Վրաստանի Անվտանգության նոր խորհուրդը կենթարկվի երկրի վարչապետին

ԵՐԵՎԱՆ, 25 ԴԵԿՏԵՄԲԵՐԻ, ԱՐՄԵՆՊՐԵՍ: Վրաստանի խորհրդարանը քննարկում Է երկրի «Ազգային անվտանգության քաղաքականության պլանավորման եւ համակարգման կանոնների մասին» օրենքի՝ կառավարության պատրաստած ուղղումները, որոնց շրջանակներում Ազգային անվտանգության նոր խորհուրդը կգտնվի վարչապետի ենթակայության ներքո, տեղեկացնում Է «Արմենպրես»-ը՝ հղում անելով «Գրուզիա Online»-ին:

Ուղղումների նախագիծը պատրաստվել Է դեկտեմբերի 17-ին այն բանից հետո, երբ Ազգային անվտանգության խորհուրդը՝ նախագահի գլխավորությամբ, դադարեցրեց գործունեությունը նոր Սահմանադրության ուժի մեջ մտնելուց անմիջապես հետո: Ութ հոգուց բաղկացած խորհրդակցական մարմինը կգլխավորի վարչապետը: Խորհրդի մշտական անդամներն են նաեւ՝ պաշտպանության, ներքին գործերի, արտաքին գործերի եւ ֆինանսների նախարարները, պետական անվտանգության ծառայության եւ հետախուզության ծառայության ղեկավարները, պաշտպանության ուժերի հրամանատարը: Փաստաթղթի համաձայն՝ խորհրդի մշտական անդամներից մեկի վրա կդրվի խորհրդի քարտուղարի պարտականությունները: Խորհուրդը նաեւ կունենա աշխատակազմ, որը կգտնվի կառավարության վարչակազմում եւ կունենա «քաղաքականապես չեզոք» ղեկավար: Ուղղումների նախագիծն արդեն անցել Է երկու կոմիտեների ունկնդրումները, եւ քվեարկության համար լիագումար նիստի կներկայացվի, ենթադրաբար, 2019 թվականի փետրվարին: