Հայտնաբերվել է պայմանագրային զինծառայողի կախված դին

ԵՐԵՎԱՆ, 13 ՍԵՊՏԵՄԲԵՐԻ, Tert.am: Տավուշի մարզի գյուղերից մեկում ՝ անասնագոմում, պայմանագրային զինծառայող է ինքնասպան եղել: Այս մասին լուրը Tert.am-ի հետ զրույցում հաստատեց ՀՀ ՊՆ մամուլի խոսնակ Արծրուն Հովհաննիսյանը:

Նա ինքնասպանություն է գործել պարանից կախվելու միջոցով:

Ավելի վաղ Armeniasputnik.am-ը հաղորդել էր, որ նրան եղբայրն է գտել անասնագոմում՝ առաստաղից պարանով կախված: Անմիջապես կանչել է հարևաններին, որոնք էլ ահազանգել են 1-03 և կատարվածի մասին տեղեկացրել իրավապահներին: