակցություն» ՀԿ նախագահ Նարեկ Սամսոնյանը «սև խավիարի գործով» որպես մեղադրյալ կանչվել է ՀՔԾ․ ուղիղ 23-ամյա զինծառայողի մահվան դեպքի առթիվ հարուցվել է քրեական գործ Իրավապաշտպան Արսեն Բաբայանը մանրամասներ ներկայացրեց իրեն վերաբերող քրեական գործի մասին (տեսանյութ) Անթույլատրելի գործընթացներ են ընթանում. Տ.Աբրահամյան Ստամբուլում 7-հարկանի շենք է փլուզվել (լուսանկարներ)
Խմբագրի ընտրություն
website by Sargssyan