Այսօր մեկնարկում է ՄԱԿ-ի Գլխավոր ասամբլեայի բարձր մակարդակի շաբաթը

ԵՐԵՎԱՆ, 24 ՍԵՊՏԵՄԲԵՐԻ, Panorama.am: Նյու Յորքում ՄԱԿ-ի Գլխավոր ասամբլեայի նստաշրջանի բարձր մակարդակի շաբաթը կբացվի այսօր և կտևի մինչև սեպտեմբերի 30-ը: Այս մասին գրում է Ria-ն։

ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկի խոսքերով, բարձր մակարդակի շաբաթվա ընթացքում ակնկալվում է մասնակցել 196 պատվիրակությունների մասնակցություն, որոնք թվում 91 պետություն ղեկավարներ, 6 փոխնախագահներ, 45 կառավարությունների ղեկավարներ, 5 փոխվարչապետեր, 44 նախարարներ:

Նիստի շրջանակներում պլանավորված են շուրջ 630 տարբեր հանդիպումներ: Փորձագետների կարծիքով, բացի այդ, նախատեսված են շուրջ 360 զուգահեռ միջոցառումներ, որից մոտ 50-ը կլիմայի հարցերով, մոտ 30-ը՝ տարբեր հակամարտությունների:

ՄԱԿ-ում ելույթ ունեցող պետությունների ղեկավարների ցանկում ներառված է ԱՄՆ նախագահ Դոնալդ Թրամփը, որը կխոսի այսօր: Թրամփը ծրագրով երկրորդ ելույթ ունեցողն է՝ Բրազիլիայի նախագահ Բոլսոնարուից հետո: Նախատեսվում է, որ, ի թիվս այլոց, ելույթներով հանդես են գալու Թուրքիայի, Ֆրանսիայի, Իրանի, Լիբիայի, Պաղեստինի, Լեհաստանի, Աֆղանստանի, Իրաքի առաջնորդները: Բանախոսների ցանկում էր նաև Վենեսուելայի նախագահ Նիկոլաս Մադուրոն, բայց նա արդեն հրաժարվել է ուղևորվել Նյու Յորք: Փոխարենը, փոխնախագահը ելույթ կունենա։

Առաջին անգամ ասամբլեայի աշխատանքներին կմասնակցի Ուկրաինայի նախագահ Վլադիմիր Զելենսկին: ՄԱԿ-ում ելույթ կունենան նաև Հայաստանի վարչապետ Նիկոլ Փաշինյանը, Վրաստանի նախագահ Սալոմե Զուրաբիշվիլին, Ղազախստանի նախագահ Քասիմ-Ժոմարտ Տոկաևը։ Ակնկալվում է, որ միջոցառմանը կմասնակցի Ճապոնիայի վարչապետ Սինձո Աբեն: Ռուսաստանի Դաշնության պատվիրակությունը գլխավորում է ԱԳ նախարար Սերգեյ Լավրովը։