«Խավիարային դիվանագիտություն» իրականացնելու փոխարեն ԱՄԷ-ում Ադրբեջանի դեսպանը խավիարը գողացել է

«Խավիարային դիվանագիտություն» իրականացնելու փոխարեն ԱՄԷ-ում Ադրբեջանի դեսպանը խավիարը գողացել է

ԵՐԵՎԱՆ, 19 ՄԱՐՏԻ,  Panorama.am: Արաբական Միացյալ Էմիրություններում Ադրբեջանի արտակարգ և լիազոր դեսպան Դաշգըն Շիկարովը յուրացրել է Ադրբեջանի կառավարության կողմից Աբու Դաբիի կառավարիչ Խալիֆ իբն Զայդ ալ-Նահայանին ուղարկված նվերը:

Ինչպես հաղորդում են ադրբեջանական աղբյուրները, խոսքը գնում է 10 բանկա խավիարի մասին:
Բացի այդ, Աբու Դաբիում Ադրբեջանի դեսպանատանը աշխատում է հատուկ հանձնաժողով, որն ուսումնասիրում է կես միլիոն դոլարի հափշտակությունը: Կասկած կա, որ այդ գումարը յուրացվել է:

Շիկարովը բավական փորձառու դիվանագետ է, նախկինում նա ղեկավարել է Ադրբեջանի դիվանագիտական առաքելությունները Պակիստանում և Աֆղանստանում: ԱՄԷ-ում նա դեսպան է նշանակվել 2016 թ.-ի հունվարին:

Նշվում է, որ այս բացահայտումից հետո Ադրբեջանի նախագահը հետ է կանչել դեսպանին։

Այս բացահայտումը ևս մեկ անգամ ապացուցում է, որ Ադրբեջանը շարունակում է իր «խավիարային դիվանագիտությունը»։

Հետևեք մեզ նաև Telegram-ում