Արմեն Մինասյան. Վանեցյանի ելքը «հեղափոխական» վարչակազմից լուրջ ցուցիչ է «հընթացս ընթացող» հեղափոխությունը բնութագրելու համար
Նմանատիպ
ԵՐԵՎԱՆ, 16 ՍԵՊՏԵՄԲԵՐԻ, Facebook: Եկեք անկեղծ լինենք։ Արթուր Վանեցյանը միակն էր գործող իշխանության մեջ, ով ուներ Նիկոլ Փաշինյանի անվան հետ չփոխկապակցված բարձր վարկանիշ։
Եվ եթե Նիկոլ Փաշինյանի վարկանիշը մնում է բարձր, իսկ վստահությունը շեշտակի ընկնում է, Արթուր Վանեցյանի դեպքում բարձր վարկանիշն ուղեկցվում էր հանրային ու ներիշխանական վստահության բարձր մակարդակով։
Ու նրա հրաժարականն ու ելքը «հեղափոխական» վարչակազմից լուրջ ցուցիչ է «հընթացս ընթացող» հեղափոխությունը բնութագրելու համար։
ՀԳ. Եկեք անտեսենք Նիկոլ Փաշինյանի փաստարկն առ այն, որ Արթուր Վանեցյանը պետք է «Հայաստանի ֆուտբոլի հավաքականին Եվրոպայի եզրափակիչ դուրս բերելու վրա աշխատի` շատ կարևոր, ազգային և պետական նշանակության խնդրի լուծման վրա»։
Մի երկիր, որտեղ տնտեսությունը գնալով ընկղմվում է ճահիճը, ֆիզիկական վտանգների սուրը ճոճանակի պես տատանվում է Թուրքիայից Ադրբեջան, ատոմակայանից երկրաշարժ, աշխարհի հետ կոմունիկացիան վտանգված է նույնիսկ Վրաստանում իր բակում կարտոշկա ցանող տատիկի գործողություններից, այլադավան ու այլալեզու զանգվածային դեմոգրաֆիական ճնշում է մի քանի կողմերից, ֆուտբոլի հավաքականի հաջողությունները ազգային ու պետական կարևոր խնդիր պատկերացնող վարչապետն արդեն իսկ ազգային սպառնալիք է ու սպայի պատիվ ունեցողն այլ վարքագիծ դրսևորել չի կարող։
Հետևեք մեզ նաև Telegram-ում