Ոստիկանությունը Զարթոնք գյուղում հրացան գործադրած անձին բերման է ենթարկել

Ոստիկանությունը Զարթոնք գյուղում հրացան գործադրած անձին բերման է ենթարկել

ԵՐԵՎԱՆ, 13 ԱՊՐԻԼԻ, Times.am: Ոստիկանության Մեծամորի բաժնում ապրիլի 13-ի վաղ առավոտյան ահազանգ է ստացվել, որ Զարթոնք գյուղում մի խումբ անձանց մասնակցությամբ միջադեպ է տեղի ունեցել։ Այդ ընթացքում մասնակիցներից մեկը որսորդական հրացան է գործադրել։

Ինչպես տեղեկացրին ՀՀ ոստիկանության հասարակայնության հետ կապերի և լրատվության վարչությունից, ահազանգին արագ արձագանքած ոստիկանության Մեծամորի բաժնի ծառայողները կանխել են միջադեպի հնարավոր անդառնալի հետևանքները։ Բացի այդ, ոստիկանները վնասազերծել են հրացան գործադրած անձին, նրան և միջադեպի մի քանի մասնակիցների բերման են ենթարկել բաժին։

Միջադեպի մասնակից հինգ անձ դիմել է բուժօգնության։ Նրանցից երկուսի վնասվածքը, նախնական վարկածով’ առաջացել է որսորդական փամփուշտի կոտորակից։ Տեղում ոստիկանության մի շարք ստորաբաժանումների ծառայողներ վերահսկում են օպերատիվ իրավիճակը։

 

Հետևեք մեզ նաև Telegram-ում