AM | RU
USD
EUR
RUB

Սույն նախագիծը, որը ցանկանում են ներկայացնել իբրև բռնությունների կանխարգելման օրինագիծ, իր մեջ պարունակում է լուրջ վտանգներ

 

Որպես Հայաստանի Հանրապետության քաղաքացի, Ազգային Անվտանգության և այլ համապատասխան կառույցների ուշադրությունն եմ հրավիրում այս հարցին՝ պահանջելով լրջագույնս ուսումնասիրել և համապատասխան քայլեր ձեռնարկել ստորև բերվող հարցերի առնչությամբ

Վերջին օրերին բուռն քննարկումների առիթ է տվել Արդարադատության նախարարության կողմից ներկայացված «Ընտանեկան բռնության կանխարգելման եվ ընտանեկան բռնության ենթարկված անձանց պաշտպանության մասին և հարակից» օրենքնի նախագիծը։ Բազմաթիվ մասնագետներ, քաղաքացիներ և հասարակական գործիչներ իրենց մտահոգությունն են արտահայտել սույն նախագծում առկա մի շարք վտանգների վերաբերյալ։ Հնչել են մասնագիտական գնահատականներ, որ սույն օրենքում առկա են նաև հակասահմանադրական դրույթներ։ Նախարարության տարբեր աշխատակիցներ (այդ թվում՝ փոխնախարարը, և անձամբ նախարարը) տարբեր առիթներով հանդես են եկել հայտարարություններով, թե նախագիծը չի պարունակում որևէ ոտանգավոր և մտահոգիչ դրույթ։ Նման կարծիք է հայտնել նաև մարդու իրավունքների պաշտպանը՝ արդարադատության նախարարության կողմից հրավիրված «հանրային քննարկմանը»՝ Մատենադարանում։ Հարկ ենք համարում հիշեցնել, որ այդտեղ տեղի ունեցած միջադեպերը և հանրության խոսքը խոչընդոտելու փորձերը արդեն իսկ մեծ արձագանք են գտել և դատապարտվել բազմաթիվ քաղաքացիների կողմից։ Խիստ մտահոգված լինելով մարդու իրավունքների պաշտպանությանը և արդարադատությանը կոչված կառույցների անընդունելի վարքագծից՝ միևնույն ժամանակ ցանկանում ենք պատկան մարմինների ուշադրությունը հրավիրել մի քանի հանգամանքի վրա.

Սույն նախագիծը, որն ամեն կերպ ցանկանում են ներկայացնել իբրև բռնությունների կանխարգելմանը նվիրված օրինագիծ, իրականության մեջ պարունակում է բավականին լուրջ վտանգներ։ Ի թիվս, արդեն բազմիցս հնչեցված այլ խնդրահարույց կետերի, սույն օրենքը սահմանում է պաշտպանության գործառույթներ իրականացնող մարմիններին.

Մասնավորապես.
«Հոդված 5. Ընտանեկան բռնության կանխարգելման և ընտանեկան բռնության ենթարկված կամ ենթադրաբար ենթարկված անձանց պաշտպանության գործառույթներ իրականացնող մարմինները և հատուկ կառույցները

1. Ընտանեկան բռնության կանխարգելումը և ընտանեկան բռնության ենթարկված կամ ենթադրաբար ենթարկված անձանց պաշտպանությունն իրենց գործառույթների շրջանակներում իրականացնում են`
1) Ընտանեկան բռնության կանխարգելման խորհուրդը.»։
Հաջորդը.
«Խորհրդի կազմում հավասար թվով ընդգրկվում են՝
1) հանրապետական գործադիր իշխանության և իրավապահ մարմինների ներկայացուցիչներ.
2) հասարակական կազմակերպությունների ներկայացուցիչներ.
3) Աջակցության կենտրոնների և ապաստարանների աշխատակիցներ՝ Լիազոր մարմնի ղեկավարի ներկայացմամբ:
3. Հասարակական կազմակերպությունների ներկայացուցիչներին նշանակում է Հայաստանի Հանրապետության վարչապետը՝ ընտրություն կատարելով Խորհրդի կազմում ընդգրկվելու հայտ ներկայացրած այն թեկնածուների թվից, որոնք առաջադրվել են առնվազն վերջին երեք տարիներին ընտանեկան բռնության կանխարգելման բնագավառում գործունեություն իրականացրած կազմակերպությունների կողմից:
4. Խորհրդի անդամները նշանակվում են 6 տարի ժամկետով՝ վերանշանակման իրավունքով:
5. Խորհուրդը նախագահ է ընտրում իր կազմում ընդգրկված հասարակական կազմակերպությունների ներկայացուցիչների թվից՝ Խորհրդի անդամների ձայների պարզ մեծամասնությամբ՝ 2 տարի ժակետով, առանց վերընտրման իրավունքի:»։
Բացի, այդ. առաջարկվում է ստեղծվելիք լիազոր մարմիններին ընձեռնել այնպիսի հնարավորություններ, որոնք պարունակում են նաև կոռուպցիոն ռիսկեր. մասնավորապես.
«Հոդված 7. Լիազոր մարմնի լիազորություններն ընտանեկան բռնության կանխարգելման և ընտանեկան բռնության ենթարկված կամ ենթադրաբար ենթարկված անձանց պաշտպանության բնագավառում․․․

4) հիմնադրում է ապաստարաններ, ոչ առևտրային իրավաբանական անձանց հետ կնքում է ապաստարանի ֆինանսավորման պայմանագիր՝ Հայաստանի Հանրապետության կառավարության սահմանած՝ պայմանագրի օրինակելի ձևի հիման վրա, և վերահսկողություն իրականացնում իր կողմից մասնակի կամ ամբողջապես ֆինանսավորվող ապաստարանների գործունեության նկատմամբ՝ այդ թվում ֆինանսական միջոցների օգտագործման մասով.

7) հաստատում է ընտանեկան բռնության ենթարկված անձանց նախնական նույնացման չափորոշիչները և ուղղորդման կարգը.
8) բացում է ընտանեկան բռնության ենթարկվածների աջակցության հաշվեհամար և տնօրինում այն՝ Հայաստանի Հանրապետության կառավարության սահմանած կարգի հիման վրա.
9) հաստատում է Աջակցության կենտրոնի կողմից ընտանեկան բռնության ենթարկված և ընտանեկան բռնություն գործադրած անձանց միջև հաշտարարության կազմակերպման և իրականացման կարգը.»։

Փաստորեն, այս նախագիծը առաջարկում է օրենքի ուժով գրեթե անսահմանափակ լիազորություններ և ֆինանսական լծակներ տալ վերջին տարիներին «ընտանեկան բռնության կանխագրելման բնագավառում գործունեություն իրականացրած կազմակերպություններին»։

Վերջին տարիներին ընտանեկան բռնության կանխարգելման բնագավառում գործունեություն իրականացրած կազմակերպություններից են
«Հասարակություն առանց բռնության» ՀԿ
«Կանանց տիրույթ» ՀԿ
«Կանանց ռեսուրսային կենտրոն» ՀԿ
և այլն

Կից ներկայացվող նկարներում և տեսանյութում, ցույց է տրված, այդ կառույցների կամ դրանց աջակցությամբ տեղի ունեցած մի շարք ակցիաների, ինչպես նաև «լուսավորչական» նպատակներով ստեղծված նյութերի օրինակներ։ Մասնավորապես «կանանց ռեսուրսային կենտրոնի» աջակցությամբ, ստեղծվել է կայք, որն, ըստ կայքում տեղ գտած ինֆորմացիայի, նախատեսված է իրազեկելու ծնողներին իրենց երեխաներին առնչվող խնդիրներին և առաջարկելու մեխանիզմներ ծնողների համար։ Այստեղ մասնավորապես, նշվում է, որ գոյություն չունի սեռական հարաբերություն սկսելու ճիշտ տարիք, նշվում է, որ ցանկալի չէ, երբ ծնողները, լավ չըմբռնելով իրենց երեխաներին, փորձում են պաշտպանել նրանց՝ արգելքներ դնելով նրանց առաջ և այլն։ Թե ինչպիսի իրազեկման, մեխանիզմների և ինչ բնույթի ինֆորմացիայի մասին է խոսք գնում, դուք կարող եք պատկերացնել ծանոթանալով կից բերվող նկարներին, (զգուշացում, նկարներում առկա բովանդակությունը նախատեսված չէ 18 տարին չլրացած անձանց համար)։

Նույն օրենքի նախագիծը ենթադրում է, որ ստեղծվելիք մարմինները, որոնց կազմում պետք է պարտադիր ներառված լինեն վերը հիշատակած կառույցների ներկայացուցիչներ, պետք է մշակեն հարաբերությունների ընթացակարգեր, հանդես գան առաջարկություններով, պատրաստեն մասնագետներ, կատարեն տեղեկատվական, հոգեբանական, փորձագիտական և այլ բնույթի աշխատանքներ և այլն.... (հետաքրքրված անձինք կարող են պարզապես մեկ անգամ ընթերցել նախագիծը. բանավեճերի և քննարկումների մասնակցությունը՝ առանց նախագծին ծանոթանալու՝ չի խրախուսվում)։
Սակայն վտանգավոր դրույթներն այսքանով չեն սահմանափակվում։ Բերված են նյութեր, որտեղ պարզ երևում է, որ սույն կառույցների կողմից խրախուսվող և կազմակերպվող միջոցառումների ժամանակ հնչեցվում են՝ «ո՛չ պետությանը, ո՛չ սահմաններին» և անմանատիպ բովանդակությամբ կոչեր։ Ինչպես նաև, տարատեսակ միջոցառումներին այդ շարժումների և աջակիցների կողմից բաժանվող բրոշյուրներում՝ զետեղված են տեքստեր, որտեղ նշվում է, որ պետությունը իրական մտահոգություն է ամեն մի մտածող մարդու համար և կասկած է հայտնվում՝ արդյո՞ք, պետք է ունենալ ուժեղ պետություն։
Այսպիսով, ստացվում է, որ պետության վերացման և թուլացման, մանկապղծության և այլ նմանատիպ կոչեր անող կառույցների ներկայացուցիչներին, կառավարության մակարդակով առաջ բերված մի նախագծի շրջանակներում, փորձ է արվում ընձեռնել գործնականում անսահմանափակ լիազորություններ՝ վարելու քարոզչական աշխատանք երկրի ողջ տիրույթով, ունենալու ֆինանսական լծակներ՝ ստեղծելու տարատեսակ կառույցներ և կատարելու պրոպագանդիստական և այլ բնույթի գործունեություն այդ թվում կրթական և այլ հասարակական կառույցներում, ներխուժելու ընտանեկան կյանք՝ ստանալով հնարավորություն միջամտել ցանկացած մարդու անձնական կյանքին և այլն։
Այս ամենը մտահոգիչ է նաև նրանով, որ սույն օրինագծի քննարկման ժամանակ նույն ճակատով հանդես էին գալիս արդարադատության նախարարը, մի շարք այլ չինովնիկներ, լրագրողական կայքեր, հայտնի ու անհայտ գործիչներ, և մասնավորապես բերվող նկարներում պատկերված անձինք։

Սա հիմք է տալիս, մտահոգություն հայտնելու, որ պետական կառույցներում, կառավարության մեջ, հասարակական կազմակերպություններում, լրատվական դաշտում և այլն, գործում է հակապետական դավաճանական մի ցանց, որը կազմակերպված կերպով փորձում է օրինական լուրջ լծակներ ստեղծել պետության ոչնչացման ուղղակի քարոզ կատարող կառույցների համար։

Ուստի, որպես Հայաստանի Հանրապետության քաղաքացի, Ազգային Անվտանգության և այլ համապատասխան կառույցների ուշադրությունն եմ հրավիրում այս հարցին՝ պահանջելով լրջագույնս ուսումնասիրել և համապատասխան քայլեր ձեռնարկել վերը նշված հարցերի վերաբերյալ։

Զաքար ԽՈՋԱԲԱՂՅԱՆ

Լրահոս
Մոսկվայի օդանավակայանում մնացած ՀՀ քաղաքացիներն ահանզանգում են՝ ՀՀ կառավարությունը չի թույլատրում իրենց վերադարձը Հայաստան. Ռուբեն Մելիքյան Մել Դալուզյանը Փաշինյանի անձնական պաշտպանության տակ է, իսկ ՀՀ նորմալ քաղաքացիները ոչ (խայտառակություն Մոսկվայում). Նարեկ Սամսոնյան (տեսանյութ) Կորոնավիրուսային հիվանդություն հաստատված 758 պացիենտ ստանում է բուժում ԵՄ-ն Հայաստանին կտրամադրի ընդհանուր առմամբ 92 մլն եվրո Իրանում կորոնավիրուսի զոհերի թիվը հասել է 3993-ի (РИА Новости) Բակո Սահակյանն անցկացրել է նոր կորոնավիրուսի տարածման դեմ պայքարին նվիրված խորհրդակցություն Ժամեր անց Չինաստանից Երևան կժամանի բժշկական պարագաներ տեղափոխող ինքնաթիռը Փաստահավաք խումբն ահազանգում է Ռոբերտ Քոչարյանը պետք է անհապաղ ազատ արձակվի կալանքից. «Իմ Ձայնը» նախագիծ Իրանի ԱԳ նախարարը ցավակցություն է հայտնել ՀՀ-ում վարակի զոհերի կապակցությամբ Ֆրանսիայում մահացել է հայտնի հայ ֆիզիկոսն, ում անունով 11 աստղերից կազմված խումբ է անվանակոչվել Հրայր Թովմասյանի նախաձեռնությամբ ՍԴ-ն համակարգիչներ է փոխանցել աշակերտներին տրամադրելու նպատակով Զորավարժություն՝ մարտական հրաձգությամբ. ԼՈՒՍԱՆԿԱՐՆԵՐ Քննարկում՝ միջգերատեսչական աշխատանքային խմբի հետ.ՊՆ Արարատի մարզում կորոնավիրուսի նոր դեպքեր կան Հայկական կողմի նախաձեռնությամբ հեռախոսազրույց է տեղի ունեցել Մնացականյանի և Լավրովի միջև Հարյուրավոր երեխաների փրկած բժիշկն ասել է, թե երբ կավարտվի կորոնավիրուսի համաճարակը Ավագ Հինգշաբթի դուրս կբերվի Սուրբ Գրիգոր Նարեկացու մասունքը Արմեն Սարգսյանը նոր օրենք է ստորագրել Վարչապետը փորձում է բոլորիս համոզել, որ քաղավիացիայի հետ կատարվածի մեջ ողբերգություն չկա. Միհրան Հակոբյան Ապրիլի 7-ին ՌԴ-ից ՀՀ ժամանած 178 ուղևորները ԱԻՆ ավտոբուսներով տեղափոխվել են մեկուսացման վայրեր ՄԻՊ-ը Ռոբերտ Քոչարյանի գործով նիստերի հետաձգման հարցով գրություն է ուղարկելու ԲԴԽ՝ պաշտոնական դիրքորոշումը պարզելու համար Հատկապես այս տարի դա անթույլատրելի է․ Խորհրդակցություն՝ Նիկոլ Փաշինյանի մոտ Սերժ Սարգսյանի գրասենյակը տեղեկացնում է Պարետն ուղերձով դիմել է քաղաքացիներին. ՏԵՍԱՆՅՈՒԹ Փոխվարչապետ Տիգրան Ավինյանի խորհրդական Բագրատ Բադալյանի մամուլի ասուլիսը. ՈՒՂԻՂ Արցախի մի շարք հսկիչ-անցագրային կետերում ախտահանվել է մոտ 430 տրանսպորտային միջոց 30 հազար եվրո կհատկացվի կրթաթոշակներին․ «Ամունդի-ԱԿԲԱ Ասեթ Մենեջմենթ» Նամակները EASA-ն գրել է Տաթևիկ Ռևազյանին. Մինասյան Կորոնավիրուսի պատվաստանյութի ստեղծման ժամկետի մասին Պատերազմի երկրոդ ճակատն ըստ Լևոն Տեր-Պետրոսյանի, որով փորձ է անում օգնել իշխանություններին՝ Նիկոլին Հակոբ Ճաղարյանը՝ Վարչապետի խորհրդականի պաշտոնից ազատվելու մասին Պաշտոնանկություն՝ վարչապետի որոշմամբ Բարձր տեխնոլոգիական արդյունաբերության նախարար Հակոբ Արշակյանի մամուլի ասուլիսը Հնարավոր է՝ մինչև վերջ գնանք. Ալումյանը՝ Փաշինյանի դեմ Ռոբերտ Քոչարյանի դատական հայցի մասին ՌԴ-ից Հայաստան բերված հետազոտական համալիրն օրական կարող է անել 100 թեստավորում (Տեսանյութ) Եվրախումբը համաձայն չէ ԵՄ տնտեսության վերականգնման համար 500 միլիարդ դոլար տրամադրելուն Առավոտյան կորոնավիրուսի հետևանքով մահ է արձանագրվել Արցախի տեղեկատվական շտաբը տեղեկացնում է Ռոբերտ Քոչարյանի փաստաբաններ Հայկ Ալումյանի և Արամ Վարդևանյանի ասուլիսը՝ ուղիղ
Խմբագրի ընտրություն
website by Sargssyan