Սահմանադրական դատարանի մոտ իրավիճակը լարված է

ԵՐԵՎԱՆ, 20 ՄԱՅԻՍԻ, Aysor.am: Սահմանադրական դատարանի մոտ իրավիճակը լարված է։

ՍԴ մուտքի մոտ էր փաստաբան Գեղամ Սիմոնյանը։

«Ես պահանջում եմ նոր Սահմանադրության անհապաղ ընդունում, առաջինը, որ պետք է արվի, պետք է հրավիրվի սահմանադիր ժողով։ Ես սա պահանջում եմ առաջին օրվանից, ինչ երկրում սկսել է հեղափոխություն կոչվածը։ Կարծում եմ, որ այս ակցիան արդարացված կլինի միայն այն դեպքում, երբ սրա արդյունքում հասարակությունը հասկանա, որ խնդիրները ոչ թե խարսխված են դատարաններում, այլ կեղծված սահմանադրության մեջ, որն օր առաջ պետք է փոխվի։ Հակառակ պարագայում նորմալ դատական համակարգ չենք ունենա։ Ամբողջը պետք է փոխվի, բացի սահմանադրության 1-ին և 2-րդ հոդվածներից», – հայտարարեց Գեղամ Սիմոնյանը։

Երբ վերջինս ներկայացնում էր իր տեսակը, քաշքշուկ սկսեց։ Դատարանի մուտքը փակած քաղաքացիները սկսեցին վանկարկել՝ հե- ռա- ցիր։

Հրմշտոց սկսեց, ոստիկանները, հրելով փաստաբան Գեղամին Սիմոնյանին, իջեցրին ՍԴ աստիճաններից։