AM | RU
USD
EUR
RUB

Դավիթ Սահակյանց. Այս պահին շատ ավելի ծանր վիճակ է, քան երբևէ եղել է

 

ԵՐԵՎԱՆ, 25 ՀՈՒԼԻՍԻ, Panorama.am: Մուլտիպլիկատոր, ռեժիսոր, ՀՀ մշակույթի վաստակավոր գործիչ Դավիթ Սահակյանցի հետ Panorama.am-ը զրուցել է Ստամբուլյան կոնվենցիայի, «Ոսկե ծիրան» փառատոնի, վարվող մշակութային քաղաքականության և առաջիկա ծրագրերի մասին։

Panorama.am - Միացել եք Ստամբուլյան կոնվենցիայի դեմ իրականացվող ստորագրահավաքին։ Ի՞նչու, ի՞նչ վտանգներ եք տեսնում։

Դ. Սահակյանց - Պետք է դեմ լինել այն փաստաթղթին, որի տեքստը, տողատակերը, ենթատեքստը կարող են վտանգել մեր ավանդական, ազգային հիմնասյուները։ Վտանգ է երրորդ սեռի հայտնվելը։ Ըստ երևույթին, նոր իշխանության դիմաց այդ կոնվենցիան վավերացնելու պահանջ կա, մտադիր են դա անել։ Կարծում եմ՝ դա և նոր իշխանությունների թուլությունն է, միգուցե և դրա իրականացման հստակ ցանկությունը։

Panorama.am - «Ոսկե ծիրան» միջազգային 16-րդ փառատոնից հետո Հայաստանի կինոգործիչների միությունից դուրս գալու դիմում եք ներկայացրել։ Պատճառը հենց «ոչ ավանդական» ֆիլմին մրցանակ շնորհելն էր։ Ի՞նչ փուլում է այդ գործընթացը, դրանից հետո որևէ մեկը, այդ թվում «Ոսկե ծիրան» կինոփառատոնի հիմնադիր տնօրեն Հարություն Խաչատրյանը, որը նաև միության նախագահն է, ձեզ հետ կապ հաստատե՞լ է։

Դ. Սահակյանց - Անդամակցության տոմսն իրենց մոտ է։ Երևի պետք է նիստ լինի։ Տեղյակ չեմ կարգին։ Դիմումը ներկայացնելուց հետո ինձ հետ որևէ մեկը կապ չի հաստատել։

Panorama.am - Պարոն Սահակյանց, ինչպե՞ս կգնահատեք այս տարվա փառատոնային ֆիլմերը՝ հաշվի առնելով փառատոնի կազմկոմիտեի փոփոխությունը, ավելի երիտասարդներին փառատոնի կազմակերպումը հանձնելը։

Դ.Սահակյանց - Բարդ կլինի գնահատական տալ։ Միգուցե փոխվել է փառատոնի տեսլականը, ինչի հետ էլ կապում եմ որոշ ֆիլմերի ցուցադրությունն ու կարճամետրաժ ֆիլմերի տարածաշրջանային մրցույթում «Արծաթե ծիրան»-ի արժանացած ֆիլմի ընտրությունը։

Panorama.am - Իշխանափոխությունից հետո վարվող մշակութային քաղաքականությանն ինչպե՞ս եք գնահատում։

Դ. Սահակյանց - Կարծում եմ՝ շատ ցածր մակարդակի է։ Գիտեմ, որ մշակութային օջախներ կան, որոնք լուծարված են, զրկված ֆինանսավորումից։ Խնդիրները շատ-շատ են, այս պահին շատ ավելի ծանր վիճակ է, քան երբևէ եղել է։

Panorama.am - «Ռոբերտ Սահակյանց Փրոդաքշն» անիմացիոն ստուդիան 4 տարի առաջ սկսել է «Օլիմպիկոս» լիամետրաժ ֆիլմի նկարահանումները։ Ի՞նչ փուլում է ֆիլմը, ե՞րբ է նախատեսված պրեմիերան։

Դ. Սահակյանց - Ֆիլմի պրեմիերան նախատեսված էր այս տարի, սակայն անհայտ է, թե երբ կարող ենք ավարտել այն։ Այս տարի ֆինանսավորում չենք ունեցել, փորձում ենք մեր ուժերով առաջ տանել։ Նախորդ տարիներին եղել է, այս տարի չեղավ, կոնկրետ բացատրություն չեղավ՝ թե գումար չկա, թե ֆինանսավորման կարգեր են փոխվել։ Նկարահանել ենք այն բոլոր մասերը, որ մշակույթի նախարարության առջև պարտավորություն ունեինք։ Դեռ կան անելիքներ՝ և նկարահանումներ, և հետարտադրական։ Նույնիսկ եթե հիմա էլ լինի ֆինանսավորում, բարդ կլինի շարունակել ու այս տարի ավարտել։ Չորս ամիս է մնացել տարվա ավարտին։ Հիմա ընթացիկ նախագծեր ենք անում, որ ստուդիան գոյատևի։ Մեր ուժերով պահում ենք մեր բոլոր աշխատակիցներին, որևէ մեկին չենք ազատել։

Panorama.am - Շնորհակալություն։

Զրույցը վարեց Տաթև Մանուկյանը

Լրահոս
Փաշինյանը Հայաստանը ներքաշել է զենքի առևտրի միջազգային սև շուկա. Միքայել Մինասյան Գեղարքունիքում գրանցվել է կորոնավիրուսի 19 նոր դեպք Կրակոցներ Առինջ գյուղում Բելառուսում կորոնավիրուսի դեպքերի թիվը գերազանցել է 41 հազարը. «ՌԻԱ Նովոստի» Պուտինը հայտնել է, թե երբ կլինի Հաղթանակի շքերթը Արթուր Վանեցյան. «Հայաստանում մարդը պետք է լավ ապրի» Յուրի Խաչատուրովը չի մասնակցի ապրիլյան քննիչ հանձնաժողովի նիստին Պարետի նոր որոշումը Արթուր Վանեցյանն ընտրվել է «Հայրենիք» կուսակցության նախագահ Ռուսաստանում 1 օրում գրանցվել է կորոնավիրուսով վարակման 8952, մահվան 181 նոր դեպք. «ՌԻԱ Նովոստի» Գյումրու ինֆեկցիոն հիվանդանոցում կորոնավիրուսով 79 հիվանդ է բուժվում Սպասվում է առանց տեղումների եղանակ.առաջիկա 5 օրվա եղանակի կանխատեսում Հունիսի 1-ից սովորական անձնագրեր կրող ՀՀ քաղաքացիները իրավունք կունենան առանց արտոնագրերի ձևակերպման մեկնել Չինաստան. ՀՀ ԱԳՆ Հայաստանում հաստատվել է կորոնավիրուսով վարակվելու 251, մահվան՝ 10 նոր դեպք Կորոնավիրուսից մահացածների ու վարակակիրների թիվը՝ այսօրվա դրությամբ «Ժողովուրդ»․ Իրարանցում՝ դատական համակարգում «Ժողովուրդ»․ Հայաստանի տնտեսական ակտիվության ցուցանիշը նվազել է «Հրապարակ»․ Մինչև հուլիսի կեսերը Ավինյանը պաշտոնից կազատվի, ո՞վ է հաջորդը «Հրապարակ»․ Փոխադարձ մեղադրանքներ ԵԽԽՎ-ում՝ ԱԺ ծեծկռտուքի վերաբերյալ «Հրապարակ»․ Իշխանությունը ռեյդ է սկսել ընդդիմադիր օգտատերերի էջերում. փորձելու են թափանցել-ջարդել ՕՐՎԱ ԽՈՐՀՈՒՐԴԸ: Մայիսի 30 Արման Սահակյանին առաջադրված մեղադրանքն ակնհայտ անհիմն է Արցախը համաձա՞յն է Ադրբեջանի առաջարկած փուլային տարբերակին Ադրբեջանի նախագահի ելույթ-հարցազրույցներից պետք չի նյարդայնալ Արցախի ԱԺ նախագահն ընդունել է «Ազգային օրակարգ» կուսակցության խորհրդի նախագահին Կորոնավիրուսը կարող է դառնալ սեզոնային հիվանդություն, ինչպես գրիպը Մայիսի 29-ի դրությամբ Գեղարքունիքի մարզում հաստատվել է կորոնավիրուսով վարակման 6 նոր դեպք․ մարզպետ Ռոբերտ Քոչարյանի փաստաբանը՝ ՄԻԵԴ կարծիքի մասին. Ունենք բավականին օգտակար մի որոշում 111-ամյա կինը հաղթահարել է կորոնավիրուսային հիվանդությունը Էդմոն Մարուքյանը նշանակվել է ԵԽԽՎ համազեկուցող Վիտալի Բալասանյան. Ընտրողին ամենակեղտոտ ձևով խաբել են Մոսկվայի կենտրոնում ՀՀ քաղաքացու` ցանկապատից կախված դի է հայտնաբերվել Վտանգված է Արցախի սուբյեկտայնությունը Հրապարակվել է Ռոբերտ Քոչարյանի գործով ՍԴ հարցման վերաբերյալ ՄԻԵԴ կարծիքը Հնարավոր է սանիտարական նորմերը չեն պահպանվել, դրա համար Դենդրոպարկ տանող ճանապարհը փակել են. Դենդրոպարկի տնօրեն Մինչև համավարակի ավարտը Ռոբերտ Քոչարյանը կմնա «Իզմիրլյան» ԲԿ-ում Դավիթ Բաբայանը նշանակվել է Արցախի նախագահի խորհրդական՝ արտաքին գործերի հետ կապված հարցերով. Արայիկ Հարությունյան 24 ժամով կասեցվել է 1156 կազմակերպության գործունեություն Բոլիվիայում վերջին կես տարվա ընթացքում 3-րդ անգամ փոխվել է առողջապահության նախարարը. «ՌԻԱ Նովոստի» Վրաստանում մեկ օրվա ընթացքում գրանցվել է կորոնավիրուսով վարակման 8 նոր դեպք. «Netgazeti.ge»
Խմբագրի ընտրություն
website by Sargssyan