Եգիպտոսի նախագահի դեմ մահափորձի 32 մարդ դատապարտվել է ցմահ ազատազրկման

Եգիպտոսի նախագահի դեմ մահափորձի 32 մարդ դատապարտվել է ցմահ ազատազրկման

ԵՐԵՎԱՆ, 12 ՀՈՒՆԻՍԻ, ԱՐՄԵՆՊՐԵՍ: Եգիպտոսում դատարանը նախագահ Աբդել Ֆաթահ աս-Սիսիի դեմ մահափորձ ծրագրելու գործով 32 անձի դատապարտել է ցմահ ազատազրկման: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:

Մահափորձի գործով ներգրավված է 292 կասկածյալ: Նրանցից 29-ը դատապարտվել են 15, 36-ը՝ 10, 81-ը՝ 5, իսկ 177-ը՝ երեք տարվա ազատազրկման: Կասկածյալներից երկուսն անմեղ են ճանաչվել:

Դատախազությունը նրանց բոլորին մեղադրանք է առաջադրել «Իսլամական պետություն» ահաբեկչական խմբավորմանն իր հավատարմությունը հայտնած «Սինա Վիլայեթ» խմբավորման անդամ լինելու մեջ:

Ինչպես պարզել էր հետաքննությունը, ծայրահեղականները մտադրվել էին վերացնել Եգիպտոսի նախագահին Մեքքայի հյուրանոցներից մեկում:

 

Հետևեք մեզ նաև Telegram-ում