Դուք եկել եք ջերմուկցիների կարծիքը լսելու, բայց տպավորություն ա, որ եկել եք համոզեք ջերմուկցիներին. բնակիչը՝ Փաշինյանին
Նմանատիպ
ԵՐԵՎԱՆ, 23 ՕԳՈՍՏՈՍԻ, Aysor.am: Քիչ առաջ Նիկոլ Փաշինյանն ավարտեց Ջերմուկի բնակելի շենքերից մեկում բնակիչների հետ հանդիպումը, որի ընթացքում նա լսում էր Ամուլսարի մասին կարծիքներ:
Շենքի մոտ նրան սպասող մի շարք ջերմուկցիներ բողոքեցին, որ Փաշինյանը չի լսում իրենց ձայնը՝ նախընտրելով բնակարաններում գտնվող մարդկանց հետ հանդիպել:
Ի պատասխան Փաշինյանն ասաց, որ կլսի նրանց վերջում:
«Մենք գիտենք, որ Դուք եկել եք ջերմուկցիների կարծիքը լսելու, բայց նենց տպավորություն ա, որ Դուք եկել եք համոզեք ջերմուկցիներին», – ասաց ջերմուկցիներից մեկը:
Փաշինյանը հակադարձեց՝ նշելով, որ այդ տպավորությունը սխալ է, մինչդեռ իր մոտ էլ տպավորություն է ստեղծվել, որ անկախ եզրակացությունից՝ ջերմուկցիները որոշել են, որ դեմ են լինելու հանքի շահագործմանը:
Այս պահին Փաշինյանն ուղևորվում է Ջերմուկի հյուրատներից մեկը:
Նրան ուղեկցում են մի խումբ ջերմուկցիներ՝ վանկարկելով. «Ամուլսարն առանց հանքի»:
Հետևեք մեզ նաև Telegram-ում