Խոշոր ավիաընկերությունները դադարեցրել են Սիրիայի օդային տարածքով թռիչքները հնարավոր հրթիռային հարվածների պատճառով
Նմանատիպ
Սիրիայի տարածքում հնարավոր հրթիռային հարվածների պատճառով խոշորագույն ավիաուղիները փոխել են իրենց երթուղիները` շրջանցելով Սիրիայի օդային տարածքը: Ինչպես հաղորդում է «Արմենպրես»-ը, այս մասին հայտնում է The New York Times-ը:
Եվրոպական ավիացիոն անվտանգության գործակալությունը հայտարարություն է տարածել, որում ավիաընկերություններին հորդորել է Սիրիայի տարածքում հնարավոր ավիահարվածների պատճառով խուսափել այդ երկրի օդային տարածքից: Հայտարարության մեջ նշվում է, որ չի բացառվում Սիրիայի տարածքում հակաօդային հրթիռների օգտագործումը:
Հնարավոր հարվածների պատճառով երթուղիները փոխել են Air France, Lufthansa, EasyJet ավիաընկերությունները:
Քուվեյթի Kuwait Airways ավիաընկերությունը դադարեցրել է թռիչքները Բեյրութ, իսկ հիմնական լիբանանյան ավիափոխադրող Middle East Airlines-ը հայտարարել է ժամանակացույցի փոփոխությունների մասին մինչև ապրիլի 13-ի երեկո:
Հետևեք մեզ նաև Telegram-ում